पिलिपितोर 3:19 - माडिया गोंड पवित्र सास्त्रम

¹⁹ ओर दायनद अग़ि बूळेम आयनेके ओस ईस्ता. ओर तमा पोटातेनाह्‌क लालुस्क कीसोर ताकिह्‌तोर. तमाङ करबताङ विचर्कने पोग़यसोर तिरियिह्‌तोर. ओर दुनियाताङ पोल्‍लोनगाने सीता कीसोर मन्ह्‌तोर.

पिलिपितोर 3:19 Referans Kwoze

रोम सहरतोर 16:18

अद्रमतोर मावा सामि किर्स्तुना सेवा केवोर, मति तमाङे लालुस्क मतप कीसोर तिरियिह्‌तोर. मिङताङ-मिङताङ पोल्‍लोङ वेहचि, तेळियवोर लोकुरिन नाळेह कीसि, लेसिह कीस्तोर.

2 पत्रु 2:3

जोल पोल्‍लोङ काग़्हवालोर कोताना लालुसतुह्‌क, तमाय पुटिह कीतव पोल्‍लोन वेहतनुर. ओसो अविस्किन वेहचि, मीक नाळेह कीयनुर. ओरिन सिक्सा ईयनद देवुळि, वेल्‍लाय जोमताहि तयर मन्ह्‌ता. अद ओरिन बूळे कीयग़ा; अद कूर्कसोर मनो.

कुलुसितोर 3:2

ओग़ डोलतस्के, मीट वने मीवा पाळ्ना पिसमुळतुह्‌क डोलतप लेह्‌कान आतिर. इंजेके मीट ओना संगे, पूना पिसमुळते पिसलाह आतिर. अद पिसमुळतुन किर्स्तु, देवुळदीपतगा बेस तासिह्‌तोग़; तान बोग़े बूळे कीया पग़वोग़. अदिनेनाह्‌क इद बूमतग्डाङ पोल्‍लोन आयो, मति देवुळदीपतग्डाङ पोल्‍लोने, सीता कीसोर मन्ह्‌टु.

2 पत्रु 2:1

मति देवुळता कबुर वेहवालोरोम इनजोर, नाळेह केवालोरु, मुने देवुळता मन्कलोरा नडुम मंदुर. अद्रम इंजेके वने, जोल पोल्‍लोङ काग़्हवालोर मियगा मनदनुर. विस्वसतुन बूळे कीयनव जोल पोल्‍लोन, कुस्क्ने पोकुर कीयनुर. आपुना जीवाता कर्सा ईस ओरिन असतोग़ माल्काना पोल्‍लो केंजवा ताकनुर. इद्रम कीसि, ओर कुद चट्पिटे गोसातगा अरयनुर.

2 कुरिंततोर 11:15

अदिनेनाह्‌क ताना सेवातोर वने, सेतेमते ताकवालोर सेवातोरा लेह्‌कान मारियिह्‌तोर इतेके, इद बेरा पोल्‍लो आयो! मति आक्रिते ओरिह्‌क तमा कीयनद कबळता इसबते, सिक्सा दोर्कग़ाये.

2 कुरिंततोर 11:12

पोलुना ओसो ओना गोततोरा लेह्‌कान, माट वने कबळ कीतोम इनजोर पोग़यलाह, जोल पोल्‍लोङ काग़्हवालोर अग़ ऊळिह्‌तोर. अद्रम पोग़यलाह, नना ओरिह्‌क अग़ एवोन. अदिनेनाह्‌क बेद्रम इचानाह बोनाङे कोताङ एनवा मतन, अद्रमलेह्‌काने मुनेह वने मनदकन.(मति ओर अद्रम मनदा पग़वोर; बह इतेके ओर लोकुराङ कोताङ तिन्जिये पिसिह्‌तोर.)

2 पत्रु 2:13

वेर लाग्वव कबस्क कीस्तोर, अविस्कना इसबते वेरिह्‌क सिक्सा दोर्कग़ा. पियल-पोळ्‍द रिमाते मनदनदे, वेरिह्‌क गिर्दा वास्ता. मीवा संगे कुळ्प तिनदह्‌पा वने, वेर मीक नाळेह कीयलाह गिर्दा आस्तोर. अदिनेनाह्‌क डागिललेह्‌कान, माचलेह्‌कान मीवा मुडगा लजा वानाह मन्ह्‌तोर.

गलातितोर 6:13

बह इतेके डायना रिवज नोमवालोर कुदि मोसानाङ अडोन माळोर आस्तोर. मीट ओराङ केंजिसि, डायना रिवज कीतिर इतेके, ओर पोग़यना इन्जिये ओरु मीकु डायलाह वेहतह्‌तोर.

तोहचीतव पोल्‍लोङ 21:8

मति रेयवालोर मन्कलोरु, विस्वस विळ्सतोरु, करब बुदतोरु, हव्कवालोरु, साट्याल कबळ केवालोरु, ओदेङ पंडवालोरु, पेन-बोमान मोळ्कवालोरु, सबेटोर जोलहालोरु, नना ईयनविन दोर्किह केवोर. मळ्गनद किसबटि ओरा तूस आयग़ा. इदे पयाडा हामुर मन्ह्‌ता,” इता.

1 कुरिंततोर 3:3

इंजेक वने मीट मन्कना बुदते ताकलाह आतिर, अदिनेनाह्‌क मियगा कुळ्सा मन्ह्‌ता, गिटोगटो आयनद मन्ह्‌ता. पया मीट मन्कना बुदते ताकवालोरिर आयविरा? देवुळतुन पुनवोरा लेह्‌का ताकविरा?

तोहचीतव पोल्‍लोङ 22:15

मति देवुळताङ पोल्‍लोन पास्कवालोरु, ओदेङ पंडवालोरु, साट्याल कबळ केवालोरु, हव्कवालोरु, पेन-बोमान मोळ्कवालोरु, जोल पोल्‍लोङ कीयलाह गिर्दा आसि मनवालोर सबेटोरु, अद सहरता लोप्पा ओळिय पग़वोर.

यहुदाल 1:16

वेर जोलतोर इतेके, मुयोग़-मुयोग़ आयवालोरु; अमेसा दुस्रोरिन कसुर ओपवालोरु; तमाङ लालुस्क मतप केवालोरु; तमाङ तोडिने पोमाडेङ पोल्‍लोङ वळ्ह्‌कवालोरु; आपुना पाय्दातेनाह्‌क दुस्रोरिन मिङताङ-मिङताङ वळ्ह्‌कवालोर आंदुर.

2 तिमोति 3:4

तम्क नमवालोरिन नाळेह कीयनुर, विचर केवालेवा कंद्रेमते बातालाय कीयनुर, वळ्ह्‌कनुर, पोमाडेङ कीसोर तिरियनुर. देवुळतुन जीवा केवा, कुदता गिर्दातुन जीवा कीयनुर.

1 तिमोति 6:5

इद्रमतोर लाग्वा बुदतोर आंदुर, ओसो सेतेम पोल्‍लोताहि जेक आतोर, रोमवालेवा जग्ळम आसोर मन्ह्‌तोर. इद्रमतोर देवुळतुन माळिसि, पका कोताङ कमय कीसि माक पाय्दा आस्ता इनजोर, विचर कीस्तोर.

2 तिसलुनितोर 2:12

अस्के सेतेम पोल्‍लोतुन नमवा, लाग्वा कबळते गिर्दा आतोर सबेटोर मन्कलोरिन, देवुळि कसुर तोहतग़ा.

पिलिपितोर 2:21

दुस्रोर आपुनाङ-आपुनाङ विचर्कने ताकिह्‌तोर, किर्स्तुना विचर बाताल मन्ह्‌ता, तान बोरे सीता केवोर.

1 कुरिंततोर 5:6

मीट इतेके बेसतोर विस्वसिरोम इनजोर पोग़यलाह आतिर, इद ओप्पो. ओय्‍पिह कीतद इचुने पिंडटुन, कोपामेंड नाहतद पिंडटगा काल्ह्‌पतेके, पूरा कोपामेंड पिंडटुन अद ओय्‍पिह कीस्ता इनजोर पुतिर. अद्रमे मीवा मुडगा वग़ोग़ मन्कल पापम कीसोर मतेके, मुडोर सबेटोरिन पापमतगा ओस अर्हतह्‌तोग़.

1 कुरिंततोर 5:2

ओग़ मन्कल अद्रमता कबळ कीतोग़ इनजोर, मीट मुडोर मन्कलोरिर दुकम आसि, ओन मुडग्डाहि पेसिह कीयना मता. मति मीट कोनि पोग़यसोर तिरियलाह आतिर!

तोहचीतव पोल्‍लोङ 19:20

आतस्के, पया पांड्रि कोडातगा उदतोग़ु अद रकसतुन पोयतोग़. जोल कबुर वेहतनद बूमतग्डा रकसतुन वने पोयतोग़. पोसि, रेंड आसि रकस्किनु, मळ्गनद किसबटटगा, जीवा अग़्केन वाटिसीतोग़. (बूमतग्डा रकस इतेके, मुनेता रकसता मुनेह, बामनाङ सीनाङ तोहन्दु; तोहचि मुनेता रकसता सीना रासतोरिनु, ताना बोमातुन मोळ्कतोरिनु, नाळेह कींदु.)

याकुब 4:16

मति मीट इतेके, पका पोमाडेङ कीसोर बोळ्सिह्‌निर, इद्रमता पोमाडेङ कीयनद लागो.

2 तिसलुनितोर 2:8

ओग़ मायतस्केने, देवुळताङ अडोन पास्कवाल दिसनोग़. मति येसुसामि वातस्के, ओग़ अडोन पास्कवान तना ऊकुरते हव्कनोग़. येसुसामि वायनदिन ऊळिसिये, ओग़ लाग्वोग़ु बूळेम आयनोग़.

लूकाल 18:4

वेल्‍लाङे दियाङ आनाह, ओग़ ताना नेयमतुन पर्वा केवालेवा केमेन मतोग़. मति उंद दिया ओग़ तनतनाय विचर कीतोग़, ‘नना देवुळतुह्‌के बह रेयोन, ओसो मन्कह्‌के बह रेयवानन आयोन.

लूकाल 16:19

“ओसो उंद पोल्‍लो केंजाटु. ओर्वोग़ पका साव्कर मन्कल मतोग़. ओग़ डुंगा पंडलेह्‌काडा रंगताङ, पका दाराताङ गेंदेङ केग़्न्दोग़. ओसो दिनमे बेस सुकमते, गिर्दा-वेळ्काते ओसो बेरा गिजुरते मंदोग़.

लूकाल 12:19

अगा पया नावा सबे अनमतुन ओसो मालसोमतुन तासिसि, नावा जीवातुन इनदकन, “अले जीवातिन, इंजेक नीवासाटि वेल्‍लाङे वर्साङ एवनाह तिनदलाह मालसोम, अनम-दनम मन्ह्‌ता. निमा पका तिनु, उनु, बेस गिर्दा-वेळ्काते मनु,” इनदकन’ इन्जि, ओग़ विचर कीतोग़.

मत्याल 25:41

“पया दावळ बाजेतोर लाग्वोरिन नना इनदकन, ‘ए सरपते मनवालोरिर, नयग्डाहि पेसिस अन्ह्‌टु. देयह्‌किह्‌कु ओसो अविस्कना मुक्याह्‌कु तयर कीतदु, बेस्केन पिववद किसबटटगा अन्ह्‌टु.

मत्याल 16:23

अस्के येसु पत्रुनके मल्स ऊळिस इतोग़, “एय देयमदीपता बुदते वळ्ह्‌कवानिन, अद्रमता बुदतुन पोहचीम! निमा नाकु कटळ वाटटप एग़्कुळ आय्ह्‌निन. नीवा विचरि मन्कना विचरतेह मन्ह्‌ता, मति देवुळता विचरतके इले,” इनजोर इतोग़.

तोहचीतव पोल्‍लोङ 18:7

अद सहर तना इद्रम सीता कीयलाह आता: नना रानिना लेह्‌कान उदतन! नना रांडे आंचानन आयोन! नना बेस्केन दुकम आयोन आयकन इनजोर, सीता कीयलाह आता. अदिनेनाह्‌क अद बेचोन पोग़यिंदु, बेचोन विचर वातप सबे बेसता मादुन दोर्किह कींदु, अचोन तान्क सिक्सा ईम्ह्‌टु, दुकम ईम्ह्‌टु.

रोम सहरतोर 6:21

मुने मीट कीतव पापमताङ कबस्कना मीक बाताले पाय्दा दोर्को. इंजेके अविस्किन सीता कीतेक, मीक लजा वास्ता. अव कबस्कना कमय इतेके हामुरिये. अद बेद्रमता हामुर इतेके, अमेसा देवुळता जीवालेवा मनदनदु. मति इंजेके देवुळि मीक पापमता कयदाहि विळ्सिह कीता. कीसि मीक तनाये कय इळ्न मनवालोर कीता. कीताह्‌कु, मीक इद पाय्दा दोर्किह्‌ता: देवुळि मीकु तना पवित्र अग़दे ताकिह कीसि, अमेसाता पिसमुळतेके ओसीस्ता.

2 तिसलुनितोर 1:9

इद बेद्रमता सिक्सा इतेके, ओर सामिनाहि जेक मन्जि, ओना बेरा डीसातुन बेस्केन ऊळवा, अमेसा-अमेसातुह्‌क बूळेम आयनद जागाते मनदनुर.

यहुदाल 1:10

मति वेर मन्कलोर तमा पुनवव पोल्‍लोना लोप्पा, लेवाङ-मताङ वळ्ह्‌किस पास्किह्‌तोर. विचर कीया पुनवव जन्वर्कना लेह्‌का, ओरिह्‌क बेस्काय बाताल कीया वसिह्‌ता, अदे ओर विचर केवालेवा कीस्तोर. अवे पोल्‍लोना मेटे, तमा कुद बूळेम आस्तोर.