मार्कल 12:9 - माडिया गोंड पवित्र सास्त्रम

⁹ कीसि इद्रम इतोग़, “अंगुर वाळुमता माल्काल इंजेके ओरिन बह कीयनोग़? ओग़ वासि अद वाळुमतुन कयदे कीतोर, सबेटोर ऊळेवाळे केवालोरिन हव्कनोग़. अह कीसि, अद वाळुमतुन दुस्रोरा कयदे ईयनोग़,” इतोग़.

मार्कल 12:9 Referans Kwoze

रोम सहरतोर 10:20

मोसाना पेग़्केडोग़ यसयाल, (दुस्राङ जातिनोरा लोप्पा रासिह्‌पा,) देवुळता दीराते इद्रम रासतोग़: नाक पर्ह्‌कवोरु, नाक दोर्किह कीतोर. नाक पुनदलाह ऊळवोरु, नाक पुनदलाह आतोर, इनजोर रासतोग़.

लूकाल 19:27

मति इंजेके इगा वेग़ राजेम कीयना आयो इनजोर, बोर नाक विरुद कीतोर, ओरिन नावा मुनेह तचि हव्काट,’ इनजोर माल्काल इतोग़,” इनजोर वेहचि, येसु पीटोतुन मारिह कीतोग़.

मत्याल 22:7

इदिन ऊळिसि राजाह्‌क पका ओङ वाता, पया तनाङ सीपय्किन लोहचि, ओर हव्कतोरिनु कतम बूळे कीसि, ओरा नाटुन ओग़िसीतोग़.

मत्याल 12:45

अस्के पया अद अन्जि, तन्काय लाग्वव एळुङ देयह्‌किन, तना संगे गोत कीस ततह्‌ता. अस्के अवु ओग़ मन्कना लोप्पा नेङिस जागा आस्ताङ. पया ओना इंजेटा गोसा, मुनेतदिह्‌काय वेल्‍ला करबता आस्ता. अद्रमलेह्‌काने इद लाग्वा पीळतोरिह्‌कु, तमाङ जीवाने नावाङ पोल्‍लोह्‌क जागा एवाह्‌कु, इद्रमे गोसा आयग़ा,” इनजोर इतोग़.

मत्याल 21:34

पया अंगुर पंडिना पंटा वातस्के, ओग़ तना पंटाता तूस ओयनेनाह्‌कु, उय्तुर ओर्युलतोरिनु, ऊळेवाळे केवालोरक्‍के लोहतोग़.

मार्कल 12:8

इन्जि ओर ओन पोस हव्कतोर, अह कीसि अंगुर वाळुमता पलते जेग़्किसीतोर,” इनजोर येसु पीटोतुन मारिह कीतोग़.

मार्कल 12:10

ओसो इतोग़, “बेद बंडातुन मुने बेल्दर्क पोहचीतोर, अदे बंडा इंजेके आदरता मूला-बंडा आता. इद देवुळबाबानाये कबळ आंदु, इद माक पकाय बामतप दिसिह्‌ता, इद्रम देवुळता सास्त्रमतगा रासतदिन अर्वविरा?” इनजोर इतोग़.