तोहचीतव पोल्‍लोङ 11:8 - माडिया गोंड पवित्र सास्त्रम

⁸ ओराङ सेत्ताङ अद बेरा सहरता अग़दगा अर्स मन्ह्‌ताङ. अदे सहरतगा, ओरा सामिन वने, हव्कनागुटातगा मोल्‍लाङ कोटिस हव्किस मतोर. सोदोम सहरतोरा लेह्‌काने, अहे मिसर देसेमतोरा लेह्‌काने, (अद बेरा सहरतोर वने ओसोय लाग्वोरु)!

तोहचीतव पोल्‍लोङ 11:8 Referans Kwoze

तोहचीतव पोल्‍लोङ 18:10

ओर अद सहरताङ तिपल्कनेनाह्‌क रेयिसि, जेक निचि इद्रम इनदनुर: “अलो! बेरा सहरतिन! बेबिलोनतिन, बेरोर राजालोरा सहरतिन! नीक बेचोन गोसा वाता! गट्कामेटेन नीक सिक्सा दोर्कता,” इनदनुर.

तोहचीतव पोल्‍लोङ 18:21

अस्के उंद पका लावता देवतुलि, बेरा जेता बंडाता लेह्‌काडा बंडातुन तेहचि, सम्दुरतगा वाटसोरे इता, “देवुळि बेरा सहर बेबिलोनतुन, इद्रमे तेहच वाटिसीयग़ा, ओसो बूळे कीयग़ा. ताना पया अद सहर मुर्तिय दिसो आयग़ा.

इब्रितोर 13:12

अद्रमलेह्‌काने येसु वने, तना नेतुरते मन्कलोरा पापमतुन एडिह कीयलाहि, येरुसलेम सहरता पलते, तिपल आसि डोलतोग़.

तोहचीतव पोल्‍लोङ 18:18

निचि अद सहर कर्वनद उंडुलतुन ऊळनुर, ऊळिसि “इचोटा बेरा सहरता लेह्‌का बेद सहर मन्ह्‌ता!” इनजोर केयनुर.

तोहचीतव पोल्‍लोङ 11:9

सबे देसेह्‌कनोर, सबे कूळिनोर, दुस्राङ-दुस्राङ बासाङ वळ्ह्‌कवालोर, सबे जातिनोर, मूंड दियाना वळ्गा एवनाह, ओराङ सेत्तान ऊळिह्‌तोर. ओराङ सेत्तान गति कीयलाह एवोर.

यहुदाल 1:7

इद्रमलेह्‌काने सोदोम-गोमोरा, इव सहर्कनोर, अहे एरे-गूरे मतव नाह्‌कनोर मन्कलोर वने, अव देवतुल्क कीतप लेह्‌का कीतोर; इतेके मुर्तिय ओप्पवव साट्याल कबस्क कीसोर मंदुर. देवुळि ओरिन अमेसातेनाह्‌क मळ्गसोर मनदनद किसतगा वाटिस सिक्सा ईता. ओरिह्‌क अद्रम आतदिन ऊळिसि, सबेटोर मन्कलोर रेयिस मनदना इनजोर, इद पोल्‍लो तोहतह्‌ता.

2 पत्रु 2:6

अद्रमे सोदोम-गोमोरा सहर्कने मतोरिन वने, अद विळ्सो; पूरा नेग़ आनाह, ओराङ सहर्किन बूळे कीसीता, अद्रम ओरिन सिक्सा ईता. ओसो तान पास्कवालोर इद्रमे आस्तोर इनजोर, इद पोल्‍लो तोहतह्‌ता.

मत्याल 10:15

इह केंजाट, नना सेतेम वेहतह्‌नन, सोदोम-गोमोरा अव नाह्‌कनोरिन देवुळ (ओराङ लाग्वाङ कबस्कनेनाह्‌क, मुने सिक्सा ईसि) बूळे कीता इन्जि पुतिर. तान वीळिसि मीक एरे केवोर इव नाह्‌कनोरिनु, नेयमता आक्रि दियाते देवुळि वेल्‍ला सिक्सा ईयग़ा.

तोहचीतव पोल्‍लोङ 18:2

अद जोरते इद्रम केयता: “बेबिलोन सहरता लाग्वद साट्याल कबळता रिमाते, सबे जातिनोर कलियतोर. बूमतोर राजालोर ताना संगे साट्याल कबळ कीतोर. ताना बेह्‌रा मादग्डाहि, बूमतगा दंदा केवालोर मन्कलोर साव्कर आतोर. अदिह्‌क बूळेम आता, बूळेम आता, बेरा बेबिलोन सहर बूळेम आता! इंजेके अद सहर देयह्‌क मनदनद जागा आता. सबे देयह्‌क अगा मन्ह्‌ताङ. सबे पोलवव पिटेङ अगा गूडाङ पंडटाङ,” इता.

तोहचीतव पोल्‍लोङ 16:19

बूमि गल्जतस्के, बेरा बेबिलोन सहर मूंड तुक्ळेङ आता. दुस्राङ देसेह्‌कनाङ सहर्क वने पूरा बूळेम आताङ. देवुळि तना पूरा मळ्गनद ओङतुन, बेबिलोन सहरता पोग़ोन अर्हचीयलाह सीता कीता.

तोहचीतव पोल्‍लोङ 14:8

अद अतापया दुस्रा देवतुल वाता, वासि इद्रम इता: “बूळेम आता, बूळेम आता, पका बेरा बेबिलोन इनदनद सहर बूळेम आता. बेद्रम बोगे आस्कु, तमगा वावालोर कोय्तोरिन, साट्या बुदता रिमा वानाह कीस्ताङ, अहलेह्‌का बेबिलोन सहरतोर सबे जातिनोरिन काग़्हचि, ओरिन सेतेम देवुळतुन विळ्सिसि, बोमान मोळ्कनद गिर्दा वानाह कीतोर,” इता.

तोहचीतव पोल्‍लोङ 11:13

अचोटेने बूमि पकाय गल्जिह्‌ता. सहरता दहा चेकाना बूमताहि, उंद चेका सहर बल अरयह्‌ता. बूम गल्जतस्के, एळुङ अजर्क लोकुर डोलिह्‌तोर. पिसतोर लोकुर पकाय रेयिह्‌तोर. रेयिसि, पोग़ोटा देवुळतुन मान ईसि मोळ्किह्‌तोर.

बळयिर 9:4

वेह्‌च अरतस्के सोलु नेल अरतोग़. अस्के “ए सोलु, निमा नाक बाराह्‌क तिपल कीयलाह आतिन?” इनजोर ओन्क उंद आल्का केंज वाता.

तोहचीतव पोल्‍लोङ 18:24

इद बेरा सिक्सा नीवा पोग़ोन बाराह्‌क अरता इतेके, नियगा देवुळता कबुरतोरिन, पूरा बूमतगा देवुळता मन्कलोरिन, ओसो दुस्रोर मन्कलोरिन, नियग्डोर हव्कतोर इनजोरे,” इन्जि अद देवतुल इता.

तोहचीतव पोल्‍लोङ 17:5

ताना तला-कपरातगा पेदिर रासिस मता, अद पेदिरता अर्तम बोरे पुनवप मता. अद इद्रम मता: “बेरा बेबिलोन सहर: बूमतग्डाङ बोगे आस्कना कबळि, ओसो एग़्ङ वानाह मनदनव करब कबस्कु, इग्डाहिये पुटटाङ,” इनजोर रासिस मता.

तोहचीतव पोल्‍लोङ 17:1

अद्रमलेह्‌काने पया, एळुङ कस्लाङ पोयतव देवतुल्कनग्डाहि, उंद देवतुल बह कीता, नयगा वासि इद्रम इता: “इंजेके वेल्‍लाङे कसानगा उदतद, (बेरा सहरतुन ऊळकिन, तान) पका लाग्वद बोगे आंचाळ इन्ह्‌तोर. ताना संगे साट्याल कबळ कीतप लेह्‌का, बूमतोर राजालोर, (बोमान मोळ्कनद) ताना पापमते कलियतोर. अद बोगे आंचाना साट्या बुदता रिमा आतप लेह्‌का, बूमतगा मनवालोर (सेतेम देवुळतुन विळ्सिस, बोमान मोळ्कलाह गिर्दा) आतोर. दय! देवुळि अद सहरतुह्‌क बेद्रम सिक्सा ईस्ता इनजोर, नीक तोहतकन,” इता.

तोहचीतव पोल्‍लोङ 14:20

सहरता पलते मतद अंगुर्क ओय्ह्‌कनद बोंदातगा, अव अंगुर गुतिन ओय्ह्‌किस पेग़तोर. पेग़तस्के, पूरा डेडा नूर कोस्क एवनाह इतप, नेतुर पोळ्ङता. अद नेतुर जोक-जोक डेडा मिटरता निल्क एवनाह निंदिस अता.