मत्याल 5:25 - माडिया गोंड पवित्र सास्त्रम

²⁵ “निमा नीक कसुर ओपवाल बार नेयम केवानके अनेकेन, अस्केने ओना ओङतुन रेहतलाहि, ओग़ बाताल ताल्ह्‌कनोग़, आतल कीम. अह केविन इतेके, ओग़ कसुर ओपवाल नीक नेयम केवाना कयदे ईयनोग़, वेग़ पया नीकु पोलिसना कयदे ईयनोग़, अहे निमा जेललोप्पा दाकिन.

मत्याल 5:25 Referans Kwoze

इब्रितोर 3:13

देवुळता सास्त्रमतगा, “नेंडु” इनजोर रासिस मन्ह्‌ता. उंद-उंद दिया वायह्‌पा, तान “नेंड” इह्‌नल. अदिनेनाह्‌क पापमि मीवा विचरतुन नाळेह कीसि, गद्रम कीयनद आयो इन्जि, दिनम मीट ओर्विह्‌क-ओर्वोग़ दीरा ईसोर मन्ह्‌टु.

इब्रितोर 3:7

अदिनेनाह्‌क देवुळता जीवा इतद पोल्‍लो, देवुळता सास्त्रमतगा इद्रम रासिस मन्ह्‌ता: नेंड देवुळि वेहतनदिन केंजतेक अचोन,

इब्रितोर 12:17

ताना पेग़्के बह आता, अदिन मीट इतेक पुतिरे: तना तपे तन्क बर्कत ईयेग़ इनजोर, ओनगा अतोग़; मति तना तपे (वीस्रा पेकाह्‌क बर्कत ईस मताह्‌कु,) माळा पेकाह्‌क ईया पग़वोग़. एसाल पकाय अळ्स ऊळतोग़, मति तना चुकतदिन मिळ्हतलाहि, ओन्क अग़ दोर्को.

2 कुरिंततोर 6:2

देवुळता सास्त्रमतगा अद तना वेहतद पोल्‍लो इद्रम रासतद मन्ह्‌ता: “ओप्पनद कगोते नना मीवाङ केंजतन, मीक पिसिह कीयनद दियाते, नना साय्ता कीयलाह वातन,” इनजोर इता, इदिन सीता कीम्ह्‌टु. नना मीक वेहतलाह आतन, देवुळता ओप्पनद कगो इदे आंदु. अद पिसिह कीयनद दिया इदे आंदु.

मत्याल 26:58

मति पत्रु इतेके, मोदुल पेर्माना रेसातग एवनाहि, मुडा पयाह पयाह ओर्ङसोर अतोग़. पया बह बह आयग़ा इन्जि ऊळलाह, रेसालोप्पा अन्जि पह्‌रातोरा संगे उदतोग़.

लूकाल 18:3

अदे नाटेनगा उंदि रांडे आंचाळ मता. अद ओनगा दिनमे वासि, ‘गाय्ता, नावा विरुदतोना संगे मनदनद कट्लातुन, नेयम कीसि देहचीम,’ इनजोर वेहन्दु.