पिलिपितोर 2:15 - माडिया गोंड पवित्र सास्त्रम

¹⁵ अस्के मीट कसुरलेवोरिर, लाग्वदिन पुनवोरिर, देवुळताङ पेकोरिर दिसकिर. तेल्वेरा ओसो करब बुदतोर मन्कलोरा नडुम मन्जि, पोग़ोटाङ उकाना लेह्‌का, ईकळते मांजवालोरिर दिसकिर.

पिलिपितोर 2:15 Referans Kwoze

1 पत्रु 2:12

देवुळतुन पुनवोरा नडुम मनदह्‌पा, मीटु कसुरलेवपु असल मन्ह्‌टु. ओर मीकु “वेर लाग्वोरे!” इन्जि कसुर तोहतेकाय, मीवा असलता ताकमुळतुन ऊळनुर. ऊळिसि पया पेग़्के ओर इंका देवुळता मोकम ऊळनद दियाते, देवुळतुनु मान ईयनुर.

मत्याल 5:45

बाराह्‌क इतेके मीवा देवुळबाबाल तना पोळ्‍द पेहचि, नेह्‌नोरिह्‌क, लाग्वोरिह्‌क, सबेटोरिह्‌क वेह्‌च ईस्तोग़. अहे सेतेमतोरिह्‌क, पापमतोरिह्‌क, तना पेग़ अर्ह्‌चीस्तोग़. अद्रमलेह्‌का मीट वने ओना लेह्‌का, मीवा कोटुलतोरिन जीवा कीतेके, मीवा पोग़ोटोग़ बाबानाङ मग़्क-मयास्‍क आय्ह्‌निर इन्जि, सबेटोरिह्‌क दिसकिर.

1 तिसलुनितोर 5:23

सुकम ईयनद देवुळि मीक पूरा पवित्र कीयि; मीवा बुदतुन, मीवा जीवातुन, मीवा मेंदुलतुन पूरा राका कीयि; अस्के मावा येसुसामि किर्स्तु ओसो वायह्‌पा, मीट बेदे कसुरलेवा मनदकिर.

2 पत्रु 3:14

नावा गोततोरिर! इव पोल्‍लोङ आयनुङ इनजोर, मीट अग़ ऊळलाह आतिर. अग़ ऊळसोर, पापमता डागिललेवा, कसुरलेवा मन्जि, नावा संगे कलियिस मतोर इनजोर, देवुळ इनाह पिससोर मन्ह्‌टु.

1 कुरिंततोर 1:8

तना ओसोवने वायनद दियाते, मीट बाताले कसुरलेवाह दिसना इन्जि, मावा येसुसामि किर्स्तु मीक आक्रि एवनाह, मेग़्किह कीस तासिह्‌तोग़.

तीतुस 2:10

कले कबळ केमाकिर, मति माल्काल ओरगा बर्वस कीतप लेह्‌का, नाळेह केवालेवा कबळ कीयिर. इद्रम सबे पोल्‍लोने, माक पिसिह कीयनद देवुळि काग़्हतद पोल्‍लोतुन, मन्कलोर मान ईयना लेह्‌का कबळ कीयिर.

1 पत्रु 2:9

मति मीटु अद्रमतोरिर आयविर. मीटु देवुळ आचतोरिर येसुराजानाङ बूमयालोरिर, मीट पवित्र आयना इन्जि वेगुर आतोरिर, ओसो देवुळताये लोकुरिर. बेद देवुळि मीकु ईकळताहि केयिसि, बेस्केन ऊळवद वेह्‌चते तता, अदे देवुळताङ असलताङ कबस्किन, दुस्रोरिह्‌क मीट वेहतकिर इन्जिये, (अद मीकु इचोन कदर ईस तासता).

मत्याल 5:48

अदिह्‌क बेद्रम मीवा देवुळदीपतोग़ बाबाल पूरा सेतेम मन्ह्‌तोग़, अद्रम मीट वने पूरा सेतेमते ताकाटु.

1 तिमोति 3:10

मुक्यालोरा लेह्‌का, सेवा केवालोरिन वने, मुने पर्ह्‌किस ऊळना गावले. पया ओरगा बाताले तप दोर्कवेकेने, ओर विस्वसिरा मुडगा सेवा केवालोर आयिर.

1 तिमोति 3:2

बेद्रमतोग़ मुक्यान निल्पिह कीयना इतेके, ओनगा कसुर दिसवप मनवाल, दुस्राङ बेविस्किने ऊळवा उंदिय मुतेन पोस मनवाल, बेस बुदते तिरियवाल, तनाङ विचर्किन आव्रे कीस ताकवाल, सबेटोरिह्‌क विचर वानाह ताकवाल, बोरे आयि ओना लोन वातेके ओरिन बेस ऊळवाल, देवुळता पोल्‍लो बेस काग़्हवाल, इद्रमलेह्‌का मनदना गावले.

पिलिपितोर 1:10

इद्रम आतेके, बेसताङ-बेसताङ पोल्‍लोङ बेव इनजोर पुनदा पग़यकिर. इद्रमलेह्‌का किर्स्तु वायनोग़ अस्के, मीट नेह्‌नोरिर ओसो कसुरलेवोरिर मनदकिर.

इपिसुसतोर 5:27

मुर्तिय कसुरलेवा, बाताले कमिलेवा, बाताले डागिललेवा, पूरा पवित्रता सोबा अग़्के तनगा ततलाहि, तना जीवा ईतोग़.

रोम सहरतोर 16:19

मीट देवुळता पोल्‍लोतुन केंजिस ताकिह्‌निर इनजोर, सबेटोर केंजतोर. अदिनेनाह्‌क नना गिर्दा आतन. बेसताङ पोल्‍लोनेनाह्‌क बुदतोर मन्ह्‌टु, मति लाग्वाङ पोल्‍लोने बार, पुनवोरा लेह्‌का मन्ह्‌टु.

बळयिर 2:40

ओरिन तेळियिह कीयलाहि, ओसो वेल्‍लाङे पोल्‍लोङ बुदिङ-एदिङ वेहतोग़. देवुळि येसुन नमवोरिह्‌क सिक्सा ईयना मन्ह्‌ता, अद सिक्साताहि पिह्‌ट अर्म्ह्‌टु इनजोर, बुद काग़्हचोर मतोग़.

मत्याल 10:16

“इद केंजाट, लोळ्ङानगा गोरेन लोहतपु, नना मीक दुनियाते लोहतह्‌नन. अदिह्‌कु मीटु तरस्कना लेह्‌का सत्रल मन्ह्‌टु, मति परेवाङ मतप, नाळेह केवोरा लेह्‌का वने मन्ह्‌टु.

इब्रितोर 7:26

येसु पवित्र मनवाल, बाताले कसुरलेवोग़, पापमता डागिल आयवोग़, पापि मन्कलोरग्डाहि एग़िस मन्जि, इंजेके पोग़ोन देवुळदीपतगा, सबेट्क बेरा कदरता जागाते उदवाल. इद्रमतोग़ पेर्माल मयेनाह्‌क बेस ओप्पिह्‌तोग़.

तीतुस 2:15

अदिनेनाह्‌क तीतुस नना वेहतह्‌नन, इव सबे पोल्‍लोन विस्वसिरिन वेहचि, ओरिह्‌क दीरा ईम. पूरा अदिकरते कळक पोल्‍लोते वेहचोर मन. बोग़े नीक पास्कमाकेग़.

तीतुस 1:6

इद्रमतोर मन्कलोरिन मुक्यालोर इन्जि निल्पिह कीम: ओर बाताले कसुर दोर्कवप मनदना, दुस्राङ बेविस्किने ऊळवा उंदिय मुतेन पोस मनवालोर, ओराङ पिलाङ-पेकोर विस्वसिर मनदना, ओरु लजालेवा करब कबस्क केवालोर, कैंगम आयवालोरु इनजोरे, ओरिन बोग़े इनवोग़ मनदना. (अद्रमतोर मन्कलोर मतेक अचोन, ओरिन विस्वसिरा मुक्यालोरइनजोर, निल्पिह कीम.)

1 तिमोति 5:20

पापम कीतोर मुक्यालोरिन, विस्वसिरा मुडा मुनेह तेर्हा. अस्के दुस्रोर पापम केवा, रेयिस मनदनुर.

बळयिर 20:30

ओसो मीवाय विस्वसिरग्डाहि, उय्तुर बाताल कीयनुर, विस्वसिरिन तमेह ओयलाह, देवुळता सेतेम पोल्‍लोतुन मिळ्हच-मिळ्हच काग़्हतनुर इनजोर, नना पुतन.

योहन 5:35

नावा लोप्पा वेहतनस्के, योहन पोतना चिमलिलेह्‌का वेह्‌च तोहवाल मतोग़. मियगा ओना वेह्‌च मताह्‌कु, मीक गय्क गिर्दा आयलाह बेस आता.

लूकाल 6:35

अद्रम केवा, मीवा विरुदतोरिन वने जीवा कीम्ह्‌टु, ओरिह्‌क बेसताङ कबस्क कीसीम्ह्‌टु. ओसो मल्स दोर्कग़ा इनजोर, सीता केवालेवा करा ईम्ह्‌टु. अस्के देवुळि मीकु बेरा इनम ईयग़ा, मीटु सबेट्काय बेरा देवुळताङ मग़्क-मयास्‍क आयकिर. बाराह्‌क इतेके देवुळता सीता केवोरा ओसो लाग्वोरा पोग़ोन वने, देवुळि गूनम तोहतह्‌ता.

मत्याल 17:17

अस्के येसु इतोग़, “ए विस्वसलेवोरिर, गलत विचर केवालोरिर, मीवा संगे बेचानाह नना मनदकन? बेचानाह मीट देवुळता लावतुन पुनवाये मनदकिर? मियेनाह्‌क नाक वेल्‍लाय कयर वास्ता! अले अह इतेके, ओग़ पेकान नयके ताट,” इतोग़.

तोहचीतव पोल्‍लोङ 3:9

“केंजाट! उच्वुर तम्क देवुळ आचतोरोम इनजोर नाळेह कीस्तोर, मति ओर देयह्‌कना मुक्याना मुडोर आंदुर. ऊळाट, ओरिन नना मीवाङ काल्किन मोळ्कनाह कीकन. अस्के नना मीक जीवा कीतन इनजोर, ओर पुनदनुर.

1 तिमोति 5:14

अदिनेनाह्‌क लेया आंचाळ रांडे आतेक अचोन, कोटुलतोरिह्‌क वळ्ह्‌कलाह अग़ दोर्कवाह, इद्रम कीयि: मुजोह्‌क अनि, पिलाङ-पेकोर कंजि, लोन पोस मनि.

1 तिमोति 5:7

अदिनेनाह्‌क विस्वसिर बोन्के कसुर दिसवप मनदलाह, ओरिन उकुम ईम.

2 कुरिंततोर 6:17

इद्रम वने रासतद मन्ह्‌ता: “अदिनेनाह्‌क ओरग्डाहि पेसिस वाटु, ओरग्डाह एग़िस मन्ह्‌टु. कळ्‍वोग़ आतदिन इटमाट, अस्के नना मीक एरे कीकन.

लूकाल 1:6

वेर आळ इर्वुर आसि देवुळता मुनेह कर्तुळते मतोर. देवुळताङ सबे अडोङ-उतुर्किन, तपवालेवा माळसोर ताकिंदुर.

पिलिपितोर 3:6

अडोङ नोमलाहि नना इचोन जिदतोनन मतन इतेके, विस्वसिरा मुडुन तिपल कीसोर मंदन. अहे बोर अडोङ नोमिसि सेतेमतोर आयलाह ऊळिंदुर, ओर नावा बेदे तप तोहता पग़वोर.

तोहचीतव पोल्‍लोङ 2:5

अदिनेनाह्‌क इंजेक वेहतलाह आतन: नयग्डाहि बेचोन जेक आतिर, इदिन सीता कीसोर मन्ह्‌टु. सीता कीसोर नयके जर मल्म्ह्‌टु; मुने ताकतप लेह्‌कान ताकाटु. इलवेके नना मियगा वासि, मीवा चिमलि गुटातुन, ताना जागाताहि तेंडकन (अस्के, मीवा वेह्‌च पूरा पिवयग़ा.)