मार्कल 16:5 - माडिया गोंड पवित्र सास्त्रम

⁵ पया अव आस्कु लोप्पा ओळियताङ. अस्के ओर्वोग़ लेयोग़, पांड्रि जगा केग़्सि तिनळ बाजे उदिस मतदिन, अव ऊळताङ. ऊळिसि गाबरेम आताङ.

मार्कल 16:5 Referans Kwoze

योहन 20:8

पया दुस्रोग़ कग़यवाल वने लोप्पा नेङिसि अविन ऊळतोग़, ऊळिसिये येसु जीवा अरतोग़ इन्जि, विस्वस कीयलाह आतोग़.

मत्याल 28:3

अद देवतुलि किस-उळ्मलेह्‌का मांजिंदु, ओसो तानाङ गेंदेङ कोंगा-बूलालेह्‌का पका पांड्रि मताङ.

लूकाल 1:12

अस्के ओग़ तान ऊळिस, एक्बेक आसि पका रेयतोग़.

मार्कल 9:15

अस्के येसु वायनदिन ऊळिसि, सबेटोर बामतोर. बामिसि ओनगा वितिस मन्जि जोहर कीतोर.

मार्कल 1:27

इदिन ऊळिस अगा मतोर लोकुर बामिसि, ओर्विह्‌क-ओर्वोग़ वळ्ह्‌कसोर, “इद बेद्रमता पूना पोल्‍लो रा? वेग़ अदिकरते देयह्‌किन वने उकुम ईस्तोग़, अव वेना पोल्‍लोतुन केंजिह्‌ताङ वने,” इतोर.

मार्कल 14:33

अह इन्जि पत्रुन, याकुबिन, योहनिन, तना संगे ओतोग़. अस्के ओग़ पका दुकम आतोग़, ओना जीवा चुहेम आयो.

मार्कल 16:4

पया एरे एवनेके गुमयातुन ऊळताङ. ऊळनेके गुमयातगा तिळ्ह्‌प कीतद बंडा पका बेरा मता, मति अद बंडातुन अबर गूळ्हतद मता.