मत्याल 4:25 - माडिया गोंड पवित्र सास्त्रम

²⁵ पया गालिल, दाकपालिस, यहुदा, योर्दन बेरेटा अबरता बूमि, इव पटिनाहि, अहे येरुसलेम सहरताहि लोकुर, गोह्‌डिनाङ गोह्‌डिङ येसुना पयाह अंदुर.

मत्याल 4:25 Referans Kwoze

लूकाल 6:17

पया येसु ओरा संगे गुड्रापोग़ोटाहि रेगिसि, गुड्राकचुदा पलातगा नितोग़. अगा ओनाङ कग़यवालोर वेल्‍लाटोरे मतोर. ओसो येरुसलेम सहरताहि, यहुदिरा बूमताङ दुस्राङ नाह्‌कनाहि, सम्दुरकचुदा सोर-सिदोन एरियाताहि, वेल्‍लाटोर लोकुर ओनगा जमा आस मतोर.

मार्कल 5:20

अदिनेनाह्‌क ओग़ मन्कल अग्डाहि तना लोता एरियाते अन्जि, येसु तनेनाह्‌क कीतद बेरा कबळतुन, दाकपालिस पटटे पोकुर कीतोग़.

मार्कल 7:31

पया येसु तनाङ कग़यवालोरा संगे सोर-सिदोन एरियाताहि पेसतोग़. पेसिसि दाकपालिस पटटगाह्‌क वासि, गालिल सम्दुरकचुल एवतोग़.

लूकाल 6:19

देवुळताहि सव्रे कीयनद लाव येसुनगा मताह्‌कु, ओग़ सबेटोरिन सव्रे कीसोर मतोग़. अदिनेनाह्‌क सबेटोर ओन बोयलाह ऊळिंदुर.

मार्कल 6:2

अन्जि वारमता पोल्वादियाते अग्डा पार्तनाता लोते काग़्हता बोटटोग़. वेल्‍लाटोर लोकुर ओनाङ पोल्‍लोन केंजिसि बयल आतोर, आसि इद्रम इतोर, “वेन्क इव पोल्‍लोङ, इचोटा बुदि, बेग्डाह दोर्कता रा? अचोटाङ बेराङ कबस्क कीयनद डीसा वेन्क बेग्डाह दोर्कता रा? बह वेग़ मरियाना मग़ि वड्लाल आयोग़ा? वेनाङ तमोर याकुबि,योसेपि, सिमोनि, यहुदाल वेर आयोर रा? वेनाङ सबे एलास्क बह इगाने इलेङ?” इन्जि नाटेनोर लोकुर येसुन नमोर आंदुर.

मत्याल 19:2

अस्के ओना पेग़्के गोह्‌डिनाङ गोह्‌डिङ वेल्‍लाय मुल वातोर. मुडा लोप्पा मतोर दुकह्‌लोरिन येसु सबेटोरिन सव्रे कीतोग़.

मत्याल 12:15

इव पोल्‍लोङ केंजिसि, येसु अग्डाहि पेसतोग़. अस्के वेल्‍लाय मुल ओना पयाह अतोर. ओराङ सबेटोर रोगह्‌लोरिन ओग़ सव्रे कीसीतोग़.

मत्याल 8:1

गुड्रापोग़ोटाहि येसु तनाङ कग़यवालोर बार इळ्न रेगतस्के, गोह्‌डिनाङ गोह्‌डिङ ओना पयाह-पयाहे मंदुर.

मत्याल 5:1

अस्के पया अद मांदतुन ऊळिसि, येसु गुड्रापोग़ोन अतोग़, अन्जि काग़्हतलाह उदतोग़. ओग़ उदतस्के, ओनाङ कग़यवालोर ओनगा वातोर.

मत्याल 4:15

योर्दन बेरेटा अबर बाजे मनदनद, गालिल सम्दुरकचुदा जाबलुन-नाप्‍तलिना बूमते, गालिल इनदनद यहुदि आयवोरा बूमते