मार्कल 16:19 - माडिया गोंड पवित्र सास्त्रम

¹⁹ पया येसुसामि ओरिन इव पोल्‍लोङ वेहतापया, देवुळि ओन पोग़ोन तना जागातगा ओता. येसु पोग़ोन अतोग़ अस्के, देवुळता तिनळ बाजे उदतोग़.

मार्कल 16:19 Referans Kwoze

1 पत्रु 3:22

इंजेके येसु किर्स्तु देवुळदीपतगा अन्जि, देवुळबाबाना तिनळ बाजे (बेरा अदिकरता गादेते) उदतोग़.(अदु बेचोन बेरा अदिकरता गादे इतेके,) सबे देवतुल्कु, सबे अदिकरते मनदनव लावताङ जीवाङ, ओना कय इळ्नु कीसीतव मन्ह्‌ताङ.

इब्रितोर 1:3

ओनगा देवुळता डीसा दींचिह्‌ता, देवुळि बेद्रमता इन्जि, ओनगाने माक बराबर दिसिह्‌ता. ओग़ तना पोल्‍लोता लावते सबेटविन आव्रे कीस्तोग़. मन्कलोरा पापमतुन एडिह कीतापया, पोग़ोन मनदनद बेरा डीसाता देवुळता तिनळ बाजे, राजेम ताकिह कीयलाहि उदतोग़.

इब्रितोर 12:2

वितिह्‌पा येसुनगाने कोंडा वाटिङ. मावा विस्वसतुन पुटिह केवाल ओग़े; मावा विस्वसतुन तपवाह कीसेवाल ओग़े. इद बूमते मनदह्‌पा, देवुळि ओनेनाह्‌क तासिस मतद गिर्दातुने सीता कीतोग़; अदिनेनाह्‌क हव्कनागुटाता सिक्साता लजातुन सीता केवा, ओग़ तान आपतोग़. इंजेके देवुळता तिनळ बाजे, राजेम ताकिह कीयलाहि उदतोग़.

रोम सहरतोर 8:34

पया देवुळि माक सिक्सा ईया पग़यह्‌ताया? आयो, अद्रम बेस्केन केवो! येसु किर्स्तुये मयेनाह्‌क डोलिस मतोग़. अचोने आयो मति, देवुळि ओन जीवा अर्हचि, तना तिनळ बाजे ओन उदिह कीता. ओग़ मावा तोळ मन्जि, अगा मयेनाह्‌क देवुळतुन वळ्ह्‌किह्‌तोग़.

बळयिर 2:33

देवुळि (ओन पोग़ोन ओसि,) तना तिनळ बाजे उदिह कीस, ओन्क पका कदर ईता. देवुळबाबाल मुनेन पोल्‍लो विळ्सिस मतपु, पवित्र जीवातुन ओन्क इद बूमतगा लोहतलाह ईता. अद जीवातुन येसु माक ईतोग़. ईतस्के बाताल बाताल आता, इदिन मीट इंजेके ऊळतिर, केंजतिर.

इब्रितोर 8:1

इचानाह वेहचोर वातदिना मोदुल पोल्‍लो इदे: बोग़ पोग़ोन बेरा डीसाता देवुळता तिनळ बाजे राजेम कीयलाहि उदतोग़, ओग़े मयेनाह्‌क पेर्माल मन्ह्‌तोग़.

कुलुसितोर 3:1

नना मुने रासतपु, मीट विस्वसिरिर देवुळताहि पूना पिसमुळ दोर्किह कीसि, किर्स्तुना संगे जीवा अरतप लेह्‌का आतिर. इंजेके ओग़ पोग़ोन देवुळदीपते देवुळता तिनळ बाजे उदिस मन्ह्‌तोग़. अदिह्‌क मीट देवुळदीपताङ पोल्‍लोनगाने, सीता कीसोर मन्ह्‌टु.

योहन 20:17

अस्के (मरियालि ओनाङ काल्क अरताह्‌कु,) येसु इतोग़ “नावाङ काल्किन ओग़्ङिस मनमा मरिया, बाराह्‌क इतेके नना इंका वने बाबानेके पोग़ोन अनोने. मति निमा मावोर कग़यवालोरेके अन्जि ओरिन वेहा, ‘मीवा-नावा बाबानेके, मीवा-नावा देवुळतके नना पोग़ोन दाय्ह्‌नन,’” इन्जि येसु तान वेहतोग़.

इब्रितोर 6:20

अद जागातगा येसु मयेनाह्‌कु मुनेने ओळियतोग़. मेल्किसेदेकना लेह्‌कान, ओग़ मावा अमेसातुह्‌क पेर्माल आतोग़.

1 तिमोति 3:16

ओसो किर्स्तुना लोप्पा, देवुळ पङ्ने कीतव पोल्‍लोङ पका असलताङ मन्ह्‌ताङ, इद करलिये. “किर्स्तु मान्वल आसि माक दिसतोग़. ओग़ु देवुळता मग़ इन्जि, पवित्र जीवा तोहता. ओग़ हामुरताहि तेग़्कतस्के, देवतुल्क साक्सि मताङ. ओग़ तना डीसाते कलियनाहु, देवुळि ओन पोग़ोन ओता. ओना कबुर दुस्राङ जातिनोरगा आबुर आता. दुनियामेटोर लोकुर ओन नमतोर.”

योहन 6:62

माने-मन्कना नडुम पुटटोनन, नना बेगा मुने मतन, अगा पोग़ोन मल्स दायनस्के, मीट नाक ऊळकिर अस्के, मीट बह इनदकिर?

लूकाल 9:51

येसुह्‌क देवुळदीपतगा दायनद दिया एरे एवसोर मता. अदिनेनाह्‌क ओग़ येरुसलेम दायलाह अट कीस पेसतोग़.

इब्रितोर 9:24

अदिनेनाह्‌क मन्कलोर पंडटद सबेट्क पवित्र गूडटगा, किर्स्तु ओळियोग़. मन्कलोर पंडटद जागा, पोग़ोन मनदनद सबेट्क पवित्र गूडटा वेट दळ्मि, अचोने! निटमता सबेट्क पवित्र गूड इतेके देवुळदीपि, ओग़ अगाने ओळियतोग़. मयेनाह वेहतलाहि, देवुळता मुनेह नितलाहि ओळियतोग़.

इब्रितोर 7:26

येसु पवित्र मनवाल, बाताले कसुरलेवोग़, पापमता डागिल आयवोग़, पापि मन्कलोरग्डाहि एग़िस मन्जि, इंजेके पोग़ोन देवुळदीपतगा, सबेट्क बेरा कदरता जागाते उदवाल. इद्रमतोग़ पेर्माल मयेनाह्‌क बेस ओप्पिह्‌तोग़.

इब्रितोर 4:14

मति मयेनाह्‌क बेरोग़ पेर्माल मन्ह्‌तोग़; ओग़ आंदोग़ देवुळता मग़ि येसु. ओग़ देवुळदीपते देवुळबाबाना बाजे उदिस मन्ह्‌तोग़. मावा लेह्‌कान ओन्क वने, पापम कीया वेसनाह सबे रीतिनाङ विचर्क वाताङ, तेला मति ओग़ बेस्केन पापम केवोग़. अदिह्‌क ओग़ मावा कमजोरतुन ऊळिस, जीवा लोपवाल आंदोग़. अदिनेनाह्‌क येसुनगा विस्वस कीयनद बेद पोल्‍लोतुन माट कबुल आय्ह्‌नल, अद पोल्‍लोतुन विळ्सवालेवा, मेग़्किस पोस मनदना गावले.

बळयिर 3:21

पूरा दुनियातुन पूना कीकन इन्जि, देवुळि वेल्‍लाय मुने तना पवित्र कबुरतोरा संगे वेहच मता. पूना कीयनद कालम एवनाह, किर्स्तु पोग़ोन देवुळदीपते मनदनोग़.

योहन 21:22

“नना इद बूमते मल्स वानाह्‌जोमु, ओग़ पिसिस मनदना इन्जि, नावा विचर मतेकाय, तेना नीकु बाताल वास अरता? निमा नावा सेवा कीसोर वय!” इन्जि येसु पत्रुन इतोग़.

योहन 21:15

ओर कग़यवालोर कतम तितस्के, येसु सिमोन पत्रुन ताल्ह्‌कतोग़, “योनाना मग़निन, सिमोनि, वेर पिसतोर कग़यवालोर बेचोन नाक जीवा कीस्तोर, तान्काय वीळिस निमा नाक जीवा कीय्ह्‌निना?” इन्जि ताल्ह्‌कतोग़. “इंगो सामि, नना नीक जीवा कीय्ह्‌नन इन्जि, नीक इतेक एर्काये,” इनजोर पत्रु इतोग़. “अह इतेके नावाङ गोरेपिलाना लेह्‌काडोरिन मेहा,” इन्जि येसु वेहतोग़.

योहन 17:13

“नना इंजेके नियके वाय्ह्‌नन, बाबा. मति वेरा जीवाते नावा गिर्दा पूरा निंदना इन्जि, नना इद बूमते मनेकेने, इव गोटिङ वेहतह्‌नन.

योहन 16:28

बाबाल इद बूमतगा नाक लोहतोग़. इंजेक ओसो नना इद बूमतुन विळ्सिसि बाबानेकेन दाय्ह्‌नन,” इनजोर येसु इतोग़.

योहन 13:1

आवना पंडुम इंजेके एरे एव्स मता. मुल्पेडा जावा उनडलाह, येसुनाङ कग़यवालोर ओना संगे ऐंगे उदिस मतोर. नना इद दुनियातुन विळ्सिसि, पोग़ोटोग़ बाबानेके दायनद कगो एवता इनजोर, येसु पुतोग़. इद दुनियाते मतोर तना लोकुरिन ओग़ जीवा कींदोग़, अहे हानाह्‌जोम ओग़ ओरिन जीवा कीसोर मतोग़.

मार्कल 16:20

पया येसुनाङ कग़यवालोर सबेटोर सबे जागाने तिरियसोर, ओना पोल्‍लोतुन पोकुर कीतोर. सामि ओरा तोळ मताह्‌कु, ओरा कयदे देवुळता लावताङ सीनाङ आंदुङ. ओर वेहतव पोल्‍लोङ निटमे इनजोर अव सीनाङ तोहंदुङ.आमेन.]

लूकाल 22:69

मति इंजेके गळ्क मनेके, माने-मन्कना नडुम पुटटोनन नना डीसाता देवुळता तिनळ बाजे उदकन,” इनजोर इतोग़.