मार्कल 1:38 - माडिया गोंड पवित्र सास्त्रम

³⁸ मति येसु ओरिन इतोग़, “आयो! माट इकेडाङ एरे-गूरेताङ नाह्‌कने दाकल. अगा वने नाक देवुळता पोल्‍लोतुन पोकुर कीया पोयह्‌ता, इदे कबळतुह्‌क नना वातन,” इतोग़.

मार्कल 1:38 Referans Kwoze

लूकाल 4:43

अस्के येसु ओरिन इतोग़, “देवुळि माने-मन्कनगा राजेम कीयनद बेसता कबुरतुन, दुस्राङ नाह्‌कने वने नाक वेहता पोयह्‌ता. इदे कबळतुह्‌क कोनि, देवुळि नाक लोहता,” इनजोर वेहतोग़.

योहन 17:8

बाराह्‌क इतेके बेव गोटिङ निमा नाक वेहतिन, अविस्किन नना वेरिह्‌क वेहतन. नना वेहतस्के वेर अविस्किन पोयतोर, पोसि नना नियग्डाहि पेसिस वातन इनजोर, वेर करले पुतोर, ओसो निमाने नाक लोहतिन इन्जि वेर नमतोर.

योहन 17:4

बेद कबळ निमा नाक कीयलाह ईतिन, अदिन मारिह कीसि, नना इद बूमतगा नीक मान ईतन.

योहन 16:28

बाबाल इद बूमतगा नाक लोहतोग़. इंजेक ओसो नना इद बूमतुन विळ्सिसि बाबानेकेन दाय्ह्‌नन,” इनजोर येसु इतोग़.

लूकाल 2:49

इतस्के ओग़ पेकाल ओरिन, “मीट नाक इके-अके ऊळसोर पर्ह्‌कनायो मता, बह नावा बाबाना लोतगा नना मनदना इनजोर मीट पुनविरा?” इतोग़.

योहन 9:4

नावा बाबाल बेव कबस्क कीयलाह नाक लोहतोग़, अविन नाकु वेह्‌च मनेकेने, इतेके इद बूमते मनेकेने, कीया पोयह्‌ता. बह इतेके उचुके दियाना पया ईकळ वायनद मन्ह्‌ता, अस्के बोन्के कबळ कीया वावो आयग़ा.

मार्कल 1:37

अन्जि येसुन ओर दोर्किह कीतोर, अस्के ओन इतोर, “नाटेनोर वेल्‍लाटोर लोकुर नीक पर्ह्‌कलाह आतोर, गूरु,” इतोर.

मार्कल 1:39

अद्रम पया येसु तनाङ कग़यवालोर बारा, पूरा गालिल पटटे तिरियतोर. नाग़-नाग़ अन्जि, येसु यहुदिराङ पार्तनाताङ लोह्‌कनगा पोकुर कींदोग़. अहे देयह्‌क पोस मतोरग्डाह देयह्‌किन पेसिह कींदोग़.