मार्कल 10:1 - माडिया गोंड पवित्र सास्त्रम

¹ पया येसु तनाङ कग़यवालोरा संगे अग्डाहि यहुदा पटटा एरियाते वातोग़. वासि अग्डाह योर्दन बेरेटा अबर बाजे अतोग़. अस्के ओसोवने गोह्‌डिनाङ गोह्‌डिङ लोकुर ओनगा जमा आतोर. आतस्के येसु तना अल्वट मतपु, ओरिन काग़्हता बोटटोग़.

मार्कल 10:1 Referans Kwoze

योहन 10:40

योर्दन बेरेटा अबरि मुने योहनदेवुळता पेदिरते एग़ मीहन्दोग़, अगा येसु अतोग़, अन्जि अगान मतोग़.

मार्कल 4:2

येसु मुडा लोकुरिन पुन्पिह कीयनव पीटोने, वेल्‍लाङे पोल्‍लोङ काग़्हतोग़. उंद पीटो इद्रम मता:

योहन 11:7

ताना पया ओग़ु तनाङ कग़यवालोरिन इतोग़, “दट, माटु ओसो यहुदा पटटे दाकल,” इतोग़.

मार्कल 6:34

अस्के येसु ओसो ओनाङ कग़यवालोर वने एवतोर. एव्सि येसु ओडाताह रेगिसि, अगा वेल्‍लाय मुल जमा आतदिन ऊळतोग़. ओरु कोपाललेववु गोरेनलेह्‌का मतोर, तेन ऊळिसि येसुह्‌क ओरा मान वसता. पया येसु ओरिन वेल्‍लाङे पोल्‍लोङ काग़्हता बोटटोग़.

मत्याल 4:23

पया ओराङ पार्तनाताङ लोह्‌कनगा देवुळता पोल्‍लो काग़्हचोरे, देवुळि लोकुरगा राजेम कीयनदिना लोप्पा बेसता कबुर पोकुर कीसोरे, अहे लोकुराङ सबे रोगह्‌किन, दुकिनु सव्रे कीसोरे, पूरा गालिलमेंड येसु तनाङ कग़यवालोर बार तिरियतोर.

योहन 18:20

येसु ओन इतोग़, “नना कतमतोरा मुनेह पिङम-पङमे वळ्ह्‌कतन. नना कुस्क्ने बातय वळ्ह्‌कोन, मति बेगा सबेटोर यहुदिर कलियिंदुर अगा, इतेके पार्तनाताङ लोह्‌कने आयि, मंदिरते आयि, इद्रमताङ जागाने नना अमेसा काग़्हन्दन.

मार्कल 6:6

पया नाटेनोर येसुन नमवाह्‌कु, ओग़ बयल आतोग़. अहे पया येसु काग़्हचोरे, सबे एरे-गूरेताङ नाह्‌कने तिरियतोग़.

मार्कल 2:13

पया येसु अद लोताहि पेसिसि, गालिल सम्दुरता दड कचुलिये अतोग़, अस्के वेल्‍लाटोर लोकुर ओना पयाह वातोर. पया येसु ओरिन काग़्हता बोटटोग़.

मत्याल 26:55

अद वेलाते येसु तन्क पोयवालोरिन इतोग़, “ओर्विन डाकुन पोयतप, मीटु तल्वर कसेह्‌कु, टेंगाङ पोस नाक पोयतलाह वातिर अय? नना इतेके दिनम मंदिरतगा उदिसि काग़्हन्दन, तेला मति मीट नाक अस्के बाराह्‌क पोयविर?

मार्कल 1:21

अद्रमे पया येसु ओसो ओनाङ कग़यवालोर कापेर्नाग़ अतोर. अन्जि वारमता पोल्वादियाते पार्तनाता लोतगा येसु काग़्हता बोटटोग़.

मार्कल 6:2

अन्जि वारमता पोल्वादियाते अग्डा पार्तनाता लोते काग़्हता बोटटोग़. वेल्‍लाटोर लोकुर ओनाङ पोल्‍लोन केंजिसि बयल आतोर, आसि इद्रम इतोर, “वेन्क इव पोल्‍लोङ, इचोटा बुदि, बेग्डाह दोर्कता रा? अचोटाङ बेराङ कबस्क कीयनद डीसा वेन्क बेग्डाह दोर्कता रा? बह वेग़ मरियाना मग़ि वड्लाल आयोग़ा? वेनाङ तमोर याकुबि,योसेपि, सिमोनि, यहुदाल वेर आयोर रा? वेनाङ सबे एलास्क बह इगाने इलेङ?” इन्जि नाटेनोर लोकुर येसुन नमोर आंदुर.

मार्कल 10:2

पया उच्वुर परुसिर येसुनगा वासि, ओन एग़्किह कीयलाह इतोर, “मन्कल तना मुतेन देहचीयना, इद पोलिह्‌ताया?” इनजोर ताल्ह्‌कतोर.

मार्कल 12:35

पया येसु मंदिरतगा काग़्हचोरे, ओरिन इद्रम ताल्ह्‌कतोग़, “देवुळ लोहवाल पिसिह केवाल किर्स्तुनु, दाविद राजाना पुळ्गतोग़ इनजोर, सास्त्रमगूरुर बाराह्‌क इन्ह्‌तोर?

मार्कल 14:49

नना इतेके दिनम मीवा संगे मन्जि, मंदिरतगा काग़्हचोर मंदन, अस्के मीट नाक पोयविर. मति देवुळता पवित्र सास्त्रमते नावा लोप्पा रासतव पोल्‍लोङ करल आयना इन्जि, नेंड इव गोटिङ आस्ताङ,” इनजोर येसु इतोग़.