मत्याल 6:5 - माडिया गोंड पवित्र सास्त्रम

⁵ “मीट बेस्के देवुळतुन पार्तना कीयलाह दाय्ह्‌निर अस्के, सोङ केवालोरा लेह्‌का मनमाटु. बाराह्‌क इतेके ओरु माक लोकुर ऊळिस मान ईयनुर इन्जि, पार्तनाताङ लोह्‌कने ओसो अग़िनाङ मूलानगा निचि, पार्तना कीयलाह ओरिह्‌क गिर्दा वास्ता. इह केंजाट, नना सेतेम वेहतह्‌नन, ओर तमा इनमतुन (इतेके सिरप लोकुराय मानतुन) पूरा दोर्किह कीतोरे.

मत्याल 6:5 Referans Kwoze

मत्याल 6:2

मन्कनेनाहि माकु मान-पान दोर्कना इन्जि, सोङ केवालोर पार्तनाताङ लोह्‌कने ओसो अग़िनगा सबेटोरिह्‌क दिसनाह, इद्रमता दर्मम कीस्तोर. इह केंजाट, नना सेतेम वेहतह्‌नन, ओरिह्‌क तमा इनम (सिरप लोकुराय मान) पूरा दोर्कतपे मन्ह्‌ता. मति मीट ओरा लेह्‌का सबेटोरिह्‌क दिसना इन्जि, डोल पासोरे दर्मम केमाटु.

लूकाल 18:13

“मति सिद्‌वा एनवाल मन्कल जेक नितोग़. ओन्क पोग़ोन ऊळलाह वने दीरा वावो. ओग़ तना पापमतुन आलिह कीसि, अर्युल पासोर इद्रम पार्तना कीतोग़, ‘ए देवुळबाबा! नना बेरा पापि मन्कनन आंदन. नावा पोग़ोन जीवा लोपा,’ इनजोर इतोग़.

मार्कल 11:25

ओसो बोग़ाय मीवा अडम कसुर कीताह्‌कु, ओना पोग़ोन मीवा जीवातगा विरुद मतेके, मीट पार्तना कीयलाह निच मनदह्‌पा, मुने ओन मापि कीम्ह्‌टु. अस्के मीवा देवुळदीपतोग़ बाबाल वने मीवा कसुरतुन मापि कीयनोग़.

लूकाल 20:47

ओसो वेर रांडे आस्किन नाळेह कीसि लूटे कीस्तोर. ओसो लोकुरिह्‌क दिसना इन्जि, वेल्‍लाय जोम पार्तना कीस्तोर. इद्रमतोर लोकुरिह्‌क मात्रम दुस्रोरिह्‌काय एक्‍वा सिक्सा देवुळि ईयग़ा,” इनजोर वेहतोग़.

याकुब 4:6

(बोग़ाय देवुळता विरुदतोग़ आतेक तेला, ओना पोग़ोन) देवुळ एक्‍वा दया तोहतह्‌ता. अदिनेनाह्‌क ताना सास्त्रमतगा इद्रम रासतद मन्ह्‌ता: नना बेरोनन इनवानु, देवुळि अडम मन्ह्‌ता, मति नना उड्लोनन इनवानु, देवुळि दया कीस्ता.

लूकाल 18:1

पया येसु तनाङ कग़यवालोरिन दिनम पार्तना कीसोर मनदना, ओसो अमेसा पार्तना कीयलाह बेस्केन आरेम आयना आयो इनजोर, उंद पीटो इद्रम वेहतोग़.

इपिसुसतोर 6:18

अद जीवा मीक ताकिह कीयना लेह्‌का, अमेसा सबे पोल्‍लोनेनाह्‌कु, पार्तना कीसि देवुळतुन वेहाटु. देवुळता मन्कलोर सबेटोरेनाह्‌क, आरेम आयवा पार्तना कीसोर मन्ह्‌टु.

लूकाल 11:43

“ओ परुसिरिर! मीक पका गोसा आयग़ा! बाराह्‌क इतेके पार्तनाताङ लोह्‌कनगा, बेरोर उदवालोराङ जागाङ पर्ह्‌किह्‌निर. ओसो बजरतगा लोकुर मीक जोहर कीयना, इद्रमताङ बेसु.

मत्याल 21:22

बेदिनाय मीट उन्क-मन्क आयवा, विस्वसते पार्तना कीस तान ताल्ह्‌कतेके, देवुळि मियेनाह्‌क अह कीयग़ाये,” इन्जि इतोग़.

1 तिसलुनितोर 5:17

दिनम पार्तना कीसोर मन्ह्‌टु.

योहन 16:24

मीट इंजेक आनाहि नावा पेदिर वेहचि बातय ताल्ह्‌कविर. ताल्ह्‌काटु, अस्के मीक दोर्कग़ा, दोर्किसि मीवा गिर्दा पूरा निंदग़ा.

मार्कल 12:38

अद्रमे येसु काग़्हनेके ओरिन इतोग़, “सास्त्रमगूरुरग्डाहि उसरते मन्ह्‌टु. ओर तमा बेरातनम तोहतलाहि लाट गेंदेङ केग़्स तिरियलाह विचर कीस्तोर. ओसो बजरतगा मनवालोर तम्क जोहर कीयिर इनजोर, विचर कीस्तोर.

मत्याल 9:38

अदिह्‌के पोलमता माल्काललेह्‌काडा देवुळि, लोकुरिन बेसता कबुर वेहचि, तनगा तवालोर बूतिनोरिन लोहि इन्जि, मीटु अर्ज कीसोर मन्ह्‌टु,” इन्जि येसु ओरिन वेहतोग़.

मत्याल 23:13

“ए सास्त्रमगूरुरिर ओसो परुसिरिर, मीट सोङ केवालोरिर! देवुळि मीक पका सिक्सा ईयग़ा! बाराह्‌क इतेके देवुळता राजेमतके वावालोरा अग़ मीट केहतह्‌निर. मीट कुद वने ओळियविर, ओसो ओळियवालोरिन वने दाया एविर.

मत्याल 23:6

वेरिह्‌क कुळ्पिनगा ओसो पार्तनाताङ लोह्‌कनगा, बेरोर उदवालोराङ जागाङ गावले.

मत्याल 6:16

“मीट बेस्के उपस कीय्ह्‌निर अस्के, सोङ केवालोरा लेह्‌का मीवा मोकम सोळसोळ आयमाकि. माट उपस कीसोर मह्‌नोम, इद्रम लोकुर ऊळिस माक मान ईयनुर इन्जि, ओरु तमाङ तोडिङ वाग़िह कीस्तोर. इह केंजाट, नना सेतेम वेहतह्‌नन, लोकुरा मान, अचोने ओरा इनम!

मत्याल 6:1

“मन्कलोर ऊळिस मीक मान ईयनुर, इद विचरते मीट मीवा दर्मम ओरा मुनेह केमाटु. कीतिर इतेके मीवा देवुळदीपतोग़ बाबानगा, मीकु बाताले इनम दोर्को आयग़ा, अदिह्‌के अह बेस्केन केमाटु.

मत्याल 23:5

“वेर तमाङ कतम कबस्किन लोकुर ऊळना इन्जि कीस्तोर. देवुळता पोल्‍लो रासिसि निहच तासतव ताय्तिङ बेराङ-बेराङ पंडिसि, वेरु तमाङ डंडाकय्कनगा ओसो कपरातगा दोहतह्‌तोर. ओसो तमाङ गेंदे-कोङिह्‌कु लाट-लाट लासाङ वेळ्हतह्‌तोर. लोकुर वेरिन पका कर्तुळ इनदना इन्जि वेर इह कीस्तोर.

लूकाल 6:24

येसु ओसो इद्रम इतोग़, “ए मता मन्कलोरिर! मीट देवुळता देय्वालेवोरिर! बाराह्‌क इतेके इद बूमतगा मीवा मालसोमता सुकम, अचोने मीक दोर्कग़ा!