पिलिपितोर 1:9 - माडिया गोंड पवित्र सास्त्रम

⁹ मीट ओर्विह्‌क-ओर्वोग़ वीळिसि जीवा कीसोर दायना, देवुळतुन बेस पुनदना, देवुळतुह्‌क विचर वायनव पोल्‍लोङ बेव इनजोर, पुनदनद बुद दोर्कना इन्जि, नना पार्तना कीयलाह आतन.

पिलिपितोर 1:9 Referans Kwoze

1 तिसलुनितोर 3:12

माट मीक जीवा कीतप लेह्‌का, मीट वने विस्वसिरिर, ओर्विह्‌क-ओर्वोग़ जीवा कीयनद, ओसो सबेटोर मन्कलोरिन वने जीवा कीयनद पका वीळसोर अनि, बेर्ससोर अनि इनजोर, पार्तना कीयलाह आतोम. मावा सामि येसु तनाङ सबे पवित्र देवतुल्कना संगे ओसोवने वायह्‌पा, मावा देवुळबाबाना मुनेह मीट बाताले कसुरलेवा, पापमलेवा मनदना, अद्रम मनदलाहि, येसुसामि मीवा जीवातुन मेग़्किह कीयेग़ इनजोर वने, पार्तना कीयलाह आतोम.

कुलुसितोर 1:9

अदिनेनाह्‌क माट इपपरासनाहि मीवा कबुरतुन केंजतग्डाहि, मियेनाह्‌क ऊक-ऊके पार्तना कीसोर मह्‌नोम. मियेनाह्‌क देवुळता बाताल विचर मन्ह्‌ता, इद मीक तेळियना इन्जि, देवुळता जीवा मीक पूरा बुदि ईयि इनजोर, पार्तना कीयलाह आतोम. बाराह्‌क इतेके, देवुळि मियेनाह्‌क विचर कीस तासतद पोल्‍लोतुन पुतेक अचोन, सबे पोल्‍लोने येसुसामिन मान ईसि, ओन्क विचर वानाह ताककिर. इतेके मीट सबे रीतिनाङ बेसताङ कबस्क कीसोर, देवुळतुन बेस पुनजोर दाकिर.

पिलेमोन 1:6

नीवा विस्वसतेनाह्‌कु, बेद्रम निमा दुस्रोर विस्वसिरिन साय्ता कीय्ह्‌निन इनजोर केंजतन. अह कीताह्‌कु, किर्स्तुनेनाह्‌क माक दोर्कनव सबे बेसताङ देय्वान, निमा पुनजोरेन दाकिन इन्जि, नना पार्तना कीय्ह्‌नन.

कुलुसितोर 3:10

अह कीसि, देवुळ मीक ईतद पूना बुदतुन पोयतिर. इद पूना बुदतुन, देवुळिये पुटिह कीता. मीट तान बेस पुन्जि, ताना लेह्‌का आयना इन्जि, देवुळि अद बुदतुन बद्ले कीसोरेन मन्ह्‌ता.

1 पत्रु 1:22

येसुना सेतेमता कबुरतुन केंजिस ताकताह्‌कु, मीटु पापमताहि एडटिर. अदिह्‌कु मीटु ओर्विह्‌क-ओर्वोग़ सेतेमते जीवा कीया पग़यह्‌निर. अद्रमे इंजेके मीवा लेह्‌का विस्वसिर आतोरिन, मीटु पूरा जीवाताह जीवा कीम्ह्‌टु.

2 कुरिंततोर 8:7

मीट विस्वस कीयलाह, पोल्‍लोङ वळ्ह्‌कलाह, देवुळताङ विचर्किन पुनदलाहि, जिदते सेवा कीयलाहि, माट काग़्हतपु जीवा कीयलाहि, बेस-नेह्‌ना कग़यतिर. इंजेके देवुळता मन्कलोरिह्‌क दान ईयनद कबळ वने, बेस-नेह्‌ना कीम्ह्‌टु.

1 कुरिंततोर 14:20

मावोर विस्वसिरिर! मीट इद तेल्वता लोप्पा, उड्लोर पिलाङ-पेकोरा लेह्‌का विचर केमाट. लाग्वाङ पोल्‍लोना लोप्पा, पिलाङ-पेकोरा लेह्‌कान पुनवप मन्ह्‌टु. मति मीवा तेल्वते, मीट बेरोरा लेह्‌कान मन्ह्‌टु.

2 तिसलुनितोर 1:3

मावोर विस्वसिरिर! मीवा विस्वस पकाय बेर्ससोर दायलाह आता. ओसो मीट ओर्विह्‌क-ओर्वोग़ पका जीवा कीसोर दायलाह आतिर. अदिनेनाह्‌क मीवासाटि माट देवुळतुन अमेसा जोहर कीयना गावले. अद्रम कीयनद ओजिह्‌ता वने.

2 पत्रु 3:18

अद्रम आयवा, माक पिसिह केवाल मावा किर्स्तु येसुसामिना देय्वाते ओसो बुदते, बेस बेर्ससोर अन्ह्‌टु. इंजेक वने, अमेसा-अमेसातुह्‌क वने, ओने मन्कलोर मान ईसि मोळ्किर! आमेन.

इब्रितोर 5:14

मति विस्वसते बुद पुतोरे, गाटो तिनवालोरा लेह्‌कान मन्ह्‌तोर. ओर तमा विचरते बेसतल बेदु, लाग्वद बेदु इनजोर, पुनदनद कग़यतोर.

इपिसुसतोर 5:17

तेल्वलेवा मनमाटु, मति सामिह्‌क विचर वायनद पोल्‍लो बाताल इनजोर, बेस पुन्ह्‌टु.

1 तिसलुनितोर 4:1

मावोर विस्वसिरिर! नना इंजेके आक्रिताङ पोल्‍लोङ वेहतह्‌नन; देवुळतुह्‌क गिर्दा वानाह ताकना इनजोर, मीक काग़्हच मतोम. अहे मीट मनदलाह आतिरे. मति इंका ओसो मीट अद्रमलेह्‌काने, मुनेह वने बेर्ससोर अन्ह्‌ट इनजोर, माट येसुसामिना पेदिरते मीक अर्ज कीयलाह आतोम.