मत्याल 4:12 - माडिया गोंड पवित्र सास्त्रम

¹² अस्के पया योहनिन जेल ओस मतोर इन्जि, येसु केंजतोग़. तेन केंजिसि, ओग़ यहुदा पट विळ्सिसि गालिल पटटे तना नाग़ नासरेत अतोग़.

मत्याल 4:12 Referans Kwoze

मार्कल 1:14

पया बह आता इतेके, अग्डोग़ राजाल योहनिन जेलते वाट वेहतोग़. ताना पया, येसु गालिल पटटे वासि, देवुळता राजेमता बेसता कबुरतुन पोकुर कीतोग़.

मत्याल 14:3

(योहनि, एरोद राजाल, वेरा नडुम कट्लाङ इह आताङ.) राजाना दादाल पिलिप, वेग़ जीवात मनेकेने, वेना मुते, एरोदियसि इनदनदिनु, राजाल तना लोन ओतोग़. अस्के योहन राजानगा वास इतोग़, “नीवा कीतद कबळ मोसानाङ अडोङ वेहतपु पोलो, महरज,” इन्जि वेहतोग़. इद पोल्‍लोतुह्‌क एरोद राजाल ओङ आसि, योहनिन दोहचि जेलते वाटटोग़.

योहन 3:24

(योहनिन जेलतगा वाटनामुनेने, इव गोटिङ आताङ.)

लूकाल 4:14

पया येसु अग्डाहि गालिल पटटे मल्स अतोग़. अस्के देवुळता जीवा ईतद लाव ओनगा मता. गालिल पटटाङ सबे नाह्‌कनोर मन्कलोर, ओनाय पोल्‍लोतुन वळ्ह्‌किंदुर.

मार्कल 6:17

बाराह्‌क इतेके, (योहनि, एरोद राजाल, वेरा नडुम कट्लाङ इह आस मताङ.) राजाना दादाल पिलिप इनवाल जीवात मनेकेने, वेना मुते, एरोदियसि इनदनदिन, राजाल तना लोन तच मतोग़. अदिनेनाह्‌क योहनि राजानगा अन्जि इतोग़, “नीवा दादाना मुतेन तासना, इद नीवा कीतद कबळ इतेके, मोसानाङ अडोङ वेहतपु पोलो, महरज,” इनजोर वेहच मतोग़. वेहताह्‌कु, राजाल ओङ आसि, योहनिन पोसि, जेलते वाटलाह वेहच मतोग़.

योहन 4:54

इद्रमि ओसो उंद मल्का येसु यहुदा पटटाहि गालिल पटटे वासि, सीना तोहतोग़.

योहन 4:43

अव रेंड दियाङ आतस्के, ओर अग्डाहि पेसिसि, तमा गालिल पटटे वातोर.

लूकाल 4:31

पया येसु ओसो ओनाङ कग़यवालोर गालिल पटटा कापेर्नाग़ अतोर. अन्जि वारमता पोल्वादियाते, देवुळता पार्तनाता लोतगा, येसु लोकुरिन काग़्हन्दोग़.

मत्याल 11:2

देवुळता पेदिरते एते मीहवाल योहन जेलते मनेके, देवुळ लोहतोग़ येसुराजानाङ कबस्किन केंजतोग़. केंजिसि वेग़ तनाङ कग़यवालोरिन इतोग़, “येसुनगा अन्जि इद्रम ताल्ह्‌किस वाटु, ‘बोग़ देवुळ लोहवाल पिसिह केवाल राजाल वावाल मतोग़, ओग़ बह निमानेया? बार माटु दुस्रोना अग़ ऊळकोमा?’” इन्जि ओरिन येसुनगा लोहतोग़.

लूकाल 23:5

मति मुडा लोकुर पका कैंगम आसोर कयर कींदुर, “वेग़ु गालिल पटटग्डाह इतेके, मावोर यहुदिर मनदनद सबे बूमतगा, लोकुरिन तनाङ काग़्हच लेसिह कीसोर, इगा एवनाह वातोग़,” इतोर.

योहन 1:43

इमा दिया येसु गालिल पटटे दायलाह तयर आतोग़. आतस्के पिलिप इनवान कलियिसि ओन इतोग़, “नावा संग वय, नावाङ कग़या,” इतोग़.

योहन 2:11

इद्रमि येसु गालिल पटटा काना नाटे, इद मुनेटा बामिह कीयना सीना कीसि, तना डीसा तोहतोग़. अदिह्‌कु ओनाङ कग़यवालोर, (ओग़ देवुळ लोहतोग़ राजाल मनदनोग़ इन्जि,) ओन नमतोर.