मत्याल 28:3 - माडिया गोंड पवित्र सास्त्रम

³ अद देवतुलि किस-उळ्मलेह्‌का मांजिंदु, ओसो तानाङ गेंदेङ कोंगा-बूलालेह्‌का पका पांड्रि मताङ.

मत्याल 28:3 Referans Kwoze

बळयिर 1:10

ओग़ पोग़ोन दायह्‌पा, ओरु कोंडा मिळ्हवा ऊळसोर मनेके, पांड्रि गेंदेङ उहतोरु इर्वुर मन्कलोर दोम्ह्‌क्ने ओरगा नितोर.

मार्कल 9:3

ओनाङ गेंदेङ इचोन वेडिसि तिर्मिळ्स्किंदुङ इतेके, इद दुनियाते बोग़े गेंदेङ उकवाल वने अचोन वेडिह कीया पग़वोग़, अचोन वेडिस मताङ.

मार्कल 16:5

पया अव आस्कु लोप्पा ओळियताङ. अस्के ओर्वोग़ लेयोग़, पांड्रि जगा केग़्सि तिनळ बाजे उदिस मतदिन, अव ऊळताङ. ऊळिसि गाबरेम आताङ.

तोहचीतव पोल्‍लोङ 18:1

पया ओसो उंद देवतुल, पोग़ोन देवुळता जागाताहि रेगनद ऊळतन. तान्क पकाय अदिकर मता. ताना सोबाता वेह्‌चते पूरा बूमतगा वेह्‌च आता.

योहन 20:12

ऊळतस्के, येसुना सेत्तातुन तासिस मतद जागाते, पोळ्‍दलेह्‌का मांजतप पांड्रि गेंदेङ केग़तवु रेंड देवतुल्कु उंद बारा तलावडातेके, उंद बारा कालवडातेके, उदिस मतव तान्क दिसताङ.

तोहचीतव पोल्‍लोङ 10:1

अद्रमलेह्‌काने पया पकाय लावता ओसो उंद देवतुलि, देवुळदीपताहि इळ्न रेगनदिन ऊळतन. अद मोयुलतुन गेंदेता लेह्‌कान उहचि मता. ताना तलापोग़ोन उंद देवुळविल मता. ताना मोकमि पोळ्‍दलेह्‌का दींचिंदु. ओसो तानाङ काल्क किसगुटाना लेह्‌कान मताङ.

मत्याल 17:2

अस्के वेर ऊळनेके, ओना रूप मिळ्न्दता. ओना मोकमि पोळ्‍दलेह्‌का मांजिंदु, ओसो ओनाङ गेंदेङ वेह्‌चता लेह्‌का तिर्मिळ्स्किंदुङ.

मत्याल 28:4

तान रेयिसि, पह्‌रा मनवालोर दिरदिर साङतोर, कुस्क मेग़्यतप आतोर.