मत्याल 5:6 - माडिया गोंड पवित्र सास्त्रम

⁶ “देवुळता सेतेमते ताकलाह बोरु उनडा वसतप अहे कग़्विह्‌क आतप मन्ह्‌तोर, ओर देवुळता देय्वातोर. देवुळि ओरिन पंजिह कीयग़ा.

मत्याल 5:6 Referans Kwoze

योहन 4:14

मति नना ईयनद एतुन बोर उनडनुर, ओरिह्‌क पया मुर्तिय एग़ उनडा वसो आयग़ा. नना ईयनद एग़ मात्रम, ओरा लोप्पा अमेसा पिसलाह ईयनदु, ऊता एग़लेह्‌का पोङग़ा,” इनजोर इतोग़.

योहन 6:27

अवयनद तिंडटा पेग़्के अनमाट, मति अमेसाता पिसमुळ ईयनद, बेस्केन अववदु तिंडटुन पर्ह्‌काटु. इद्रमता तिंडि माने-मन्कना नडुम पुटटोनन, नना मीक ईकन. बाराह्‌क इतेके अदिन ईयनद अदिकर नावा देवुळबाबाल नाक ईतोग़,” इनजोर इतोग़.

योहन 7:37

पंडुमता मारेंगा बेरा दियाते, येसु तेदिसि बेह्‌राङ वळ्ह्‌कतोग़, “बोरिह्‌क एग़ उनडा वसता, ओर नयगा वास उनिर.

तोहचीतव पोल्‍लोङ 7:16

राजकुर्सतगा मनदनद गोरेपिला, वेरिन अग़ तोहतग़ा; ओसो देवुळता पिसमुळ ईयनद एताङ कनिर्कनगा ओसीयग़ा; अदिनेनाह्‌क इंजेके वेरिह्‌क कग़्व वसो आयग़ा, एग़ उनडा वसो आयग़ा, एद दल्गो आयग़ा, कांका पोयो आयग़ा. देवुळि तनाय वेराङ सबे तिपल्किन जेक कीसि, वेराङ सबे कंड्रिन उम्चिसीयग़ा,” इनजोर इतोग़.

लूकाल 6:21

बोर इंजेक कग़्विह्‌क तिपलते मह्‌निर, मीट देवुळता देय्वातोरिर. देवुळि मीक पंजिह कीयग़ा. बोर इंजेके अळसोर कनिर पोहतह्‌निर, मीट देवुळता देय्वातोरिर. पेग़्के मीट गिर्दाते कवयकिर.

लूकाल 1:53

लेवोरिह्‌क बार बेसतल-बेसतल माल ईता, मता मन्कलोरिन बारा वेट्‍टाङ कय्क लोहचीता.

लूकाल 6:25

इंजेके तिंड-बंड मनवालोरिर! मीट देवुळता देय्वालेवोरिर, पेग़्के मीट कग़्वते मनदकिर. इंजेके कवयलाह आतोरिर! मीट देवुळता देय्वालेवोरिर, पेग़्के मीट आलिह कीस अळयकिर.