मत्याल 4:8 - माडिया गोंड पवित्र सास्त्रम

⁸ ताना पया देयह्‌कना मुक्याल येसुनु उंद पका बेरा मेटाकोकतगा ओता, ओसि ओन्कु दुनियाताङ सबे राजेह्‌क, ओसो अविस्कना सोबातुन तोहता.

मत्याल 4:8 Referans Kwoze

मत्याल 16:26

मन्कल पूरा दुनियातुन गेल्सतोग़ तेला मति, तना कुदता जीवातुन पिववद किसबटटगा लेसिह कीतोग़ इतेके, ओन्क बाताल पाय्दा आयग़ा? नीवा जीवा लेसता इतेके, ताना बद्लातुह्‌क बातय ईया पग़विन!

तोहचीतव पोल्‍लोङ 11:15

पया एळुङ मल्काता देवतुलि अकुम ऊरता. अस्के देवुळदीपतगा वेल्‍लाङे लेङिङ जोरते पेसताङ. अव इद्रम इताङ, “दुनियाता राजेम पूरा मावा देवुळता, ओसो अद आचतोग़ पिसिह केवाल राजाना आता. इंजेके अद अमेसा-अमेसातुह्‌क राजेम ताकिह कीस्ता,” इनजोर इताङ.

1 पत्रु 1:24

इदिन माट पुह्‌नल बाराह्‌क इतेके देवुळता कबुरतोग़ ओर्वोग़ वेहतोग़: माने-मन्कलोर रोंडाये ओरा डीसा पुंगेह्‌के. रोंडा इंका वतिह्‌ता पुंगेह्‌क इंका रालिह्‌ताङ, मति देवुळता पोल्‍लो अमेसा-अमेसातुह्‌क मन्ह्‌ता! अदे मीटु केंजतदु येसुना लोप्पा बेसता कबुरि. अहे, इंगो!

मत्याल 4:5

पया देयह्‌कना मुक्याल ओनु पवित्र सहरतगा (इतेके येरुसलेमतगा) ओसि मंदिरता कुपोटगा ओन निल्पिह कीस इता, “निमा देवुळता मग़नन इनजोर इह्‌निन इतेके, इळ्न डेया! नीक बाराय आयो आयग़ा, बाराह्‌क इतेके: नीक काप आडना इन्जि, देवुळि तनाङ देवतुल्किन लोहतग़ा. नीवाङ काल्क चेट पेह्‌चनायो इन्जि, अव नीकु पोग़ोन तमाङ कय्कने एतनुङ, इद्रम सास्त्रम वेहतह्‌ता,” इनजोर देयह्‌कना मुक्याल इता.

योहन 5:20

नावा बाबाल नाक जीवा कीसि, तनाङ कीयनव सबे कबस्किन नाक तोहतह्‌तोग़. मीट बामना इनजोरे, नना कीतव इविस्किह्‌काय बेह्‌राङ कबस्क कीसि नाक तोहतनोग़.