मार्कल 8:15 - माडिया गोंड पवित्र सास्त्रम

¹⁵ अस्के येसु ओरिन इतोग़, “केंजाट! परुसिर ओसो एरोद अंतिपस, वेरा ओयता पिंडटा लोप्पा उसरते मन्ह्‌टु, ताना अग़दुह्‌क आयमाट,” इतोग़.

मार्कल 8:15 Referans Kwoze

मत्याल 16:6

अस्के येसु ओरिन वेहतोग़, “परुसिर, सदुकिर, वेरा ओयता पिंडटा लोप्पा उसरते मन्ह्‌टु, ताना अग़दुह्‌क आयमाट,” इन्जि इतोग़.

मार्कल 12:13

पया ओर बह कीतोर इतेके, “येसु वळ्ह्‌कनद पोल्‍लोते, ओन एग़्किह कीम्ह्‌टु,” इनजोर उच्वुर परुसिरिन ओसो उच्वुर एरोद राजाना तुंगातोरिन येसुनगा लोहतोर.

1 तिमोति 6:13

सबेटविस्किह्‌क जीवा ईयनद देवुळता मुनेह, ओसो पुन्‍तियु पिलाति गुमसिह्‌क सेतेम पोल्‍लोता साक्सि ईतोग़ किर्स्तु येसुना मुनेह, इंजेके नना नीक उंद उकुम ईयलाह आतन.

मत्याल 14:1

अद तूकने गालिल पटटा राजाल, एरोद अंतिपस इनवाल, येसु कीताङ कबस्किन केंजतोग़.

2 तिमोति 2:14

मियग्डोर विस्वसिरिन नना वेहतन, अव पोल्‍लोन सीता कीसीसोर मन. पोल्‍लोने गिटोगटो आयमाट इनजोर, देवुळता मुनेह ओरिन बेस वेहा. अद्रम आतेके, बाताले पाय्दा दोर्को, मति केंजवालोरा विस्वस बूळेम आस्ता.

1 तिमोति 5:21

देवुळि, किर्स्तु येसु, ओसो देवुळ आचतव देवतुल्कु, वेरा मुनेह नना नीक वेहतलाह आतन: नना वेहतनव इव पोल्‍लोन पोस मन. मन्कलोरा मोकम ऊळिस, बेदे कबळ केमा. सबेटोरिन उंदिय विचरते ताकिह कीम.

लूकाल 12:15

ओसो येसु ओरिन इतोग़, “इद उंद पोल्‍लो मीट बेस केंजाटु, सबे रीतिना लालुसतग्डाह मीटु जेक मन्ह्‌टु, बाराह्‌क इतेके बोनगाय वेल्‍ला मालसोम मतेकेन, ओग़ बेस पिसिह्‌तोग़ इन्जि इनमाटु,” इनजोर इतोग़.

मत्याल 14:3

(योहनि, एरोद राजाल, वेरा नडुम कट्लाङ इह आताङ.) राजाना दादाल पिलिप, वेग़ जीवात मनेकेने, वेना मुते, एरोदियसि इनदनदिनु, राजाल तना लोन ओतोग़. अस्के योहन राजानगा वास इतोग़, “नीवा कीतद कबळ मोसानाङ अडोङ वेहतपु पोलो, महरज,” इन्जि वेहतोग़. इद पोल्‍लोतुह्‌क एरोद राजाल ओङ आसि, योहनिन दोहचि जेलते वाटटोग़.

मत्याल 14:6

पया एरोद राजाल पुटटा दिया एवता, अद दिया राजाल कुळ्पि ईतोग़. अस्के राजाल ततदु तमदादाना मुते एरोदियसि, तेना मयाळि लोकुरा मुनेह एंदिसि, राजान गिर्दा कीता.

मार्कल 8:14

वेंडनेके कग़यवालोर आरिङ ततलाह माग़्ङतोर. ओडाते दायह्‌पा, ओरगा उंदिय आरि मता.

मार्कल 8:16

इतस्के “मयगा आरिङ लेवाह्‌के बहे, गूरु माक वेहतह्‌तोग़,” इन्जि तमतमाय वळ्ह्‌किंदुर.