मत्याल 7:13 - माडिया गोंड पवित्र सास्त्रम

^13-14 “रेंड अग़िङ मन्ह्‌ताङ, बेद अग़दुन पोयतकिर? बेरा दर्वजात्कु वेल्‍ला पस मन्ह्‌ता, अद नेर्वता अग़ि बूळेम आयनके ओस्ता, अद अग़दे अनवालोरु वेल्‍लाय मुल मन्ह्‌तोर. मति वेल्‍ला पस इलवदु उड्ला अग़ि अमेसाता पिसमुळतके ओस्ता, इद अग़ि वेल्‍लाय कमि मुडुह्‌क दोर्किह्‌ता. अदिह्‌के मीटु वेल्‍ला पस इलवद दर्वजात्कु लोप्पा नेङाटु.

मत्याल 7:13 Referans Kwoze

योहन 14:6

अस्के येसु ओन इतोग़, “अग़दन ननाने, सेतेमतन ननाने, जीवातन वने ननाने आंदन, तोमा. नावा संगे वावालेवा, बाबानेके बोग़े एवया पग़वोग़.

योहन 10:9

देवुळतके दायनद गोरेना अग़दन ननान आंदन. नयेनाहि बोर लोप्पा नेङनुर, ओरिन नना पिसिह कीकन. ओरु लोप्पा-पलत ओळियाङ-पेसाङ कीयनुर, ओरिह्‌क तिंड-बंड वने दोर्कग़ा.

गलातितोर 5:24

इंजेके किर्स्तु येसुन नमवालोर इतेके, तमा मन्कना बुदतुन, हव्कनागुटातगा बूळे कीतपे मन्ह्‌तोर; अद मन्कना बुद डोलता इतेके, माट तानाङ लाग्वाङ विचर्कने ताकवल.

मत्याल 3:2

“देवुळि मन्कलोरगा राजेम कीयनद कगो एवयलाह आता. अदिह्‌क मीटु मीवा पापमताहि मिळ्न्दिसि देवुळतके वाटु,” इद्रम वेग़ वेहन्दोग़.

मत्याल 3:8

अदिह्‌के देवुळता पेदिरते एग़ मीयनामुने, मीवा पापमता अग़दाहि मिळ्न्दिसि, सेतेमता कबळ कीस तोहाटु.

2 कुरिंततोर 6:17

इद्रम वने रासतद मन्ह्‌ता: “अदिनेनाह्‌क ओरग्डाहि पेसिस वाटु, ओरग्डाह एग़िस मन्ह्‌टु. कळ्‍वोग़ आतदिन इटमाट, अस्के नना मीक एरे कीकन.

मत्याल 23:13

“ए सास्त्रमगूरुरिर ओसो परुसिरिर, मीट सोङ केवालोरिर! देवुळि मीक पका सिक्सा ईयग़ा! बाराह्‌क इतेके देवुळता राजेमतके वावालोरा अग़ मीट केहतह्‌निर. मीट कुद वने ओळियविर, ओसो ओळियवालोरिन वने दाया एविर.

तोहचीतव पोल्‍लोङ 20:15

देवुळता संगे अमेसातुह्‌क पिसवालोरा पुस्तकतगा, बोराङ पेदिर्क रासतव इलेङ, ओर कतमतोरिन देवुळि मळ्गनद किसबटटगा वाटिसीता.

पिलिपितोर 3:19

ओर दायनद अग़ि बूळेम आयनेके ओस ईस्ता. ओर तमा पोटातेनाह्‌क लालुस्क कीसोर ताकिह्‌तोर. तमाङ करबताङ विचर्कने पोग़यसोर तिरियिह्‌तोर. ओर दुनियाताङ पोल्‍लोनगाने सीता कीसोर मन्ह्‌तोर.

2 कुरिंततोर 4:4

ओरु किर्स्तुन विस्वस केवा, इद दुनियातुन राजेम कीयनद देयह्‌कना मुक्यानु, देवुळ इनजोर ताना कय इळ्न मन्ह्‌तोर. ओरिह्‌क बेसता कबुर तेळियमाकि इनजोर, अदु ओरा बुदतुन गंगा पोय्‍पिह कीता. अदिह्‌क ओरिह्‌कु बेसता कबुरता वेह्‌च दिसो. अद बेसता कबुर इतेके, किर्स्तुना मान-डीसातुन तोहतह्‌ता, ओन ऊळतेके देवुळतुन ऊळतप आंदु.

बळयिर 3:19

अदिह्‌क इंजेके मीट पापमता अग़दाहि मिळ्न्दिसि देवुळतके मल्म्ह्‌टु, अस्के देवुळि मीवा पापमतुन एडिह कीयग़ा. एडिह कीसि अद मीवा जीवातुह्‌क आरम ईयग़ा.

1 योहन 5:19

ताना कयदे इद पूरा लाग्वा दुनिया मन्ह्‌ता, मति माट इतेके देवुळता लोकुरल आंदल इनजोर, माट पुह्‌नल.

मत्याल 25:46

“ओर इतेके अमेसाता सिक्सा आयलाह दायनुर, सेतेमतोरिह्‌क बारा अमेसा पिसलाह दोर्कग़ा,” इन्जि, येसु तनाङ कग़यवालोरिन इतोग़.

मत्याल 25:41

“पया दावळ बाजेतोर लाग्वोरिन नना इनदकन, ‘ए सरपते मनवालोरिर, नयग्डाहि पेसिस अन्ह्‌टु. देयह्‌किह्‌कु ओसो अविस्कना मुक्याह्‌कु तयर कीतदु, बेस्केन पिववद किसबटटगा अन्ह्‌टु.

तोहचीतव पोल्‍लोङ 13:8

मन्कलोर हव्किस मतद गोरेपिलाता अमेसातुह्‌क पिसवालोरा पुस्तकतगा, बोराङ-बोराङ पेदिर्क दुनिया पुटवस्केन रासतव मन्ह्‌ताङ, ओर रकसतुन माळोर आयनुर. मति ओरिन विळ्सिसि, बूमतगा मनवालोर सबेटोर, अद रकसतुन मोळ्कनुर.

रोम सहरतोर 9:22

अद्रमलेह्‌काने देवुळतुह्‌क वने, तना विचर मतप कीयलाह अदिकर मन्ह्‌ता. तमा पापमते बूळेम आयना लायक मनवालोरा पोग़ोन, देवुळि ओङ आस्ता. मति ओरिन अस्केडस्केन सिक्सा कीसि, तना लावतुन तोहो. ओरा लाग्वातनमतुन आपसोर, वेल्‍लाजोम केपसोर मन्ह्‌ता.

लूकाल 14:33

“अद्रमलेह्‌काने मियग्डाह वने बोरे मनिर, आपुना सबे मालसोम, अनम-दनम, ओसो मियगा मनदनव सबेटविन विळ्स पग़विर इतेके, नावाङ कग़यवालोरिर आया पग़विर.

तोहचीतव पोल्‍लोङ 12:9

पया मीकाय्ल तना तोळतव देवतुल्कना संगे, मासुंडतुन ओसो ताना तोळतविन बूमतगा अर्ह्‌चीता. अद मासुंडि इतेके सुरुमुनेता तरसि! तान देयह्‌कना मुक्याल वने इन्ह्‌तोर, ओसो सय्तन वने इन्ह्‌तोर. अदे बूममेटोरिन नाळेह कीसोर वाता.

लूकाल 9:33

गळ्क मनेके मोसा मुय्तोग़ ओसो एलिया मुय्तोग़ येसुनग्डाह अनेके, पत्रु पया “सामि, माट इगा मह्‌नल इतेके बेस आता, माट इगा मूंड मंडाङ पंडकोम: उंदि नियेनाह्‌कु, उंदि मोसा मुय्तोनेनाह्‌कु, उंदि एलिया मुय्तोनेनाह्‌कु,” इतोग़. (इव पोल्‍लोङ पत्रु बाताल वळ्ह्‌किंदोग़, अद तना तन्के तेळियो.)