मत्याल 27:3 - माडिया गोंड पवित्र सास्त्रम

^3-4 अस्के येसुह्‌कु हामुरता सिक्सा दोर्कता इन्जि, ओन पोस एवाल यहुदाह्‌कु एर्का आता. आताह्‌कु ओग़ पका आलिह कीतोग़: “चेह, नना ओन उगसे पोस ईतन डा,” इन्जि मुने एतव डेडा वीसा वेंडटाङ कल्दर बंडिङ, पेर्मालोरगा ओसो पेदल्कनगा मल्हच तचि, ओरिन इतोग़, “नना कसुरलेवोग़ मन्कन हामुरता सिक्सातुह्‌क पोस ईसि पापम कीतन,” इतोग़. अस्के ओर इतोर, “ताना माक बाताल, रा! निमा पोसीतिन, नीवा निमान ऊळा!” इतोर.

मत्याल 27:3 Referans Kwoze

2 कुरिंततोर 7:10

माट देवुळतुह्‌क विचर वातप दुकम आतेकेने, पापमता अग़दाहि देवुळतके मलयह्‌नल. अद इसबते देवुळि माक पिसिह कीस्ता. अद्रमता दुकम आतेक, ताना लोप्पा आल्समुळ आयो. मति देवुळतगा मलवा, उगस दुकम आतेक बारा, इद्रमता दुकमि माक देवुळता पिसमुळताहि जेक कीस्ता.

योहन 18:3

अदिह्‌कु पेर्मालोर ओसो परुसिर, वेर लोहतोर पह्‌रातोर, ओसो रोम राजेमतोर सीपय्कना उंदि पल्टन, वेर सबेटोरिन यहुदाल अग़ तोहचोर ततोग़. वेर सोह्‌ळाङ, कंदिस्क ओसो वीस्राङ पोसि अगा वातोर.

योहन 13:27

यहुदाल आरतुन तितस्के, देयह्‌कना मुक्याल ओन आव्रे कीता. अस्के येसु ओन इतोग़, “नीवा बाताल कीयना विचर मन्ह्‌ता, अद चट्पिट मारि,” इतोग़.

योहन 13:2

अस्के सिमोन इस्केर्योतना मग़ि यहुदाल, वेना जीवातगा देयह्‌कना मुक्याल येसुन कोंटेतोरिह्‌क पोस ईयना, इद्रमता आय्डा पुटिह कीस मता.

बळयिर 1:18

(यहुदाल तना कीतद लाग्वा कबळताङ कोताङ एतोग़. अव कोताने उंद पोलम असिस मतोग़. मति अदे पोलमतगा, ओग़ पोग़ोटाहि कप मुळ्न्दिस अरतोग़, अरतस्के ओना पोटा पग़्क विरियिस, पोर्ह्‌क पेसताङ.