मार्कल 6:17 - माडिया गोंड पवित्र सास्त्रम

^17-18 बाराह्‌क इतेके, (योहनि, एरोद राजाल, वेरा नडुम कट्लाङ इह आस मताङ.) राजाना दादाल पिलिप इनवाल जीवात मनेकेने, वेना मुते, एरोदियसि इनदनदिन, राजाल तना लोन तच मतोग़. अदिनेनाह्‌क योहनि राजानगा अन्जि इतोग़, “नीवा दादाना मुतेन तासना, इद नीवा कीतद कबळ इतेके, मोसानाङ अडोङ वेहतपु पोलो, महरज,” इनजोर वेहच मतोग़. वेहताह्‌कु, राजाल ओङ आसि, योहनिन पोसि, जेलते वाटलाह वेहच मतोग़.

मार्कल 6:17 Referans Kwoze

मत्याल 11:2

देवुळता पेदिरते एते मीहवाल योहन जेलते मनेके, देवुळ लोहतोग़ येसुराजानाङ कबस्किन केंजतोग़. केंजिसि वेग़ तनाङ कग़यवालोरिन इतोग़, “येसुनगा अन्जि इद्रम ताल्ह्‌किस वाटु, ‘बोग़ देवुळ लोहवाल पिसिह केवाल राजाल वावाल मतोग़, ओग़ बह निमानेया? बार माटु दुस्रोना अग़ ऊळकोमा?’” इन्जि ओरिन येसुनगा लोहतोग़.

लूकाल 3:1

तिबिरिया कय्सर इनवाल पूरा रोम राजेमता बेरोग़ राजाल आसि, पंद्रा वर्साङ आस मतोग़. अस्के पुन्‍तियु पिलाति इनवाल, यहुदा पटटा गुमसि मतोग़.एरोद अंतिपस इनवाल राजाल गालिल पटटा गुमसि मतोग़. तना तमोग़ पिलिप इनवाल, इतुरेया ओसो तरकोनीतिस इव पटिना गुमसि मतोग़. लिसानिया इनवाल, अबिलेने पटटा गुमसि मतोग़.

मत्याल 4:12

अस्के पया योहनिन जेल ओस मतोर इन्जि, येसु केंजतोग़. तेन केंजिसि, ओग़ यहुदा पट विळ्सिसि गालिल पटटे तना नाग़ नासरेत अतोग़.

मार्कल 6:16

मति एरोद राजाल वने येसु कीतव कबस्किन केंजिसि, इद्रम इतोग़, “योहनना तलातुन नना डाय वेहच मतन, ओग़े ओसो जीवा अरतोग़!” इनजोर इतोग़.

योहन 3:24

(योहनिन जेलतगा वाटनामुनेने, इव गोटिङ आताङ.)