मत्याल 3:6 - माडिया गोंड पवित्र सास्त्रम

⁶ ओर तमा कीता पापमतुन कबुल आसि, योर्दन बेरेटगा वासि, योहनना कयदे देवुळता पेदिरते एग़ मींदुर.

मत्याल 3:6 Referans Kwoze

बळयिर 19:18

वेल्‍लाटोर विस्वसिर बाताल कींदुर इतेके, ओरु (इद्रमताङ पूजर-गूनिङ माट कींदोम इनजोर,) तमाङ लाग्वाङ कबस्किन सबेटोरा मुनेह कबुल आंदुर.

1 योहन 1:9

अदिनेनाह्‌क मावा पापमतुन मकिह केवालेवा, देवुळता मुनेह कबुल आतेक अचोन, अद मावा पापमतुन मापि कीस्ता. ओसो सबे लाग्वाङ कबस्कना पापमताहि, माक एडिह कीस्ता. इद्रमलेह्‌का देवुळि तना वेहतप लेह्‌का कीसि, तना सेतेम तोहतह्‌ता.

मत्याल 3:11

तमा पापमताहि मिळ्न्दतोर इन्जि तोहतलाह, नना लोकुरिह्‌कु देवुळता पेदिरते सिरप एते मीहवानन आंदन. मति नाक तेला बेह्‌रोग़ ओर्वोग़ डीसातोग़ मन्ह्‌तोग़, ओग़ नावा पया वायनोग़. ओना कादुन इटलाह वने नना ओप्पोन, अचोन नना उड्लोनन! ओग़ देवुळता पवित्र जीवाते ओसो किसते, मीक मीहवाल आयनोग़.

कुलुसितोर 2:12

मीट येसुना पेदिरते एतगा मुळ्न्दिस तेदतस्के, मीवा पापम बुदतुन, किर्स्तुना संगे गुमयाते मिसतप लेह्‌का आता. देवुळि बेद बेरा लावते ओन डोलतोरग्डाहि जीवा अर्हता, अदे लावता पोग़ोन मीट विस्वस कीतिर. कीताह्‌कु (अद मीक पूना पिसमुळ ईता. पूना पिसमुळ दोर्कताह्‌के,) मीट वने किर्स्तुना संगे जीवा अरतप लेह्‌का आतिर.

1 कुरिंततोर 10:2

मोयुल सबेटोरिन मुळ्हच मता, ओसो देवुळि सम्दुरतुह्‌क अग़ कीसीताह्‌के, सम्दुरता नडुमतुह्‌क ताकतोर. इद्रमि देवुळि ओर सबेटोरिन मोसा मुय्तोना अदिकरते ताकवालोर कीता.

बळयिर 22:16

इंजेके निमा आल्सेम केमा. अले तेदिसि, येसुना पेदिरते एग़ मीयना रिवज कीम; ओना पेदिर पोस केयिस, पार्तना कीम. अस्के ओग़ नीवा पापमतुन नोग़यनोग़,’ इनजोर इतोग़. (अस्के नना येसुना पेदिरते एग़ मीतन.)

बळयिर 11:16

रेगतस्के, येसु इतद इद पोल्‍लो नाक सीता वाता, ‘देवुळता पेदिरते मीहवाल योहन लोकुरिन एते मीहन्दोग़. मति देवुळि मीकु पवित्र जीवाते मीहतग़ा,’ इनजोर इतोग़.

लूकाल 3:16

अदिन पुन्जि योहन सबेटोरिन इद्रम इतोग़, “नना इतेक लोकुरिह्‌क देवुळता पेदिरते एतेन मीहतलाह आतन. मति ओर्वोग़ बार वायलाह आतोग़, ओग़ नाकाय वीळिसि बेरा लावतोग़ आंदोग़, ओना कादुन इटलाह वने नना ओप्पोन, अचोन नना उड्लोनन! ओग़ देवुळता पवित्र जीवाते ओसो किसते मीक मीहवाल आयनोग़.

मार्कल 1:5

पया येरुसलेम सहरताहि, ओसो यहुदा पटटाङ दुस्राङ नाह्‌कनाहि, वेल्‍लाटोर लोकुर ओनगा अंदुर. लोकुर तमा कीता पापमतुन कबुल आसि, योर्दन बेरेटगा योहनना कयदे देवुळता पेदिरते एग़ मींदुर.

1 पत्रु 3:21

अद पोल्‍लोता लेह्‌काने, इंजेके (मीटु विस्वसिर आतिर अस्के,) येसुना पेदिरते एग़ मीताह्‌कु, बेद लावते देवुळि येसु किर्स्तुनु हामुरताहि जीवा अर्ह्‌ता, अदे लावते मीट पिसिह्‌निर. इद बेद्रमता इतेके, मेंदुदा माच एडग़ा इनजोरे, मीयनद आयो; मति नावा जीवा कसुरलेवप आयि इन्जि, पूरा जीवाताहि देवुळतुन ताल्ह्‌कनद आंदु.

याकुब 5:16

अदिनेनाह्‌क मीट कीतद पापमतुन, ओर्विह्‌क-ओर्वोग़ कबुल आम्ह्‌टु, ओसो ओर्विनेनाह्‌क-ओर्वोग़ पार्तना कीम्ह्‌टु. अस्के मीट बेमरताहि बेस आयकिर. सेतेमतोग़ मन्कना पार्तनाते पका लाव मन्ह्‌ता.

लूकाल 1:16

ओग़ मीवा वेल्‍लाटोर इस्रयेल लोकुरिन तमा देवुळतके मल्हच ततनोग़.