पिलिपितोर 1:3 - माडिया गोंड पवित्र सास्त्रम

^3-5 मीट बेसता कबुरतुन केंजिसि विस्वस कीतिर, अस्केडाह इतेके, इंजेक एवनाह, तान पोकुर कीयनद कबळते, मीट नाक तोळ ईसोर वायलाह आतिर. अदिह्‌क बेस्के मीक सीता कीय्ह्‌नन, अस्के मावा देवुळतुन जोहर कीय्ह्‌नन. ओसो मीट सबेटोरेनाह्‌क नना अमेसा देवुळतुन पका गिर्दाते पार्तना कीय्ह्‌नन.

पिलिपितोर 1:3 Referans Kwoze

1 कुरिंततोर 1:4

देवुळि मीक किर्स्तु येसुना मेटे देय्वा ईता. अदिनेनाह्‌क नना मियेनाह्‌क, नावा देवुळतुन अमेसा जोहर कीय्ह्‌नन.

2 तिमोति 1:3

नना देवुळता मुनेह आयि, लोकुरा मुनेह आयि, अमेसा जीवाताहि कसुरलेवप मन्जि, देवुळतुन माळलाह ऊळिह्‌नन. मावाङ तादोर-बाबोर वने, अद्रमलेह्‌काने देवुळतुन माळतोर. ओसो नीक सीता कीयह्‌पा, देवुळतुन नना जोहर कीय्ह्‌नन. नग़्का पिळ्‍विळ पियल-पोळ्‍द पार्तना कीयह्‌पा, माग़्ङवालेवा नीक सीता कीय्ह्‌नन, तिमोति.

1 तिसलुनितोर 3:9

मीवा लोप्पा देवुळता मुनेह बेस-नेह्‌ना गिर्दा आतोम, अद माक बेस-नेह्‌ना गिर्दा आनाह कीताह्‌कु, माट तान बेचोन जोहर कीतेके वने आलो!

2 तिसलुनितोर 1:3

मावोर विस्वसिरिर! मीवा विस्वस पकाय बेर्ससोर दायलाह आता. ओसो मीट ओर्विह्‌क-ओर्वोग़ पका जीवा कीसोर दायलाह आतिर. अदिनेनाह्‌क मीवासाटि माट देवुळतुन अमेसा जोहर कीयना गावले. अद्रम कीयनद ओजिह्‌ता वने.

रोम सहरतोर 6:17

मुने मीट पापमता कय इळ्न मतिर, मति इंजेके मीक काग़्हतव देवुळताङ पोल्‍लोन केंजिसि, अव पोल्‍लोङ वेहतप, मीट मीवा जीवाताहि ताकिह्‌निर. ओसो देवुळि मीक पापमता कयदाहि विळ्सिह कीता. इंजेके मीट देवुळता कय इळ्न मन्जि, सेतेमते ताकलाह आतिर, देवुळतुह्‌क जोहर आयि!