पिलिपितोर 2:29 - माडिया गोंड पवित्र सास्त्रम

^29-30 बेद सेवातुन जेकताहि मीट नयेनाह्‌क कीया पग़विर, अद सेवातुन ओग़ इगा वासि नयेनाह्‌क कीसीतोग़. अद सेवा कीनेके, ओना जीवा दोकाते अर्स मता, किर्स्तुना कबळतेनाह्‌क डोलसोर मतोग़. अदिनेनाह्‌क ओग़ मियगा वायनोग़ अस्के, सामिना सेवक इनजोर, ओन मीटु बेस गिर्दाते कलियाटु. ओना लेह्‌का सेवा केवालोरिह्‌क बेस कदर ईम्ह्‌टु.

पिलिपितोर 2:29 Referans Kwoze

1 तिमोति 5:17

बोग़ाय विस्वसिरा मुक्याल, विस्वसिरा मुडुन बेस-नेह्‌ना ताकिह कीतोग़ इतेके, ओन्क बेस मान ईयना, ओसो बेस दान ईयना. कासा इतेके, देवुळता पोल्‍लोतुन वेहतना, काग़्हतना कीयनद कह्‌टेम केवालोरिह्‌क पका मान ईयना.

1 तिसलुनितोर 5:12

मावोर विस्वसिरिर! मियगा उच्वुर कह्‌टेम कीसोर, मीक सामिना अग़दे ताकिह कीस्तोर, अहे मीक सेतेमता अग़ तोहतह्‌तोर. ओरिन मान ईम्ह्‌टु. ओर अद्रमता सेवा कीयनाह्‌कु, ओरिन जीवा कीसि, ओरिह्‌क पूरा कदर ईम्ह्‌टु. ओर्विह्‌क-ओर्वोग़ गूनमते मन्ह्‌टु इनजोर, मीक अर्जि कीय्ह्‌नोम.

1 कुरिंततोर 16:18

वेर वाताह्‌कु, नावा जीवा ओसो मीवा जीवा वने सुकम आता. अदिनेनाह्‌क वेरा लेह्‌काडोर मन्कलोरिन मान ईम्ह्‌टु.

रोम सहरतोर 16:2

अद बेस बुदता आंचाळि, वेल्‍लाटोरिह्‌क तोळ ईता, अहे नाक वने तोळ ईता. अदिनेनाह्‌क अद देवुळता मयाळ आंदु इनजोर, तान बेस-नेह्‌ना ऊळाटु. ओसो तान्क बातालाय गर्ज अरतेक, मीट तोळ ईम्ह्‌ट.

2 कुरिंततोर 10:18

अदिकरतोनन इनवाल मन्कनगा, सामि ईतद अदिकर इले; मति बोन्क सामिनाहि अदिकर दोर्किह्‌ता, ओग़े निटम अदिकरतोग़ आंदोग़.

1 कुरिंततोर 16:10

ओसो उंद पोल्‍लो: तिमोति मियगा वातेके, ओन रेय्‍पिह केवालेवा तासाट. ओग़ वने नावा लेह्‌कान, सामिना कबळ केवाल आंदोग़.

3 योहन 1:10

अदिनेनाह्‌क नना अगा वासि, ओग़ बाताल बाताल कीयलाह आतोग़, अदिन सबेटोर विस्वसि मुडोरिन वेहतकन. ओग़ नावा पोग़ोन, करबताङ पोल्‍लोने जोल कसुर वाटिह्‌तोग़; अचोने आयो, उननाटोर विस्वसिर ओनगा अतेके, ओरिन बेस गिर्दाते ऊळोग़. ओसो विस्वसिरिन वने, अद्रमलेह्‌का कीयलाहि एवोग़. अद्रम केवालोरिन विस्वसिरा मुडाहि पलते पेहचीस्तोग़.

इब्रितोर 13:17

मीवा मुडा मुक्यालोर, मीवाङ जीवाना राका कीस्तोर. तमा कीयनद इद कबळता लोप्पा, ओर देवुळतुह्‌क इसब ईयनुर. अदिनेनाह्‌क इद कबळतुन ओर नारजते आयो, मति गिर्दाते कीयनाह, ओरा पोल्‍लोते वरेम आस मन्ह्‌टु. ओर नारज आस कीतेके, मीक बाताले पाय्दा दोर्को आयग़ा.

कुलुसितोर 4:10

अरिस्तरकुस नावा संगे जेलते मन्ह्‌तोग़. ओग़ मीक जय येसु इन्ह्‌तोग़. बार्नबसना कुटुमतोग़ मार्कल वने, मीक जय येसु इन्ह्‌तोग़. (नना मीक मुनेन वेहतप लेह्‌का, मार्कल मियगाह्‌क वातेके, ओन बेस ऊळाटु.)

2 कुरिंततोर 7:2

अलेट रा! मावा संगे गोत आम्ह्‌टु! माट बोनाय संगे लाग्वाङ केवोम, बोने एळ्होम, बोने नाळेह कीस तिनोम.

रोम सहरतोर 10:15

लोहवालोर लेवेके, ओरगा बोग़ दायनोग़? अदिनेनाह्‌क देवुळता सास्त्रमतगा इद्रम रासतद मन्ह्‌ता: बेसता कबुरतुन तवालोर वायनदिन ऊळिसि, बेचोन गिर्दा वास्ता! इनजोर देवुळता कबुरतोग़ यसयाल वेहतोग़. अद्रमे देवुळि तना कबुरतोरिन पोकुर कीयलाहि लोहताये.

बळयिर 28:10

नाटेनोर माक पका कदर ईसि, इनम वने ईतोर. माट अद तोग़दगा मूंड नेलाङ मतोम. पया सिकंदरिया सहरताहि वास मतद ओडाते अग्डाहि पेसतोम. इर्ङमताङ दियाङ मारनाहि, अद ओडा माल्टा तोग़दगान रोमिस मता. (ताना मुनेहता तलातगा एमोह पेन्कना सीना मता.) पया माट अग्डाहि ओडाते पेसतस्के, अग़दे माक बाताल बाताल गावले आस्ताङ, अविस्किन नाटेनोर ओडातगा तचि वाटटोर.

बळयिर 2:46

दिनम उंदिय एकाते मंदिरताङ मंडानगा कलियिंदुर. ओसो गिर्दाते, बेसतल बुदते, लोह्‌क-लोह्‌क जमा आसि, ऐंगेन जावा उंडुर, अहे (किर्स्तुना मोकता सीता कीसि) आरिङ तिंदुर.

योहन 13:20

इह केंजाट, नना सेतेम वेहतह्‌नन, बोर मीक एरे कीस्तोर, ओर नाक वने एरे कीतप मन्ह्‌तोर; ओसो बोर नाक एरे कीस्तोर, ओरु नाक लोहतोग़ बाबान वने, एरे कीतप मन्ह्‌तोर,” इनजोर येसु इतोग़.

लूकाल 9:5

बेद नाटेनोर लोकुर मीक रोमलाह एवोर, अग्डाहि पेसना वेलाते, ओर देवुळता सिक्सातुह्‌क ओजिह्‌तोर इनजोर तोहतलाहि, मीवाङ काल्कना दुरातुन अगाने दुल्पिसि पेसाटु,” इतोग़.

पिलिपितोर 2:28

अदिह्‌क ओन मियगा चट्पिट लोहतलाह, विचर कीयलाह आतन. ओन ऊळकिर अस्के, मीक बेस गिर्दा आयग़ा; ओसो नावा जीवातुह्‌क वने सितुर आयग़ा.