पिलिपितोर 4:20 - माडिया गोंड पवित्र सास्त्रम

²⁰ मावा देवुळबाबाह्‌कु अमेसा-अमेसातुह्‌क मान आयि, आमेन.

पिलिपितोर 4:20 Referans Kwoze

रोम सहरतोर 11:36

बाराह्‌क इतेके, सबे देवुळतग्डाहिये पुटटाङ, तानाय कयदे सबे ताकिह्‌ताङ, तानेनाह्‌के सबेटव मन्ह्‌ताङ. तान्के अमेसा-अमेसातुह्‌क मान आयि! आमेन.

तोहचीतव पोल्‍लोङ 14:7

अद जोरते इद्रम इता: “देवुळि नेयम कीयनद दिया एवता. अदिनेनाह्‌क तान्क रेयाटु, तान्क मान ईम्ह्‌टु. पोग़ोटा बूमि, इळ्ता बूमि, सम्दुर ओसो एताङ कनिर्क, इविस्किन पंडटद देवुळतुन मोळ्काट,” इनजोर इता.

तोहचीतव पोल्‍लोङ 7:12

“आमेन! मावा देवुळिये सबेट्क बेरा, डीसा तानाये, बुदि तानाये, तान जोहर कीकल, तान मान ईकल, अदिकर तानाये, लाव तानाये, आमेन!” इनजोर इताङ.

तोहचीतव पोल्‍लोङ 5:12

अव जोरते इद्रम इताङ: “मन्कलोर इद गोरेपिलातुन हव्किस मतोर, मति इंजेके अदिकर तानाये, सबे मालसोम तानाये, बुदि तानाये, लाव तानाये, मान तानाये, डीसा तानाये, तान जोहर कीकल, अदे अद्रम कीयना लायकता आंदु,” इनजोर इताङ.

तोहचीतव पोल्‍लोङ 1:6

कीसि माक तना राजेमतोर कीतोग़, ओसो तना देवुळबाबाना बूमयालोर कीतोग़. अदिनेनाह्‌क मान ओसो राजेमि, अमेसा-अमेसातुह्‌क ओनाय मनि! आमेन.

यहुदाल 1:25

मावा येसुसामि किर्स्तुना मेटे, माक पिसिह कीयनदु, अद वग़य देवुळि. अदे देवुळतुह्‌क, अता कालमते वने, इंजेक वने, अमेसा-अमेसातेनाह्‌क डीसा तानाये; मान तानाये; लाव तानाये; अदिकर तानाये इनजोर, मन्कलोर इनिर. आमेन.

पिलिपितोर 1:11

बेद्रम इतेके, येसु किर्स्तु मीक देवुळता मुनेह सेतेमतोर कीताह्‌कु, मीवा ताकमुळतुन ऊळिसि, वेल्‍लाटोर मन्कलोर तान बेरा डीसाता इन्जि, मान ईस जोहर कीयिर इनजोर, इह वने नना पार्तना कीयलाह आतन.

इपिसुसतोर 3:21

विस्वसिरा मुडगा ओसो किर्स्तु येसुनगा, तान्क अमेसा-अमेसातुह्‌क मान दोर्कसोरेन मनि. आमेन.

तोहचीतव पोल्‍लोङ 11:13

अचोटेने बूमि पकाय गल्जिह्‌ता. सहरता दहा चेकाना बूमताहि, उंद चेका सहर बल अरयह्‌ता. बूम गल्जतस्के, एळुङ अजर्क लोकुर डोलिह्‌तोर. पिसतोर लोकुर पकाय रेयिह्‌तोर. रेयिसि, पोग़ोटा देवुळतुन मान ईसि मोळ्किह्‌तोर.

1 तिमोति 1:17

अदिह्‌कु मावा अमेसा मनदनदु, बेस्केन मायवदु, मन्कह्‌क दिसवदु देवुळराजाल, अदे सेतेम देवुळ इनजोरे, तान्कु अमेसा-अमेसातुह्‌क मान आयि, जोहर आयि. अहे आयि.

पिलिपितोर 4:23

येसुसामि किर्स्तुना देय्वा मियगा सबेटोरगा मनि.

रोम सहरतोर 16:27

ताना बुदतगा बातय कमि इले, अद येसु किर्स्तुन मयगा लोहताह्‌कु, इदे देवुळतुन माट अमेसा-अमेसातुह्‌क जोहर कीकल. आमेन.

मत्याल 28:20

अह कीसि, बेव अडोङ मीक नना माळलाह वेहतन, अव कतम अडोनु ओरिह्‌कु माळलाह काग़्हाटु. ओसो ऊळाटु, इद बूमता आक्रि एवनाह, नना अमेसा मीवा तोळ मह्‌नने!” इन्जि इतोग़.

मत्याल 6:9

अदिनेनाह्‌क देवुळता संगे बाताङ वळ्ह्‌कनवु, अविन मोदुल कीसि मीकु पुन्पिह कीसीय्ह्‌नन, अव इहलेह्‌का मन्ह्‌ताङ: जोहर सामि, मावा देवुळदीपतोग़ बाबानिन, सबेटोर नीवा पेदिरतुन मान ईयिर.