मत्याल 5:16 - माडिया गोंड पवित्र सास्त्रम

¹⁶ इद्रमलेह्‌का मीवाङ सेतेम कबस्क लोकुरा मुनेह वेह्‌चलेह्‌का दिसिङ. अस्के ओर अव कबस्किन ऊळिसि, देवुळदीपते मनवाल मीवा बाबान मान ईयनुर.

मत्याल 5:16 Referans Kwoze

1 पत्रु 2:12

देवुळतुन पुनवोरा नडुम मनदह्‌पा, मीटु कसुरलेवपु असल मन्ह्‌टु. ओर मीकु “वेर लाग्वोरे!” इन्जि कसुर तोहतेकाय, मीवा असलता ताकमुळतुन ऊळनुर. ऊळिसि पया पेग़्के ओर इंका देवुळता मोकम ऊळनद दियाते, देवुळतुनु मान ईयनुर.

तीतुस 2:7

सबे पोल्‍लोने मन्कलोर नीक ऊळिस कग़यना लेह्‌का, निमाये बेसताङ कबस्क कीस तोहा. मावा लोप्पा बेदे लाग्वा पोल्‍लो वळ्ह्‌क पग़वाह, नीक विरुद केवालोर मन्कलोरिह्‌क लजा वायना लेह्‌का, जोल इनजोर वेहता पग़वपे, निमा सेतेमते काग़्हा. मन्कलोर नीवा पोल्‍लोतुन केंजना लेह्‌का बेस काग़्हा.

योहन 15:8

मीट पका आदिसि, येसुनाङ कग़यवालोरोम इन्जि तोहतकिर अस्के, इवटे नावा बाबाना मान आयग़ा.

इपिसुसतोर 5:8

मुने मीट ईकळते मतप लेह्‌का ताकिंदिर, मति इंजेके मीट सामिना लोकुरिर आताह्‌कु, देवुळता वेह्‌च मियगा मन्ह्‌ता. अदिनेनाह्‌क वेह्‌चतगा मनवालोरा लेह्‌कान ताकाटु.

1 पत्रु 3:16

मति ओरिह्‌क गूनमते, उड्ला पोल्‍लोते वेहाटु. मीवा कसुर तोहतलाह, बातय दोर्कवप मन्ह्‌टु. अस्के बोर मीकु अडम वळ्ह्‌किह्‌तोर, ओर इंका मीटु किर्स्तुना लोकुर आताह्‌कु असल ताकिह्‌निर, तेन ऊळिसि पया तमाय लजा आयनुर, (लजा आसि तमाङ तोडिन मुचनुर).

1 पत्रु 4:14

मीटु किर्स्तुना लोकुरिर मताह्‌कु, बोग़ाय मीवा मोकम एग़ रेहतेके, मीट देय्वातोरिरे. बाराह्‌क इतेके, मीवा पोग़ोन देवुळता जीवाता दळ्म मन्ह्‌ता, अद मीकु देवुळता डीसा तोहतग़ा.

1 पत्रु 2:9

मति मीटु अद्रमतोरिर आयविर. मीटु देवुळ आचतोरिर येसुराजानाङ बूमयालोरिर, मीट पवित्र आयना इन्जि वेगुर आतोरिर, ओसो देवुळताये लोकुरिर. बेद देवुळि मीकु ईकळताहि केयिसि, बेस्केन ऊळवद वेह्‌चते तता, अदे देवुळताङ असलताङ कबस्किन, दुस्रोरिह्‌क मीट वेहतकिर इन्जिये, (अद मीकु इचोन कदर ईस तासता).

तीतुस 3:14

इद्रमलेह्‌का मावोर विस्वसिर बाताले कबळतुह्‌क अरवा मनदनद आयो. पका गर्ज मता मन्कलोरा गर्जतुन निहतलाह, बेसताङ कबस्क कीयलाह कग़यसोर मनिर.

1 तिमोति 6:18

मता मन्कलोर बेसताङ कबस्क कीसोर मनिर. (कोताने मता मन्कल आयना लेह्‌का,) बेसताङ कबस्कने मता मन्कलोर आयिर, चिव्टम आयमाकिर. बेदाय मादुन दुस्रोरिह्‌क तूसिसीयिर.(तिमोति! इद्रम मनदलाहि, ओरिन उकुम ईम.)

2 कुरिंततोर 9:13

मीट इद सेवा कीसि, निटम मीट विस्वसिरिर इनजोर, देवुळता मन्कलोरिह्‌क तोहतिर. कुरिंत सहरतोर विस्वसिर, किर्स्तुना बेसता कबुरतुन नमवालोरोम इतोर. अहे अद कबुरतुन केंजिसि, माकु ओसो दुस्रोर विस्वसिरिह्‌क, चिव्टम आयवा कोताङ अर्हचीतोर इनजोर, ओर देवुळतुन जोहर कीयनुर.

इपिसुसतोर 2:10

निटमे देवुळिये माक किर्स्तु येसुना संगे जोळे कीसि, माक पूना पुटमुळ, पूना जीवा ईता. किर्स्तुना संगे जोळेम आसि, माट बेसताङ कबस्क कीसोर ताकना इनजोर, ताना विचर मता. अव कबस्किन अद मुनेन तयर कीता.

इब्रितोर 10:24

ओर्विह्‌क-ओर्वोग़ जीवा कीयलाहि, बेसताङ कबस्क कीसीयलाहि, ओर्विह्‌क-ओर्वोग़ बेद्रम दीरा ईकल इनजोर, विचर कीस ऊळिङ, ओसो अद्रमलेह्‌काने कीयिङ.

1 पत्रु 4:11

बोन्क देवुळता पोल्‍लो वेहतलाह बुद दोर्कता, ओग़ु सेतेमते देवुळताङ पोल्‍लोनु कुद देवुळिये वेहतपु, अद्रम वेहतना. बोन्क साय्ता कीयलाह बुद दोर्कता, ओग़ु देवुळ ईतद लावते, दुस्रोरिह्‌क साय्ता कीयना. अस्के वेरु येसु किर्स्तुनाये लोकुर इन्जि, दुनियातोर देवुळबाबाह्‌कु मान ईयनुर. सबे मान, डीसा, राजेम अमेसा अमेसात्कु सिरप ओन्के आयि! अहे आयि!

1 पत्रु 3:1

अद्रमे मर्मिङ आताङ आस्कनिर, मीट मीवाङ मुजोरा पोल्‍लोते वग़्ङिस मन्ह्‌टु. ओरु विस्वसते वावेकाय, येसुनगा वायु इनजोर माट वेहवाये, मावा असलता ताकमुळतुन ऊळिस तेला, मावाङ मुजोर विस्वसते वायनुर इन्जि, मीट ओरा पोल्‍लोते वग़्ङिस मन्ह्‌टु.

बळयिर 9:36

अद्रमे पया सारोन एरियाता यापा नाटेनगा, उंदि विस्वसि आंचाळ मता. ताना पेदिर तबिताल आंदु, तान दोरकास वने इंदुर. अद आंचाळि नाटेनगा आस्क-कोय्तोरिह्‌क अमेसा बेसताङ कबस्क कीसि ईंदु, लेवोरिह्‌क दर्मम कींदु.

1 तिमोति 5:25

ओसो अद्रमलेह्‌काने वेल्‍लाटोराङ बेसताङ कबस्क वने, दुस्रोरिह्‌क पोळ्क्ने दिसिह्‌ताङ, दिसवेक तेला पया पेग़्के लोकुरिह्‌क एर्का आयनुङ.

मत्याल 5:45

बाराह्‌क इतेके मीवा देवुळबाबाल तना पोळ्‍द पेहचि, नेह्‌नोरिह्‌क, लाग्वोरिह्‌क, सबेटोरिह्‌क वेह्‌च ईस्तोग़. अहे सेतेमतोरिह्‌क, पापमतोरिह्‌क, तना पेग़ अर्ह्‌चीस्तोग़. अद्रमलेह्‌का मीट वने ओना लेह्‌का, मीवा कोटुलतोरिन जीवा कीतेके, मीवा पोग़ोटोग़ बाबानाङ मग़्क-मयास्‍क आय्ह्‌निर इन्जि, सबेटोरिह्‌क दिसकिर.

तीतुस 2:14

मुने माट देवुळता अडोतुन पास्कनव कबस्क कीसोर मतल. मति अव कबस्कनाहि, किर्स्तु माक विळ्सिह कीतोग़. अह कीसि, माक तना मन्कलोर कीयलाह, एडिह कीतोग़. कीसि माक बेसताङ कबस्कने गिर्दा आयवालोर कीयलाहि, किर्स्तु मावासाटि तनाय विचरते, तना जीवा ईतोग़.

1 तिमोति 5:10

ओसो, बेद्रमतविस्कनाङ पेदिर्क रासना इनजोर वेहतह्‌नन: बेसता कबळ कीस्ता इनजोर दुस्रोर वळ्ह्‌कनदु, पिलाङ-पेकोरिन अय कीतदु, दुस्रोरिन लोन केयिस जावा-एग़ ईतदु, देवुळता मन्कलोरिन ओर्युलतदिना लेह्‌का सेवा कीतदु, तिपलते मतोरिह्‌क तोळ आतदु, बेसताङ कबस्क कीयना विचरते मतदु, इद्रमता आंचाना पेदिरतुने रासनदु.

1 तिमोति 2:10

अद्रम मलियवा, माट देवुळतुन नमिस ताकनविस्कनोम इन्जि, अवु नेह्‌नाङ कबस्क कीयनदु. इद्रमतेने अविस्किह्‌क सोबा आयग़ा.

गलातितोर 1:24

केंजिसि, नावा साक्सितुह्‌क देवुळतुन जोहर कींदुर.

तीतुस 3:4

मति देवुळि तना मग़िन लोहचि, मन्कन बेचोन जीवा कीस्ता इन्जि, तना गूनम तोहचीता. ओसो माक पिसिह कीता. माट बेसताङ कबस्क कीतल इनजोर, माक पिसिह केवो; मति माक ऊळिस, तनाय दयाते पिसिह कीता. पापम एडनाह मावा जीवातुन नोग़ता, ओसो तना पवित्र जीवाते मावा जीवातुन पूना कीसि, माक पूना पुटमुळ ईता.

1 कुरिंततोर 14:25

ओना पोटालोप्पाडाङ मकिह कीतव पोल्‍लोङ पङ्ने आयनुङ. पया ओग़ दंडुम अर्सि, देवुळतुन मोळ्कनोग़, ओसो निटम देवुळि मीवा नडुम मन्ह्‌ता इनजोर, मीक इनदनोग़.(इद्रमलेह्‌का मीट तेळियतद बासाते वळ्ह्‌कतेके, मीट विस्वसिरिह्‌क देवुळता पिसिह कीयनद सीना ऊळलाह दोर्किह्‌ता.)

लूकाल 11:2

अस्के येसु ओरिन इतोग़, “मीट पार्तना कीयह्‌पा, इद्रम वळ्ह्‌काटु: ‘जोहर सामि, देवुळबाबानिन, सबेटोर नीवा पेदिरतुन मान ईयिर. इद बूमते नीवा राजेम निल्पिह कीमु.

मत्याल 9:8

देवुळि मन्कह्‌क इचोटा बेरा अदिकर ईता, तेन ऊळिसि अगा मतोर लोकुर, देवुळतुन रेयिसि तान जोहर कीतोर.

मत्याल 23:5

“वेर तमाङ कतम कबस्किन लोकुर ऊळना इन्जि कीस्तोर. देवुळता पोल्‍लो रासिसि निहच तासतव ताय्तिङ बेराङ-बेराङ पंडिसि, वेरु तमाङ डंडाकय्कनगा ओसो कपरातगा दोहतह्‌तोर. ओसो तमाङ गेंदे-कोङिह्‌कु लाट-लाट लासाङ वेळ्हतह्‌तोर. लोकुर वेरिन पका कर्तुळ इनदना इन्जि वेर इह कीस्तोर.

मत्याल 6:16

“मीट बेस्के उपस कीय्ह्‌निर अस्के, सोङ केवालोरा लेह्‌का मीवा मोकम सोळसोळ आयमाकि. माट उपस कीसोर मह्‌नोम, इद्रम लोकुर ऊळिस माक मान ईयनुर इन्जि, ओरु तमाङ तोडिङ वाग़िह कीस्तोर. इह केंजाट, नना सेतेम वेहतह्‌नन, लोकुरा मान, अचोने ओरा इनम!

मत्याल 23:9

अद्रमे इद बूमते बोने मीटु ‘बाबा’ इन्जि मान एमाटु, बाराह्‌क इतेके देवुळदीपते मनवाल मीवा बाबाल, ओन्के इद्रमता मान ईयनद ओप्पिह्‌ता.

मत्याल 6:9

अदिनेनाह्‌क देवुळता संगे बाताङ वळ्ह्‌कनवु, अविन मोदुल कीसि मीकु पुन्पिह कीसीय्ह्‌नन, अव इहलेह्‌का मन्ह्‌ताङ: जोहर सामि, मावा देवुळदीपतोग़ बाबानिन, सबेटोर नीवा पेदिरतुन मान ईयिर.