मत्याल 7:2 - माडिया गोंड पवित्र सास्त्रम

² बाराह्‌क इतेके, दुस्रोरिन बह मीट तप तोहतह्‌निर, अहे देवुळि मीक वने तप तोहतग़ा. अहे बेद गोट्‍टाते मीट दुस्रोरिह्‌क कहच ईय्ह्‌निर (इतेके इळ्न अर्हतह्‌निर), अदे गोट्‍टाते देवुळि मीक वने कहच ईयग़ा.

मत्याल 7:2 Referans Kwoze

याकुब 2:13

बह इतेके, बोग़ दुस्रोरा पोग़ोन दया केवोग़, देवुळ वने नेयम कीयनद दियाते, ओना पोग़ोन दया केवो आयग़ा. मति दया केवालोर मन्कलोर, नेयमतुह्‌क रेयोर आयनुर.

मार्कल 4:24

ओसोवने ओरिन इतोग़, “इव पोल्‍लोनु मीट उसरते केंजाटु. बेद गोट्‍टाते मीट दुस्रोरिह्‌क कहच ईय्ह्‌निर, अदे गोट्‍टाते देवुळि मीक कहच ईयग़ा, तान्काय एक्‍वा ईयग़ा.

लूकाल 6:38

दुस्रोरा गर्ज मतेके, ओरिह्‌क चिव्टम आयवालेवा ईम्ह्‌टु, ईतेके देवुळि मीक वने ईयग़ा. बेसतल बुदतोर साव्कर्क, गोट्‍टातुन निहच कोग़िस-कोग़िसि, नेल पोवनाह मेल्हचि, मीवा जोर्कातगा वळयनुर, अद्रमलेह्‌का मीक ईयग़ा. अहे बेद गोट्‍टाते मीट दुस्रोरिह्‌क कहच ईय्ह्‌निर, अदे गोट्‍टाते देवुळि मीक कहच ईयग़ा,” इनजोर इतोग़.

तोहचीतव पोल्‍लोङ 18:6

अद दुस्रोरिह्‌क लाग्वाङ कबस्क कीतप लेह्‌का, तान्क अहे कीम्ह्‌टु. आयो, तान्कु रेंड पटिङ बद्ला ईम्ह्‌टु. अद दुस्रोरिह्‌क ईतद बेचोन एर्स मंदु, तान्काय रेंड पटिङ एक्‍वा एरतदिन, ताना कस्लातगा वळ्सीम्ह्‌ट.

2 कुरिंततोर 9:6

इद पोल्‍लोतुन सीता कीम्ह्‌टु: बोग़ उचुने विजा वीतिह्‌तोग़, ओन्क उचुने अनम दोर्कग़ा. ओसो बोग़ वेल्‍ला विजा वीतिह्‌तोग़, ओन्क वेल्‍ला अनम दोर्कग़ा.

मत्याल 6:14

“ओकावेला मीट लोकुरा कसुरतुन मापि कीतिर इतेके, मीवा पोग़ोटोग़ बाबाल मीवा कसुरतुन वने मापि कीयनोग़.