मत्याल 6:28 - माडिया गोंड पवित्र सास्त्रम

²⁸ “अद्रमे मीटु गेंदेना लोप्पा बाराह्‌कु आलिह कीसोर मह्‌निर? इव सोबाताङ गेळापुंगेह्‌किन ऊळाट अले, अव बहु वलियताङ! नना मीक वेहतह्‌नन, अव कह्‌टेम केवोङ, नूदे गेंदेङ अर्होङ वने.

मत्याल 6:28 Referans Kwoze

मत्याल 6:25

“अदिह्‌के नना मीक वेहतह्‌नन इतेके, पिसमुळतेनाह्‌क माट बाताङ तिनदकोम, उनडकोम, ओसो मीवा मेंदुलतेनाह्‌कु माट बाताङ केग़यकोम इनजोरे, मीट आलिह कीसोर मनमाटु. मीवा जीवा सिरप तिनदलाहे, मेंदुल सिरप गेंदेङ केग़यलाहे मन्ह्‌ताया?

पिलिपितोर 4:6

बेदे पोल्‍लोतेनाह्‌क आलिह केमाटु, मति सबे पोल्‍लोनेनाह्‌क पार्तनाते देवुळतुन अर्जि कीस, मीवा गर्जतुन वेहाटु. देवुळि माक बेस ऊळिह्‌ता इनजोर, मीट तान जोहर कीसोर ताल्ह्‌काटु.

लूकाल 12:27

इव सोबाताङ गेळापुंगेह्‌किन ऊळाट अले, इव बह वलियिह्‌ताङ! नना मीक वेहतह्‌नन, इव कह्‌टेम केवोङ, नूदे गेंदेङ अर्होङ. तेला मति साल्मोन राजाल पका सोबाता राजजगा मलियतस्के वने, इव पुंगेह्‌कना सोबाता बराबर बेस्केन एव्वोग़!

मत्याल 6:31

अदिह्‌के बाताङ तिनदकोम, उनडकोम, केग़यकोम, इविना लोप्पा मीट आलिह कीसोर मनमाटु.

लूकाल 3:11

इतस्के, “बोनगा रेंड जगाङ मन्ह्‌ताङ, ओग़ उंद जगातुन जगालेवोन्क ईयेग़. बोनगा तिंड-बंड मन्ह्‌ता, ओग़ वने लेवोना संगे तूसिस तिनेग़,” इनजोर इतोग़.

मत्याल 10:10

अहे जोर्का कांजमाटु, रेंड-रेंड जगाङ, रेंड-रेंड एल्पुस्क, ओसो कयदे डुडि, इविन ओयमाटु. मीट देवुळताय बूततोरिर इतेके, लोकुर मीक दर्मम कीयना गावले.

मत्याल 6:27

तिनदना-उनडना, इविनलोप्पा आलिह कीसोरे मीवा पिसना-पिसवग़ता उंद पूटा वने मीट वीळिह कीया पग़विर. पग़यकिरा?

लूकाल 10:41

अस्के येसु तान इतोग़, “मार्ता, निमा वेल्‍लाङे पोल्‍लोना आल्सुळ कीसि, गाबर आय्ह्‌निन.

लूकाल 12:11

“ओसो बेस्के मीकु पार्तना कीयनाङ लोह्‌कनगाय, साय्बालोरगाय, मुक्यालोरगाय मीवा नेयम कीयलाह पोस ओयनुर, अस्के माट बाताल वळ्ह्‌ककोम इनजोर आलिह केमाटु.

लूकाल 12:22

पया येसु तनाङ कग़यवालोरिन इद्रम इतोग़: “नना मीक वेहतलाह आतन, मीट मीवा जीवाता सीता केमाटु. बाताङ तिनदकोम, बाताङ उहतकोम इनजोर, मेंदुस्कनाङ इव पोल्‍लोनेनाह्‌क मीट आल्समाटु.

1 पत्रु 5:7

देवुळिये मीकु सीता कीस्ता इनजोर, मीवा कतम आल्सुळतुन ताना कयदे विळ्सिसीम्ह्‌टु.