पिलिपितोर 1:20 - माडिया गोंड पवित्र सास्त्रम

²⁰ अद दिया नावा सेवाते बेदे लजाता पोल्‍लो दिसो आयग़ा इनजोर, नावा पूरा आसा मन्ह्‌ता. बह इतेके, इचानाह बेद्रम नना दीराते किर्स्तुना सेवा कीतन, अद्रमे इंजेक वने कीयलाह आतन. नना हातेकाय, पिसतेकाय, नावा सेवाते किर्स्तुना पेदिर बेरा आयग़ा.

पिलिपितोर 1:20 Referans Kwoze

1 पत्रु 4:16

मति माट किर्स्तुनोरोम इन्जि देबाङ तितेके, ताना लजा आयवा, किर्स्तुना पेदिर माक अरता इनजोरे, देवुळतुन जोहर कीम्ह्‌टु.

1 तिसलुनितोर 5:23

सुकम ईयनद देवुळि मीक पूरा पवित्र कीयि; मीवा बुदतुन, मीवा जीवातुन, मीवा मेंदुलतुन पूरा राका कीयि; अस्के मावा येसुसामि किर्स्तु ओसो वायह्‌पा, मीट बेदे कसुरलेवा मनदकिर.

1 योहन 2:28

ए पेकोरिर, किर्स्तुना संगे जोळेम आस मन्ह्‌टु. अद्रम मतेके, ओग़ बेस्के इद बूमते मल्स वायनोग़, अस्के माट रेयवल आयकल. ओसो ओग़ वायह्‌पा, ओना मुनेह लजा आयवालेवा मनदकल.

पिलिपितोर 2:17

बूमयालोर देवुळतुह्‌क जन्वरता पूरा मोक ईतप लेह्‌का, मीट अगा पिलिपि सहरते, मीवा विस्वसतेनाह्‌कु, तिपल आसोरेन मह्‌निर, अद्रम मीट देवुळतुन माळिह्‌निर. (नाक इगा रोम सहरतेहव्कतेक वने,) नावा नेतुर मीवा मोकतगा वळ्पतप आयग़ा. अदिह्‌क नना बेस गिर्दा आयकन. इंगो! मीवा संगे बेस गिर्दा आयकन.

रोम सहरतोर 8:19

(आदम-अवाल बेस्के पापम कीतोर अस्के,) देवुळि ओरिन सरप ईता, ओसो पूरा बूमतगा पीळा अर्हता.(मन्कलोरिह्‌क इतेके, ओरा कसुरतेनाह्‌क सरप दल्गता, मति) देवुळ पुटिह कीतव सबेटविस्किह्‌क बार, कसुर केवाये पीळा दोर्कता. मति अविस्किह्‌क वने आसा मन्ह्‌ता. उंद दिया देवुळि तनाङ मग़्क-मयास्किन, अद सरपताहि विळ्सिह कीसि, ओरिह्‌क मान ईयग़ा, अद मान पोळ्क्ने दिसग़ा. अदे दिया, देवुळि तना पुटिह कीतव सबेटविन वने, अविस्कना पीळाताहि विळ्सिह कीयग़ा. अद दियातुन अवु अग़ ऊळसोरेन मन्ह्‌ताङ.

2 कुरिंततोर 10:8

मीवा विस्वसतुन बेर्सिह कीयलाह, सामिनाहि माक अदिकर दोर्कता, तान बूळे कीयलाह आयो. इद्रमता अदिकर ईतोग़ इनजोर, नना पका पोग़यतेक तेला, ताना लोप्पा लजा आयोन.

2 कुरिंततोर 4:10

येसुनेनाह्‌कु माट अमेसा हामुरता दोकाते अरयह्‌नोम. इद्रमलेह्‌का ओना जीवा मावाङ मेंदुस्कनगा मन्जि, माक पिसिह कीस्ता इनजोर, मन्कलोर ऊळिह्‌तोर.

1 कुरिंततोर 7:34

अदिनेनाह्‌क ओरु रेंड विचर्क आतप लेह्‌का आस्तोर. अद्रमे मुजोरलेवव आस्कु, ओसो कुव्रा मनदनव पिलाङ, तमाङ मेंदुस्कने ओसो विचर्कने पवित्र मनदना इनजोर, सामिनाङ पोल्‍लोना लोप्पा आलिह कीस्ताङ. मति मुजोह्‌क अतद आंचाळि, तना मुजोन बेद्रम गिर्दाते तासना इनजोर, इद दुनियाताङ पोल्‍लोनु आलिह कीस्ता.

रोम सहरतोर 5:5

मावा इद आसातुन, देवुळि बेस्केन देहो आयग़ा इनजोर, माट पुह्‌नल. बाराह्‌क इतेके, मावा जीवातगा निंदिस बल्क अरनाह, देवुळि तना जीवातुन वळता, वळसि अद माक बेचोन जीवा कीस्ता, इदिन तोहता.

कुलुसितोर 1:24

माट विस्वसिरा मुलु, किर्स्तुना मेंदुलता लेह्‌कान मह्‌नल. तना मेंदुलतेनाह्‌कु, किर्स्तुना तिपल इंका मारोये, ओना तिपलते नना वने कलियिह्‌नन. अदिनेनाह्‌क नावा मेंदुदगा तिपल आतेक तेला, गिर्दातेन मह्‌नन.

रोम सहरतोर 12:1

मावोर विस्वसिरिर! मीक इंजेक एवनाह वेहतव, देवुळता दयाताङ पोल्‍लोन सीता कीसीसि, मीट बाताल कीयना इनजोर, मीक अर्जि कीय्ह्‌नन: नावा मनमुळ इंजेके नयेनाह्‌क इले मति, देवुळतेनाह्‌के मन्ह्‌ता इन्जि, मीवाङ मेंदुस्किन देवुळता सेवातेनाह्‌कु ताना कयदे विळ्सिसीम्ह्‌टु. इद्रमताये मोकि देवुळतुह्‌क विचर वास्ता, इदिने देवुळतुन निटम माळना इनजोर इनदना.

पिलिपितोर 1:14

अद्रमे नना जेलते मनाह्‌कु, वेल्‍लाटोर विस्वसिर सामिनेनाह्‌क दीरा कीतोर. कीसि मुर्तिय रेयवालेवा दीराते देवुळता पोल्‍लोतुन बेस पोकुर कीस्तोर.

2 कुरिंततोर 7:14

नना तीतुसनगा मीवा लोप्पा पोग़यिस मतन. नना पोग़यतद निटमे इनजोर, मीट तोहतिर. अदिनेनाह्‌क पोग़यिस मतन इनजोर, इंजेक नाक लजा वावो. माट अमेसा मीक निटमे वेहतना लेह्‌कान, नना मीवा लोप्पा तीतुसिन वेहतद वने, निटम इनजोर करल आता.

2 कुरिंततोर 5:15

बेद्रम इतेके, पूना पिसमुळ दोर्किह कीतोर मन्कलोर, इंजेटाहि तमेनाह्‌क पिसमाकिर. मति किर्स्तु डोलिसि ओसोवने जीवा अरतोग़, ओनेनाह्‌क पिसिर इनजोर, ओग़ सबेटोरेनाह्‌क डोलिस मतोग़.

1 कुरिंततोर 15:31

मावोर विस्वसिरिर! मावा किर्स्तु येसुसामि नावा मेटे, मियगा बेचोटा बेरा कबळ कीतोग़ इन्जि, नना पोग़यसोर मह्‌नन, इद करलता पोल्‍लो. ओसो नावा सेवातेनाह्‌क दिनमे हामुरता दोका नाक वास्ता, इद अचोने करलता पोल्‍लो.

रोम सहरतोर 9:33

किर्स्तुना लोप्पा मुनेने देवुळि वेहतदु सास्त्रमतगा इद्रम रासतद मन्ह्‌ता: इद ऊळाट! नना येरुसलेम सहरते बंडालेह्‌काडोन ओर्विन तासिह्‌नन, ओनगा वेल्‍लाटोर कोदुर ईस मुटनुर मति ओना पोग़ोन बोर आसा तासनुर, ओर बेस्केने मेसेह्‌ने आयोर आयनुर. इनजोर रासतद मन्ह्‌ता.

रोम सहरतोर 6:19

मीक इव पोल्‍लोङ तेळियलाह तिपल मताह्‌कु, नना इद्रम पुन्पिह कीयनव पोल्‍लोने वेहतह्‌नन. मुने मीट पापमता कय इळ्न मतिर अस्के, मीक सेतेमता अग़दे ताकलाह विचर वावो. मीवाङ मेंदुस्किन करबताङ विचर्कना कय इळ्न मनदलाह ईतिर, अह कीसि देवुळताङ अडोन देहचोरेन अतिर. मति इंजेके मीट मीवाङ मेंदुस्किन, सेतेमताङ विचर्कना कय इळ्न मनदलाह ईम्ह्‌टु. अस्के मीट देवुळता पवित्र लोकुरिर आयकिर.

रोम सहरतोर 6:13

मीवाङ मेंदुस्किन लाग्वाङ कबस्क कीयलाह, पापमता कयदे विळ्सिस एमाटु. मति पापमतुह्‌क डोलिसि, माट पूना जीवा दोर्किह कीतोम इनजोर पुन्जि, मीवाङ मेंदुस्किन सेतेमताङ कबस्क कीयलाहि, देवुळता कयदे ईम्ह्‌टु.

बळयिर 21:13

मति पोलु इतोग़, “मीट इद्रम बाराह्‌क इह्‌निर? मीट सबेटोरिर अळसि, नावा जीवातुन उड्ला केमाटु. नना येसु किर्स्तुनेनाह्‌कु येरुसलेमतगा जेलते मनदकन, अचोने आयो, मति ओनेनाह्‌क डोललाह वने तयरे मह्‌नन,” इनजोर इतोग़.

बळयिर 20:24

मति हातेकाय, पिसतेकाय, नावा जीवाता नना पर्वा केवोन. देवुळता दयाता बेसता कबुरतुन पोकुर कीम इनजोर, येसुसामि नाक ईतद सेवातुन मारिह कीयनद, इदे नाक बेसु.

योहन 21:19

(पत्रु बेद्रमता हामुरते हासि देवुळतुन मान ईयनोग़, इदिन मुनेन वेहतलाह, येसु इह वळ्ह्‌कतोग़.) इचोन वळ्ह्‌कतस्के, येसु पत्रुन इतोग़, “नावा सेवा कीसोर वय!”

बळयिर 4:31

ताल्ह्‌कतस्के, ओर जमा आस मतद लोन मेलियता. ओर कतमतोर पवित्र जीवाते निंदिसि, देवुळता पोल्‍लोतुन रेयवालेवा, कतमतोरिह्‌क वेहता बोटटोर.

2 कुरिंततोर 3:12

अदिनेनाह्‌क माट इद्रमता आसा तासताह्‌के, पका दीराते पोकुर कीय्ह्‌नोम.

2 कुरिंततोर 7:4

मकिदुनिया पटटे एव्स मतोम अस्के, माक मुर्तिय आरम दोर्को आसि. मावा सर्ने तिपल्के मताङ. मन्कलोर माक जग्ळम कींदुर. मावा जीवा वने पका रेयिस मता. मति मेसेह्‌ने मनवालोरा जीवातुन सितुर कीयनद देवुळि, तीतुसिन मयगा लोहचि, मावा जीवातुन सितुर कीसीता. सिरप ओग़ वाताह्‌के आयो, मति ओग़ मियग्डा कबुर वने ततोग़. मीट ओना जीवातुन सितुर कीसीतिर. नाक ऊळलाह पकाय मीवा जीवा पर्ह्‌किह्‌ता; ओसो मीट गल्ति कीताह्‌कु, आलिह कीय्ह्‌निर; अहे नावा संगे गूनम आयलाह, पकाय मीवा जीवा पर्ह्‌किह्‌ता इनजोर वने वेहतोग़. मीट माक जीवा कीतिर इनजोर नना पुताह्‌कु, बाताले मकिह केवालेवा, वेहतलाह आतन. मीवा लोप्पा नना पोग़यिह्‌नन. मीट नावा जीवातुन सितुर कीतिर. माट पकाय तिपल आतेक तेला, नना ओसोय गिर्दाते मह्‌नन.