मत्याल 5:37 - माडिया गोंड पवित्र सास्त्रम

³⁷ इतेके मीवा वळ्ह्‌कमुळि इंगो इतेक इंगो, आयो इतेक आयो, कीयना मतेके इंगो कीकन इनु, कीयना लेवेक इसि केवोन इनु, इचोने मनदना गावले. इविस्किह्‌क वीळिस एक्‍वा पोल्‍लोङ (किरियाङ-कोस्क, ओतना) देयह्‌कनाङ आस्ताङ.

मत्याल 5:37 Referans Kwoze

याकुब 5:12

मति मावोरिर! सबेट्क बेरा पोल्‍लो इद आंदु इतेके, मीट बेस्केन किरिया ओतनाय आयो. अद देवुळदीपता वने आयो, इद बूमता वने आयो, ओसो दुस्रा बेदे रीतता किरिया केमाटु. मीवा वळ्ह्‌कमुळि इंगो इतेके इंगो, आयो इतेके आयो इन्ह्‌टु. इद्रम कीतिर इतेके, देवुळ मीवा पोग़ोन कसुर वाटो आयग़ा.

कुलुसितोर 4:6

मीवा तोडटाङ पोल्‍लोङ अमेसा गूनमताङ, लोकुरिह्‌क विचर वायनव मनिङ. अस्के मीक रीतरीतिनाङ पोल्‍लोङ ताल्ह्‌कवालोरिन, बराबर पोल्‍लोङ मल्हता पग़यकिर.

कुलुसितोर 3:9

अहे ओर्विह्‌क-ओर्वोग़ जोल वळ्ह्‌कमाटु. बाराह्‌क इतेके मीट किर्स्तुनगा वातस्के, मीवा पाळ्ना बुदतुनु, ओसो तानाङ लाग्वाङ कबस्किनु, कतम पोहतिर.

योहन 8:44

मीट देयह्‌कना मुक्यानाङे मग़्कनिर! अदिह्‌के तानाङे लाग्वाङ कबस्क मीट कीयलाह ऊळिह्‌निर. अद मुनेताहि मन्कन हव्के आंदु. ओसो तानगा बातय सेतेम इले, अदिह्‌क अद बेस्केन सेतेमतुन पोस मनो. ताना बुदिय जोल वळ्ह्‌कनद आंदु, बाराह्‌क इतेके अद जोलहाल ओसो जोलतुन पुटिह कीयनद आंदु.

इपिसुसतोर 4:25

इंजेके पूनोर मन्कलोर आताह्‌कु, इद्रमलेह्‌का मन्ह्‌टु: माट उंदिय मेंदुलतोरल मह्‌नल, अदिनेनाह्‌क जोल वळ्ह्‌कनदिन विळ्सिसि, ओर्विह्‌क-ओर्वोना संगे सेतेम वळ्ह्‌काटु.

2 तिसलुनितोर 3:3

मति सामि किर्स्तु सेतेमतोग़ आंदोग़. ओग़ मीक मेग़्किह कीयनोग़, ओसो देयह्‌कना मुक्याल मियगा वावाह, मीक राका कीयनोग़.

मत्याल 13:19

अद विजा इतेके देवुळ राजेम कीयना लोप्पाडा बेसता कबुरि. इद कबुरतुन बोग़ केंजिह्‌तोग़, मति ओन्क तेळियो आस्ता, ओना जीवातगा वीततद विजातुनु, देयह्‌कना मुक्याल वासि ऊंदिस ओस्ता. इद्रमतोर लोकुर विजा अरतद अग़दा जागालेह्‌का आस्तोर.

मत्याल 13:38

पोलमि, इद बारा दुनिया आंदु. बेसता विजा, इद बारा देवुळतुन मावा राजाल इन्जि नमवालोरु. अकलतुन वीतवाल इतेके, अदे देयह्‌कना मुक्याल आंदु. अकल रोंडा, इद बारा तानाङ केंजवालोरु. पंटा कोयना वेला, इद बारा बूम मारनद आक्रि वेला, अस्केने देवुळ कतमतोरा नेयम कीयग़ा. ओसो कोयवालोर इतेके देवतुल्क आंदुङ.

1 योहन 5:18

बोरु देवुळताङ मग़्क-मयास्‍क आस्तोर, ओर पापम कीसोर मनोर इनजोर, माक एर्काय मन्ह्‌ता. देवुळता मग़ि येसुसामि ओरिन ऊळेवाळे कीस्तोग़, देयह्‌कना मुक्याल ओरिन बोय पग़वो.

मत्याल 6:13

ओसो कंदाता वेलाते माक पापमते अर्हमा, मति माक देयह्‌कना मुक्यानाहि पिसिह कीमु. [राजेमि, लावु, डीसाङ इव अमेसाताङ नीवाङे मन्ह्‌ताङ. माट ताल्ह्‌कतप आयि.]”

1 योहन 2:13

ए पाळ्नोर विस्वसिरिर, बूम पुटवग्डाह मनवाल येसु किर्स्तुनु, मीट पुतिर इन्जि, मीक रासलाह आतन. ए पूनोर विस्वसिरिर, मीट देयह्‌कना मुक्यान आरे कीतिर इन्जि, मीक रासलाह आतन.

1 योहन 3:12

मीट काय्नुना लेह्‌का मनमाटु. ओग़ देयह्‌कना लेह्‌का, लाग्वा बुदतोग़ मतोग़; ओसो तना तमिन हव्कतोग़. बाराह्‌क हव्कतोग़? बह इतेके तनाङ कबस्क लाग्वाङ मताङ, मति तना तमिनाङ कबस्क बार सेतेमताङ मताङ, अदिनेनाह्‌क तनतमिन हव्कतोग़.

योहन 17:15

निमा वेरिन इद बूमताहि पेहचीम इनजोर ताल्ह्‌कोन. मति वेर इद बूमते मनेके, देयह्‌कना मुक्यानग्डाहि वेरिन पिसिह कीम इन्जि, नना नीक ताल्ह्‌किह्‌नन.

मत्याल 15:19

बाराह्‌क इतेके, वायनवु लाग्वाङ विचर्कु, हव्कनदु, सिंड्रि-पोह्‌डेङ कीयनदु, कले कबळ, जोल बयन ईयनदु, वह्‌चळि, इवे पोटालोप्पाडाहि पलत पेसनव आंदुङ.

मत्याल 5:36

किरिया इनजोरे तलातुन बह इटमा, बाराह्‌क इतेके निमा उंदाय नीवा तलाता केदुन पिळ्से केलु, कार्यल केलु कीयाय पग़विन, सबे देवुळताये कयदे मन्ह्‌ता.

इपिसुसतोर 6:16

तम्क राका कीयलाहि सीपय्क बेरा डालि पोयह्‌तोर, अद्रमलेह्‌कान मीट विस्वसतुन पोस मन्ह्‌टु. देयह्‌कना मुक्यानाङ किसताङ कानिनलेह्‌काडाङ आय्डानाहि, मीवा विस्वसिये मीक राका कीस्ता.