मत्याल 6:19 - माडिया गोंड पवित्र सास्त्रम

¹⁹ “मीटु मियेनाह्‌कु इद बूमते वेल्‍ला मालसोम गुम केमाटु. इगा एल्म तिन्ह्‌ता, सिलुम पोयह्‌ता, ओसो कलेर लोतुन विर्हचि कलिह्‌तोर.

मत्याल 6:19 Referans Kwoze

इब्रितोर 13:5

देवुळि कुदि इद्रम इता: “नना नीक बेस्केन विळ्सोन; नीक बेस्केन अय केवा मनोन,” इनजोर इता. अदिनेनाह्‌क मीट कोताना लालुसते मनमाट. मियगा बाताल मन्ह्‌ता, तानवटेन गिर्दाते मन्ह्‌टु.

लूकाल 12:21

इद्रमलेह्‌काने बोग़ाय मन्कल, देवुळतुन पेग़्के कीसि, तनेनाह्‌क मालसोम जमा कीस्तोग़, ओन्क अद्रमलेह्‌काने आयग़ा,” इनजोर येसु इतोग़.

लूकाल 18:22

ओना पोल्‍लोतुन केंजिसि येसु इतोग़, “(इंगो निटमे निमा उड्लग्डाहि अव अडोन माळसोर वातिन, मति) नियगा इंका ओसो उंद पोल्‍लोता कमि मन्ह्‌ता. अन! नियगा मनदनद सबे मालसोमतुन वमिसि, लेवोरिह्‌क तूसिसीम. अद्रम कीसि, निमा नावा संगे मन्जि नावाङ कग़या. अद्रम कीतिन इतेके, पोग़ोन देवुळता जागातगा नियेनाह्‌क निटमता मालसोम दोर्कग़ा,” इनजोर इतोग़.

1 तिमोति 6:17

इद दुनियातोर मता मन्कलोरिन इद्रम उकुम ईम: ओर पोग़यसोर तिरियमाकिर. कोताङ नेंड मन्ह्‌ताङ, नाळि मनोङ. अदिनेनाह्‌क कोताना पोग़ोन आसा तासमाकिर, मति देवुळता पोग़ोन आसा तासिर. माट सुकमते मनदलाहि, अदे माक सबे मादुन आलिस पिसनाह ईस्ता.

लूकाल 12:33

मीवा पूरा मालसोमतुन वमिसि, लेवोरिह्‌क ईसीम्ह्‌टु. ओसो बेस्केन पाळ्ना आयवद बट्वातुन दोर्किह कीम्ह्‌टु. अह कीतेके, बेस्केन मारवद मालसोम, देवुळदीपतगा जमा कीकिर. अगा कलेर एवया पग़वोर, ओसो एल्म वने बूळे कीया पग़वो.

लूकाल 18:24

ओग़ मेसेह्‌ने आतदिन ऊळिसि येसु इतोग़, “साव्कर लोकुर देवुळता राजेमतोर आयना इतेके, पका मुस्किल आस्ता.

मत्याल 19:21

“निमा पूराय तपवालेवा नेह्‌ना मनदकन इतेके अन, अन्जि नीवा मनदनद सबे मालसोमतुन वमिसि, लेवोरिह्‌क ईम. अद्रम कीसि, निमा नावा संगे मन्जि नावाङ कग़या. अद्रम कीतिन इतेके, पोग़ोन देवुळता जागातगा, नियेनाह्‌क निटमता मालसोम दोर्कग़ा,” इन्जि येसु ओन वेहतोग़.

मत्याल 6:20

मति इद बूमते मालसोम गुम केवा, देवुळतेनाह्‌कु इहे ताकना इन्जि, बेस्केन मारवद मालसोम मियेनाह्‌कु देवुळदीपते गुम आयग़ा. अगा एल्म तिनो, सिलुम पोयो, कलेर कलोर.

लूकाल 12:39

मति मीट उंद पोल्‍लोता सीता कीम्ह्‌टु: कले नग़्का बेचोह्‌पा लोतगा कललाह वायनोग़ इनजोर, लोतोग़ माल्काह्‌क एर्का मन्ज मतेके, माल्काल नग़्का केपिस मनेग़; ओसो कलेन लोता लोप्पा ओळियलाह वने, एवोग़ आवेग़.