मत्याल 5:40 - माडिया गोंड पवित्र सास्त्रम

⁴⁰ बोग़ाय नीक कचिरतगा ओसि, नेयम देहवाना मुनेह नीवा केग़ता आङतुन ओयकन इनदनोग़, ओन्कु निमा नीवा केग़ता कोटजगातुन वने ओयलाह ईमु.

मत्याल 5:40 Referans Kwoze

लूकाल 6:29

बोग़ाय नीवा उंद बुकातुन चापुळ ईतेके, दुस्रा बुकातुन वने चापुळ ईयलाह मुनेह कीमु. ओसो बोग़ाय अग़-ओङते निमा पोग़ोट्क केग़तद कोटजगातुन तेंडिस ओतेके, ओन्क नीवा आङतुन वने ओयलाह ईमु.

1 कुरिंततोर 6:7

मीवा मुडगा बोग़ाय विस्वसि तना ऐंगेटोन पंचतगा ओयलाह आतोग़ इतेके, इद्रम देवुळता बद्‌नम कीसि, मीट अस्केन आरेम आतिरे! इद्रम कीयना बद्ला, नीवा ऐंगेटोग़ विस्वसि, नीक तिपल कीतदिन केमेन आपतेक वने नेका ओप्पालि. ओग़ नीक नाळेह कीतदिन, निमा मापि कीतेक वने नेका ओप्पालि.

मत्याल 5:39

नना मात्रम मीक वेहतह्‌नन, बोग़ नीक कोंटे कीस्तोग़, ओना अडम दायनायो. बोग़ाय नीवा तिनळ बुकातुन चापुळ ईतेके, दावळ बुकातुन वने चापुळ ईयलाह ईमु.

मत्याल 5:41

अद्रमे बोग़ सीपय नीक बीगर पोग़्सिह कीसि, वेळेटुन पोसि, दोबेङ-नूकेङ कीसोरे कोसमेंड ओतेके, ओना संगे निमा रेंड कोस्क जागा अनु.

1 कुरिंततोर 7:36

इंजेके बोग़ाय मन्कल तना जीवातगा इद्रम विचर केवेग़: नना मुदा कर्सा ईतद पिला मुवयलाह आता, तान्क इंजेके आळ इर्वुर आयनद विचर पुटटा. माट इर्वोम मर्मिङ कीयना गावले इनजोर, विचर केवेग़. अद्रमता विचर कीतेके, ओग़ तना विचर मतप मर्मिङ कीयना गावले. अद पापम आयो.