पिलिपितोर 4:17 - माडिया गोंड पवित्र सास्त्रम

¹⁷ मियग्डाहि नाक दान गावले इनजोर इनोन, मति मीट कीयनव बेसताङ कबस्कनेनाह, मीक देवुळता बर्कत दोर्कसोरेन मनि इनजोर, नावा विचर मन्ह्‌ता.

पिलिपितोर 4:17 Referans Kwoze

तीतुस 3:14

इद्रमलेह्‌का मावोर विस्वसिर बाताले कबळतुह्‌क अरवा मनदनद आयो. पका गर्ज मता मन्कलोरा गर्जतुन निहतलाह, बेसताङ कबस्क कीयलाह कग़यसोर मनिर.

इब्रितोर 6:10

बाराह्‌क इतेके मीट देवुळतेनाह्‌क कबळ कीतिर; तान जीवा कीसि, ताना मन्कलोरा सेवा कीतिर; इंजेक वने कीयलाह आतिरे. देवुळि सेतेमता मनाह्‌कु, इव पोल्‍लोन अद माग़्ङो.

योहन 15:8

मीट पका आदिसि, येसुनाङ कग़यवालोरोम इन्जि तोहतकिर अस्के, इवटे नावा बाबाना मान आयग़ा.

1 पत्रु 5:2

नना मीक वेहतह्‌नन, मीवा नडुम मनदनदु देवुळता गोह्‌डटुन, कोपालोरा लेह्‌का मन्जि, ओरिन बेस ऊळाटु. इद कबळ सारातुह्‌क इनजोर केवा, देवुळता विचर इहे मन्ह्‌ता इन्जि, गिर्दाते कीम्ह्‌टु. मालसोम दोर्कग़ा इन्जि आयो, मति देवुळतुन सेवा कीय्ह्‌नन इन्जि, जीवातग्डाहि गिर्दाते कीम्ह्‌टु.

तीतुस 1:7

विस्वसिरा मुडुन ताकिह केवाल मन्कल, देवुळता लोतुन ताकिह केवाना लेह्‌कान आंदोग़. अदिह्‌क ओग़ बाताले कसुर दिसवोग़, कैंगम आयवोग़, केनेन ओङ आयवोग़, कल लोटि आयवोग़ु, जग्ळम केवोग़ु, कोताना लालुस केवोग़ मनदना गावले.

पिलिपितोर 4:11

नाक गर्ज अरताह्‌कु नना इद्रम इनोन, बाराह्‌क इतेके नना बह मतेक तेला, बेस सुकमते मनदलाह कग़यतन.

1 तिसलुनितोर 2:5

मीक गिर्दा वानाह वेहचि, नाळेह कीयलाहि मियगा वावोम. मावा लालुसतुन मकिह कीसि, मीक नाळेह कीयलाहि वने वावोम, देवुळिये मावा साक्सि मन्ह्‌ता. इदिन मीट वने पुतिर.

2 कुरिंततोर 9:5

बेस-नेह्‌ना दान कोताङ ईकोम इनजोर, मुनेन पोल्‍लो विळ्सिस मतिर. अविस्किन मीट चिव्टम आयवा, ओप्पे कीस तासना इन्जि, वेर तोळतोर विस्वसिरिन, मुनेन मियगा कबुर लोहतना इनजोर, विचर कीतन. पया माट मियगा वातस्के, अद दान तयर मनदग़ा. अव दान कोतान जबरदस्ति मियग्डाह ऊंदना लेह्‌का आयो, मति मीवा विचरतेन, मीट ओप्पे कीस तासना इन्जि, नना वेरिन लोहतह्‌नन.

रोम सहरतोर 15:28

इंजेके नना ओर अर्हतव कोतानु येरुसलेमतोर विस्वसिरगा ओसीयनद कबळतुन मारिह कीसि, ओरा कयदगा बेस-नेह्‌ना एव्सिह कीस ईतापया, मियगाह्‌के इस्पानियाता अग़ पोयतकन.

योहन 15:16

मीट नाक आचविर, मति ननाने मीक आचतन, आचिसि मीट नयगा जोळेम आस मन्जि, बेसताङ पुळ्यवाङ कायाङ कटना इन्जि, मीक तासतन. अदिह्‌क मीट बेदाय गोटटुनु नावा पेदिर वेहच बाबान ताल्ह्‌कतेके, अदिन ओग़ मीक ईयनोग़.

2 कुरिंततोर 11:16

ओसो वेहतह्‌नन: नाक बुदलेवोग़ इनजोर, बोग़े विचर केमाकेग़. अद्रम विचर कीतेक वने बार आयो, कीम्ह्‌टु; अह इतेके नाक इंका उचुन एक्‍वा पोग़यलाह अग़ दोर्कि!

यहुदाल 1:11

वेरिह्‌क गोसा आयि! वेरु, (तना तमिन हव्कतोग़) काय्नुना अग़दे ताकवालोरु. बलामि इनवाल कोतानेनाह्‌क पापम कीतोग़, वेर वने ओना लेह्‌कान कीयलाह कंद्रेम आस्तोर. कोराल इनवाना लेह्‌का, वेर वने देवुळतुन विरुद कीताह्‌कु, कोरान बूळे कीतप लेह्‌का, वेरिन वने देवुळि बूळे कीयग़ा.

2 पत्रु 2:3

जोल पोल्‍लोङ काग़्हवालोर कोताना लालुसतुह्‌क, तमाय पुटिह कीतव पोल्‍लोन वेहतनुर. ओसो अविस्किन वेहचि, मीक नाळेह कीयनुर. ओरिन सिक्सा ईयनद देवुळि, वेल्‍लाय जोमताहि तयर मन्ह्‌ता. अद ओरिन बूळे कीयग़ा; अद कूर्कसोर मनो.

1 तिमोति 3:3

ओग़ कल लोटि मनदनद आयो, नल्हतना-कोह्‌कना केवाल मनदनद आयो, वह्‌चळ केवाल मनदनद आयो, मति गूनमते वळ्ह्‌कवाल मनदना, ओसो कोताना लालुस मनदनद आयो.

पिलिपितोर 1:11

बेद्रम इतेके, येसु किर्स्तु मीक देवुळता मुनेह सेतेमतोर कीताह्‌कु, मीवा ताकमुळतुन ऊळिसि, वेल्‍लाटोर मन्कलोर तान बेरा डीसाता इन्जि, मान ईस जोहर कीयिर इनजोर, इह वने नना पार्तना कीयलाह आतन.

2 पत्रु 2:15

वेर सीदा दायनद अग़दुन विळ्सिस लेसतोर. वेर मन्कलोर बहोर इनवाल मुय्तोना मग़ि, बलामि इनवाना अग़दुन पोयतोर. वेग़ बलामि इतेके, लाग्वद कबळताङ कोतान जीवा कीस मतोग़.