मत्याल 5:11 - माडिया गोंड पवित्र सास्त्रम

¹¹ “नावा पेदिर मीक अरताह्‌कु लोकुर बेस्के मीकु पास्कनुर, तिपल कीयनुर, अहे मीवा अडम मताङ-लेवाङ जोल कूदिङ वळ्ह्‌कनुर, अस्के मीट देवुळता देय्वातोरिर.

मत्याल 5:11 Referans Kwoze

1 पत्रु 4:14

मीटु किर्स्तुना लोकुरिर मताह्‌कु, बोग़ाय मीवा मोकम एग़ रेहतेके, मीट देय्वातोरिरे. बाराह्‌क इतेके, मीवा पोग़ोन देवुळता जीवाता दळ्म मन्ह्‌ता, अद मीकु देवुळता डीसा तोहतग़ा.

लूकाल 21:17

मीट नाक विस्वस कीतिर, अदिनेनाह्‌क सबेटोर मीक विरुद कीयनुर.

मार्कल 13:13

ओसो मीट नाक नमवालोरिर आताह्‌कु, दुनियातोर मीक कोटुल कीयनुर. मति आक्रि एवनाह बोर दीरा पोस मन्ह्‌तोर, देवुळि ओरिने पिसिह कीयग़ा.”

मत्याल 24:9

“अद तूकने मीवाङ कोंटेतोर मीक जेलते वाटनुर, तिपल कीयनुर, हव्कनुर वने. मीट नाक नमवालोरिर आताह्‌कु, सबे जातिनोर मीक कोंटेङ कीयनुर.

लूकाल 6:22

“माने-मन्कना नडुम पुटटोनाङ मीट कग़यवालोरिर मनाह्‌कु, लोकुर मीकु कोंटे कीयनुर, मीकु पूंडिस ईयनुर, मीकु पास्कनुर, मीक लागोर इनजोर मीवा कदर रेहतनुर, अस्के मीट देवुळता देय्वातोरिर.

1 पत्रु 2:23

ओना मोकम एग़ रेहतोर, मति ओग़ु कोदा पोसि बोनाय मोकम एग़ रेहोग़. बेचोन तिपल अर्स तेला, नाक अह कीय्ह्‌निर मति ऊळाट इन्जि, मुर्तिय दगाङ एवोग़. मति सेतेमते नेयम कीयनद देवुळतुन नमिसि, ताना कयदे तन्क विळ्सिसीतोग़.

योहन 15:21

नाक लोहतोग़ बाबान वेर पुनवाह्‌कु, मीट नावाङ कग़यवालोरिर इन्जि, मीकु इद्रमताङ तिपल्क ईयनुर.

मत्याल 10:22

ओसो मीट नाक नमवालोरिर आताह्‌कु, दुनियातोर मीकु कोटुल कीयनुर. मति आक्रि एवनाह बोर दीरा पोस मन्ह्‌तोर, ओरिन देवुळि पिसिह कीयग़ा.

मत्याल 10:39

बोर इंजेके तमा कुदता जीवातुन पिसिह कीयलाहि ऊळिह्‌तोर, ओर आक्रिते बूळेम आयनुर. मति बोर नयेनाह्‌कु सबे पोहतह्‌तोर, ओरिह्‌क देवुळि पूना जीवा ईयग़ा.

तोहचीतव पोल्‍लोङ 2:3

नाक नमताह्‌कु पकाय तिपल आतिर, तेला मति अद तिपलते दीरा पोस मह्‌निर, आरेम आयविर. नना इव सबे पोल्‍लोन पुतन.

मत्याल 19:29

ओसो बोर नयेनाह्‌क तमा लोन-दुवरतुन, दादाल-तमोनु, एलाळ-बायिनु, तलोग़-तपेनु, पिलाङ-पेकोरिन, जागा-बूमतुन, कतम विळ्सिह्‌तोर, ओरिह्‌कु देवुळि लेकालेवा सम्सरम ईयग़ा, अचोने आयो मति ओसो अमेसाता पिसमुळ वने ईयग़ा.

2 कुरिंततोर 4:11

निटमे माट जीवात मनाह्‌जोम, येसुनेनाह्‌कु अमेसा हामुरता दोकाते अरयह्‌नोम. ओना जीवा मावाङ रेंड दियानाङ मेंदुस्कनगा मन्जि, माक पिसिह कीस्ता इनजोर, मन्कलोर ऊळना इन्जि, माट दोकाते अरयह्‌नोम.

1 कुरिंततोर 4:10

किर्स्तुना सेवा कीयनाह्‌कु, वेल्‍लाटोर माक बुदलेवोर इनजोर इन्ह्‌तोर. मीट बार पका बुदतोर किर्स्तुनोरोम इनजोर इह्‌निर! मीवा पका अदिकर ताकिह्‌ता, लोकुर मीक मान ईस्तोर. माट बारा उड्लोर मन्कलोरा लेह्‌कान आतोम, माक बातय मान दोर्को!

लूकाल 21:12

“इव पूरा पोल्‍लोङ आयनामुने, मीट नाक विस्वस कीतेनाह्‌क, लोकुर मीकु पोस पका तिपल कीयनुर. यहुदिराङ पार्तना कीयनव लोह्‌कनगा पोस ओयनुर, जेलते वाटनुर. ओसो बोर बोर मीकु राजालोरगा, गुमसिरगा ओयनुर.

लूकाल 9:24

बोर इद बूमते तमा कुदता जीवातुन पिसिह कीयलाह ऊळिह्‌तोर, ओर आक्रिते बूळेम आयनुर. मति बोर बार नयेनाह्‌कु सबे पोहतह्‌तोर, ओरिह्‌क देवुळि पूना जीवा ईयग़ा.

मार्कल 8:35

बोग़ इद बूमते तना कुदता जीवातुन पिसिह कीयलाह ऊळिह्‌तोग़, ओग़ आक्रिते बूळेम आयनोग़. मति बोग़ नावा बेसता कबुरतुन पोकुर कीयलाह सबे पोहतह्‌तोग़, ओन्क देवुळि पूना जीवा ईयग़ा.

मत्याल 10:25

आयो, कग़यवाल गूरुनलेह्‌का ओसो ओर्युलतोग़ माल्कानलेह्‌का आयना, इचोने ओन्क बेसु. नना लोता माल्कानन मन्ज तेला, नाके ओर देयह्‌कना मुक्याल इन्ह्‌तोर; मीट इतेके लोता मन्कलोरिर इन्जि, मीक बेचोन वीळिस तिपल कीयनुर, इदिन सीताते तासाटु!

बळयिर 9:16

नयेनाह्‌क ओन्क बेचोन तिपल एता पोयग़ा इन्जि, नना ओन तोहतकन,” इनजोर येसु इतोग़.

मार्कल 13:9

मीट उसरते मन्ह्‌टु. बह इतेके लोकुर मीक कोरोट-कचिर्कनगा ओसीयनुर, तमाङ पार्तनाताङ लोह्‌कने मीक नल्हतनुर. ओसो मीट नाक विस्वस कीतेनाह्‌क, मीकु गुमसिरगा, राजालोरगा ओयनुर. अस्के मीट ओरा मुनेह नावा पोल्‍लोता साक्सि वेहतकिर.

मत्याल 27:39

पया ओना एरेटुह्‌क अग़ पोस अनवालोर, तलाङ ओलिह कीसोरे माग़सोरे, ओन इहलेह्‌का उस्किस-पास्किस वळ्ह्‌किंदुर, “मंदिरतुन विर्हचि ओसो मूंड दियाने दोहवानिन निमानेया? अह इतेके निमा नीवाय जीवातुन पिसिह कीमे! निमा देवुळता मग़निन इतेके, इद हव्कनागुटातग्डाहि नेल रेगा!” इनजोर ओन पास्कतोर.

मार्कल 4:17

मति अद पोल्‍लो ओरा जीवातगा गडवाह्‌कु, गळ्के विस्वस कीस्तोर. पया देवुळता पोल्‍लोतुन नमताह्‌क, ओरिह्‌क अड्सन्काय, तिपल्काय वातेके, चट्‌नेन विस्वसतुन विळ्सिह्‌तोर.

मत्याल 10:18

ओसो नाक नमताह्‌कु, मीकु सर्करता मुनेह, अहे राजालोरा मुनेह, निल्पिह कीयनुर. अस्के मीटु ओरिह्‌कु, ओसो यहुदि आयवोर दुस्राङ जातिनोरिह्‌कु, नावा लोप्पा साक्सि वेहतकिर.

योहन 9:28

अस्के ओर ओन सेरसेर वळ्ह्‌कतोर, “निमाने ओनाङ कग़यवानिन! माट इतेके मोसानाङ अडोङ नोमवालोरोम आंदोम, पुतिन!

पिलिपितोर 1:29

बह इतेके देवुळि मीक देय्वा ईता, सिरप किर्स्तुन विस्वस कीयलाहिये आयो, मति ओनेनाह्‌क तिपल आयलाह वने देय्वा ईता.