मार्कल 14:26 - माडिया गोंड पवित्र सास्त्रम

²⁶ पया ओर देवुळतुन जोहर कीयनद पाटा ओसि, पलते जय्तुन मराना मेटातगा अतोर.

मार्कल 14:26 Referans Kwoze

मत्याल 26:30

ओर पया देवुळतुन जोहर कीयनद पाटा ओसि, जय्तुन मराना मेटातगा अतोर.

लूकाल 22:39

पया अद लोतग्डाह ओग़ पेसिसि, तना अल्वट मतपु, जय्तुन मरानाङ मेटातगा अतोग़. ओना संगे कग़यवालोर वने अतोर.

तोहचीतव पोल्‍लोङ 5:9

मोळ्किसि ओर इद्रम पूना पाटा वाग़तोर: “नीक मन्कलोर हव्किस मतोर, निमा नीवा नेतुर पोहच डोलतिन. अद नेतुरता कर्सा कीसि, सबे पुळ्गिनाहि, दुस्राङ-दुस्राङ पोल्‍लोङ वळ्ह्‌कवालोरग्डाहि, सबे देसेह्‌कनोरग्डाहि, सबे जातिनोरग्डाहि, मन्कलोरिन देवुळतेनाह्‌क अलग कीतिन. ओसो ओरिन मावा देवुळता राजेमतोर कीतिन, तानाङ बूमयालोर वने कीतिन, ओर पूरा बूमते राजेम कीयनुर. अदिह्‌क तोला सीटटुन एतलाहि, ओसो तानगा मेततद वटेतुन तेंडलाहि, निमान लायकतोनिन!” इनजोर पूना पाटा वाग़तोर.

याकुब 5:13

मियगा बोग़ाय तिपलते मतेके, पार्तना कीयेग़. बोग़ाय बेस सुकमते मतेके, देवुळतुन जोहर कीसोर पाटाङ ओयेग़.

कुलुसितोर 3:16

अद्रमे किर्स्तुना पोल्‍लो मीवा जीवातगा गडि, अदे मीक ताकिह कीयि. देवुळ ईतद बुदते, ओर्विह्‌क-ओर्वोग़ बुदिङ-एदिङ काग़्हचोर मन्ह्‌टु. देवुळता सास्त्रमताङ पाटाङ, ओसो रीतरीतिनाङ पाटाङ, इविस्कने देवुळतुन जोहर कीसोर, मीवा पूरा जीवाताहि ओसोर मन्ह्‌टु.

1 कुरिंततोर 14:15

पया बह कीकन? नना तेळियवद बासाते नावा जीवाते पार्तना कीकन, ओसो नना तेळियतद बासाते नावा बुदते वने पार्तना कीकन. अहे नना नावा जीवाते पाटा वाग़कन, नावा बुदते वने पाटा वाग़कन.

बळयिर 16:25

पया नडुमनग़्का पोलु, सीलास, वेरु पार्तना कीसोर देवुळताङ पाटाङ ओसोर मतोर. अस्के अद जेलतगा दोहच मतोर मन्कलोर वने केंजसोर मतोर.

मत्याल 21:1

येसु तनाङ कग़यवालोर बार, येरुसलेम सहरता एरे एवयलाह आतोर. पया जय्तुन मराना मेटातगा, बेत्पागे नाटे वातोर अस्के, येसु इर्वुर कग़यवालोरिन नाटे लोहतोग़.

मार्कल 14:25

इह केंजाट, नना मीक सेतेम वेहतह्‌नन, देवुळता राजेमते पूना रीतते अंगुर जोमा उनाह्‌जोमु, नेटाहि नना तेन बेस्केन उनोन आयकन,” इनजोर इतोग़.

योहन 18:1

इचोन वळ्ह्‌किसि, येसु तनाङ कग़यवालोरा संगे पेसतोग़, पेसिसि किद्रोन इनदनद लपातुन वेंडिसि, अबर बाजे अतोर. अगा जय्तुन मराङ ओग़्सतद उंद वाळुम मता, अगान ओर नेङतोर.