58 “‘नना मन्कलोर दोहतद देवुळता मंदिरतुन विर्हचि, तान मूंड दियाने मन्कलोर दोहवद, दुस्रा मंदिरतुन दोहतकन,’ इनजोर वेग़ वेहतह्पा माट केंजतोम,” इद्रम साक्सि ईतोर.
मति इंजेके बह आता? पूना करलताङ बेसताङ पोल्लोन पोसि,किर्स्तु मावा पेर्माल आस वातोग़. मन्कलोरा कयदे तयर आतद, इद बूमतगा मनदनद रावुळते ओळियोग़; मति पोग़ोन मनदनद रावुळते ओळियतोग़. अद पोग़ोटा रावुळिये निटमता आंदु, बूमता रावुळतुह्काय ओसोय बेसतलि.
केंजाट! मावा मेंदुलि इद बूमतगा माट मनदनद गुळ्सेलेह्काडा मन्ह्ता. गुळ्सेतुन मुटिह कीयना लेह्कान, मावा मेंदुल वने बूळेम आयग़ा. मति अद्रम आतेक वने, माक मनदलाहि कयदे पंडवद, अमेसा मनदनद, पूना लोन देवुळि ईयग़ा इन्जि माट पुतल. अद दिसवद लोन देवुळता जागातगा मन्ह्ता.
येसु ओरिन इतोग़, “इद मंदिरतुनु अर्ह्चीम्ह्ट, तेन नना मूंड दियाने ओसोवने दोहतकन,” इनजोर इतोग़.
अदिनेनाह्क मन्कलोर पंडटद सबेट्क पवित्र गूडटगा, किर्स्तु ओळियोग़. मन्कलोर पंडटद जागा, पोग़ोन मनदनद सबेट्क पवित्र गूडटा वेट दळ्मि, अचोने! निटमता सबेट्क पवित्र गूड इतेके देवुळदीपि, ओग़ अगाने ओळियतोग़. मयेनाह वेहतलाहि, देवुळता मुनेह नितलाहि ओळियतोग़.
मति मन्कना कयदे पंडटा मंदिरतगा देवुळि मनो, इद पोल्लोतुन देवुळता कबुरतोग़ ओर्वोग़ मुनेन रासतोग़.
पया अग़ पोस अनवालोर तलाङ ओलिह कीसोरे, ओन इहलेह्का उस्किस-पास्किस वळ्ह्किंदुर, “ओ! मंदिरतुन विर्हचि, मूंड दियाने दोहवानिन!
पया उच्वुर मन्कलोर निचि, येसुना अडम इद्रम जोल साक्सि ईया बोटटोर इतेके,
तेला मति ओरा साक्सि उंदिय रीतलेह्का इले आसि.