पिलिपितोर 2:12 - माडिया गोंड पवित्र सास्त्रम

¹² अदिनेनाह्‌क गोततोरिर, मीक वेहतलाह आतन: नना मियगा मतन अस्के, बेद्रम मीट नना काग़्हतव पोल्‍लोन केंजिस ताकतिर, अद्रमलेह्‌का इंजेक वने नना मियग्डाहि जेक मनदह्‌पा, इंका पका जिदते मीट अव पोल्‍लोन केंजिसि ताकाटु. बेद पिसमुळता अग़दे देवुळि मीक ताकिह कीयलाह आता, अदे अग़दे मीट तान रेयिसि, उड्ला बुदते ताकसोर मन्ह्‌टु.

पिलिपितोर 2:12 Referans Kwoze

1 कुरिंततोर 15:58

अदिनेनाह्‌क मावोर गोततोरिर! मीवा विस्वसते इळ्न अरवालेवा, मेग़्किस मन्ह्‌टु. मीट सामिनेनाह्‌क कह्‌टेम कीयनद कबळ उगस अनो इनजोर पुतिर, अदिनेनाह्‌क सामिना कबळते बेर्ससोर अन्ह्‌टु.

इब्रितोर 4:11

अदिनेनाह्‌क माट वने अगा, आरम कीयनद जागातगा एवयलाहि जिद कीयिङ. मयग्डाहि बोग़े, मुनेतोर मन्कलोरा लेह्‌कान, देवुळता पोल्‍लो केंजवाह्‌क, बूळेम आयनद आयो.

1 पत्रु 2:11

ए नावाङ गोतयालोरिर, मीवा देवुळदीपता लोताहि मीटु जेक आसि, इद दुनियाते रेंड दियाङ मह्‌निर. अदिह्‌के मीक नना वेहतह्‌नन, अमेसा मीवा जीवाता अडम मनदनव विचर्कनाहि, इतेके मीवाङ लाग्वाङ विचर्कनाहि, जेक आम्ह्‌टु.

मत्याल 11:29

नना पेदातनम केवानन आयोन, ओसो जीवाते कुलुल मह्‌नन. अदिह्‌क (मीवा पूहतद जुवातुन पोहचि,) मीट नावाये जुवा कांजाटु. ओसो नावाङ कग़याटु, अहे कीम्ह्‌टु, अस्के मीवाङ जीवाह्‌कु आरम दोर्कग़ा.

पिलिपितोर 1:27

उंद पोल्‍लो मात्रम सीता कीम्ह्‌टु: किर्स्तुना बेसता कबुर वेहतपे मीट ताकाटु. अस्के मीट विस्वसते मेग़्किसि, उंदि विचरते निच मह्‌निर इनजोर, नना मियगा वातेकाय, वावेकाय केंजकन. अहे बोग़े अद विस्वसतुन विळ्सनाह कीयनद आयो इन्जि, मीट उंदिय एकाते कह्‌टेम कीय्ह्‌निर इनजोर, इदिन वने नना केंजकन.

2 पत्रु 3:18

अद्रम आयवा, माक पिसिह केवाल मावा किर्स्तु येसुसामिना देय्वाते ओसो बुदते, बेस बेर्ससोर अन्ह्‌टु. इंजेक वने, अमेसा-अमेसातुह्‌क वने, ओने मन्कलोर मान ईसि मोळ्किर! आमेन.

इब्रितोर 5:9

देवुळि येसुनेनाह्‌क तासतव सबे कबस्किन, ओग़ पूरा मारिह कीतोग़; कीसि तना पोल्‍लो केंजवालोर सबेटोरिन, अमेसातुह्‌क पिसिह केवाल आतोग़.

2 तिमोति 2:10

अदिनेनाह्‌क देवुळि आचतोर लोकुरेनाह्‌क, सबे तिपल्किन आपसोर केमेन मह्‌नन. ओर किर्स्तु येसुन विस्वस कीताह्‌कु, देवुळि ओरिन पिसिह कीयि, ओसो ओर अमेसातुह्‌क मनदनद, ताना डीसाता वेह्‌चतगा मनिर इनजोर, इव तिपल्किन आपिह्‌नन.

इब्रितोर 4:1

मीक आरम ईकन इनजोर, देवुळि मुनेन पोल्‍लो विळ्सिस मता. अद पोल्‍लो इंजेक वने अरयह्‌ता. अदिनेनाह्‌कु आरम दोर्कनगा एव्वोम आयकोम बहा इनजोर, मीट ओर्वोग़-ओर्वोग़ रेयिस मन्ह्‌टु.

इब्रितोर 12:1

अदिनेनाह्‌क (माट बह कीयनद इनजोर, तेळियिह कीसीकन:) विस्वसिरा इचोटा बेरा मुडा साक्सि, मावा सर्ने निच (मतप लेह्‌कान, माक दीरा ईसोरेन) मन्ह्‌ता. देवुळि मयेनाह्‌क बेद अग़ तयर कीता, (अद अग़दे वितिङ. बेस वितना इन्जि,) रोमिह कीयनव पुहतव गेंदेना लेह्‌काडाङ सबे पोल्‍लोन तेंडकल, माक ऊर्सतद पापमतुन लेहतकल. ओसो आरेम आयवा, मावा मुनेह मनदनद अग़ पोसि सीदा वितकल.

पिलिपितोर 4:1

अदिनेनाह्‌क मावोरिर, नना रासतन अद इसबते, सामिनाङ पोल्‍लोङ केंजिस मेग़्किस मन्ह्‌टु. गोततोरिर, मीक ऊळलाह पका नावा जीवा पर्ह्‌किह्‌ता. मियेनाह्‌के नाक गिर्दा वास्ता, नावा कह्‌टेमता पाय्दा मीटे आंदिर.

रोम सहरतोर 2:7

बोर मन्कलोर आरेम आयवा, बेसताङ कबस्क कीसि, देवुळतग्डाहे मान, कदर,अमेसाता पिसमुळ दोर्किह कीयलाह ऊळिह्‌तोर, ओरिह्‌क देवुळि अमेसाता पिसमुळ ईयग़ा.

पिलिपितोर 1:29

बह इतेके देवुळि मीक देय्वा ईता, सिरप किर्स्तुन विस्वस कीयलाहिये आयो, मति ओनेनाह्‌क तिपल आयलाह वने देय्वा ईता.

2 कुरिंततोर 7:15

ओग़ मियगा वास मतोग़ अस्के, मीक काग़्हतोग़ अद पोल्‍लोतुन मीट सबेटोरिर केंजतिर. केंजिसि तान मानेम आतिर, ओसो रेयसोर, ओना पोल्‍लोतुह्‌क वरेम आसोर, ओन बेस-नेह्‌ना ऊळतिर इनजोर, ओग़ सीता कीस्तोग़. कीसि मीक ओसोय जीवा कीस्तोग़.

1 कुरिंततोर 2:3

ओसो मुने मीवा सहरते वातस्के, बेस पोकुर कीयलाह पग़वा मतन; इगा किर्स्तुना सेवा बेद्रम कीकन इन्जि, रेयते साङसोर मतन.

इपिसुसतोर 6:5

ओर्युलतोरिर! इद बूमतगा मीवाङ माल्कालोर मनवालोरा पोल्‍लोते, वरेम आसि ताकाट. मीट किर्स्तुना पोल्‍लोतुन केंजिस मतप लेह्‌कान, ओरिह्‌क रेयिस मन्जि, बेरोर इनजोर मान ईसि, आपुना जीवाताहि ओरा पोल्‍लोतुन केंजिस ताकाटु.

मत्याल 11:12

देवुळता पेदिरते एग़ मीहवाल योहन, कबुर वेहचोर वाताङ दियानाहि नेंड एवनाह्‌जोम, देवुळ तना राजेमतुन जोरतेने निल्पिह कीसोर मन्ह्‌ता, अह आसि लोकुर तान पोयतलाह, दोबेङ-नूकेङ कीसोरे लोप्पा नेङिह्‌तोर.

बळयिर 9:6

निमा इंजेक इग्डाह तेदिस सहरते अन, बाताल कीयनद अद नीक अगान बोग़ाय वेहतनोग़,” इनजोर इतोग़.

पिलिपितोर 2:19

येसुसामिना विचर मतेके, नना नावा तोळतोग़ तिमोतिन मियगा चट्पिटे लोहतकन इनजोर, आसा कीयलाह आतन. ओग़ मल्स नयेके वायनोग़ अस्के, मियग्डा कबुरतुन केंजिसि, निटमे नावा जीवातुह्‌क सितुर आयग़ा.

1 कुरिंततोर 4:14

मीवा लजा रेहतलाह, इव पोल्‍लोन रासोन. मति नना जीवा कीतोर पिलाङ-पेकोरिर इनजोर, मीक बुदि काग़्हतलाह आतन.

पिलिपितोर 4:15

ए मावोर पिलिपितोरिर! नना मुने बेसता कबुर मियगा पोकुर कीसोर मतन, अस्के नना मीवाय मकिदुनिया पटटाहि पेसिस मतन. पेसतस्के मीवाय मुलु नाक कोताङ ईस तोळ ईतोर. दुस्रोर बोरे विस्वसिरा मुलु नाक तोळ एवोर. इद पोल्‍लोतुन मीट इतेके पुतिरे.

बळयिर 16:29

इतस्के दरोगाल चिमलिङ तता वेहचि, लोप्पा अतोग़. अन्जि पका रेयतुह्‌क साङसोरेन पोलुना, सीलासना मुनेह अर्सि, काल्क मोळ्कतोग़.

पिलिपितोर 1:6

देवुळि मियगा इद बेसतल कबळ कीयलाह सुरु कीता, अद कबळतुन कीसोरेन मनदग़ा. अद्रमे येसु किर्स्तु ओसो वायनद दिया एवनाह, तान मारिह कीयग़ाये, इद पोल्‍लोतगा नावा पूरा बर्वस मन्ह्‌ता.