मार्कल 5:37 - माडिया गोंड पवित्र सास्त्रम

³⁷ पया येसु मुडुन लेहचि, सिरप याकुब, योहन, वेर तमोग़ इर्वुर ओसो पत्रु, वेरिने पोसि, यारोसना लोतेके अतोग़.

मार्कल 5:37 Referans Kwoze

बळयिर 9:40

पया पत्रु सबेटोरिन पलते पेहचि, मिंडाङ कोटिस देवुळतुन अर्जि कीतोग़. कीसि पया सेत्तातके ऊळिस, “ए तबिता, तेदा,” इतस्के, अद आंचाळि कोंडाङ नाह्‌किस पत्रुन ऊळता, ऊळिसि तेदिस उदता.

मार्कल 14:33

अह इन्जि पत्रुन, याकुबिन, योहनिन, तना संगे ओतोग़. अस्के ओग़ पका दुकम आतोग़, ओना जीवा चुहेम आयो.

2 कुरिंततोर 13:1

देवुळता सास्त्रम वेहतपु, कमसेकम इर्वुर-मुवुर मन्कलोरा साक्सिते, नीवा पोल्‍लो करल आयि. अद्रमलेह्‌काने मीक रेंड मल्काङ, मीवा पापमतुन विळ्साटु इन्जि, वेहच मतन. नना दुस्रा मल्काते मियगा वास मतन, अस्के पापम कीतोरिन, अहे सबेटोरिन, रेय्‍पिह कीस मतन. इंजेक नना मियग्डाह जेक मह्‌नन. मति केंजाट, इद सीटटे मीट सबेटोरिन वेहतलाह आतन, नना मुचाकेपाते मियगा वायकन. वातस्के मीट अद्रमलेह्‌काने पापमते मतेके, नना बोने विळ्सोन आयकन!

मार्कल 9:2

आरुङ दियाङ आतापया, पत्रु, याकुबि, योहनि, वेर मुवुरिन येसु तना संगे पोसि अलग उंद बेरा मेटापोग़ोन ओतोग़. अगा अतस्के ओर ऊळनेके, ओना रूप मिळ्न्दता.

लूकाल 8:51

पया येसु यारोसना लोन अतोग़, अन्जि पिला मतद अराता लोप्पा बोरिने ओळिय एवा, सिरप पत्रु, योहन, याकुब ओसो हाता पिलाता तलोग़-तपे, वेरिन पोसि लोप्पा ओळियतोग़.

मत्याल 17:1

आरुङ दियाङ आतापया, याकुबि, योहनि, वेर तमोग़ इर्वुर ओसो पत्रु, वेर मुवुरिन पोसि, येसु तना संगे अलग उंद बेरा मेटापोग़ोन ओतोग़.

मत्याल 26:37

अह इन्जि, ओग़ु पत्रुनु ओसो जेबेदिनाङ इर्वुर मग़्किरिन (इतेके याकुबिन, योहनिन) पोसि, पेंडेस ओतोग़. अस्के ओग़ पका दुकम आतोग़, ओसो ओना जीवा वने चुहेम आयो.