मत्याल 26:41 - माडिया गोंड पवित्र सास्त्रम

⁴¹ नना वेहतप कीयलाह मीवा जीवा तयरे मन्ह्‌ता, मति मीवाङ मेंदुस्क इतेके, दीरालेवप बागतप मन्ह्‌ताङ. अदिह्‌के मीट सीताते मन्ह्‌टु. देयह्‌कना मुक्याल मीवा पट ऊळनस्के, मीट पापमते अरयनायो इन्जि, देवुळतुन पार्तना कीसोर मन्ह्‌टु.”

मत्याल 26:41 Referans Kwoze

लूकाल 22:46

अस्के ओरिन इतोग़, “मीट बाराह्‌क उंजलाह आतिर? अले तेदाट! देयह्‌कना मुक्याल मीक पट ऊळनद आयो इन्जि पार्तना कीम्ह्‌टु,” इनजोर इतोग़.

मार्कल 14:38

नना वेहतप कीयलाह, मीवा जीवा तयरे मन्ह्‌ता, मति मीवाङ मेंदुस्कु इतेके, दीरालेवप बागतप मन्ह्‌ताङ. अदिह्‌के मीट सीताते मन्ह्‌टु, देयम मीवा पट ऊळनस्के, मीट पापमते अरयनायो इन्जि, देवुळतुन पार्तना कीसोर मन्ह्‌टु,” इतोग़.

इपिसुसतोर 6:18

अद जीवा मीक ताकिह कीयना लेह्‌का, अमेसा सबे पोल्‍लोनेनाह्‌कु, पार्तना कीसि देवुळतुन वेहाटु. देवुळता मन्कलोर सबेटोरेनाह्‌क, आरेम आयवा पार्तना कीसोर मन्ह्‌टु.

मत्याल 6:13

ओसो कंदाता वेलाते माक पापमते अर्हमा, मति माक देयह्‌कना मुक्यानाहि पिसिह कीमु. [राजेमि, लावु, डीसाङ इव अमेसाताङ नीवाङे मन्ह्‌ताङ. माट ताल्ह्‌कतप आयि.]”

लूकाल 21:36

अदिनेनाह्‌क उसरते मन्जि, इव पूरा आयनव पीळाङ-दोकानाहि पिसकोम इन्जि, अमेसा दीरा पोसि पार्तना कीसोर मन्ह्‌टु. अह कीतेके नना माने-मन्कना नडुम पुटटोनन वायकन अस्के, मीट नावा मुनेह बेदे रेयलेवा नितकिर,” इनजोर येसु वेहतोग़.

तोहचीतव पोल्‍लोङ 16:15

पया ओर राजालोरिन, इब्रि बासाते अर-मगिदोन इनदनद जागातगा, अव देयह्‌क तताङ. (किर्स्तु इद्रम वेहतलाह आतोग़, “ऊळाट! मन्कलोर पुनवस्के, कले वायना लेह्‌कान, नना वायकन. बोग़ उंजवालेवा उसरते मन्ह्‌तोग़, ओग़ देय्वातोग़ु. ओग़ तनाङ जगाङ केग़्स मतप मन्ह्‌तोग़. अद्रम मनवेके, लोकुर ऊळनाह, कूळलिय लजा वानाह ताकमुळ आयग़ा,” इनजोर किर्स्तु वेहतलाह आतोग़.)

1 कुरिंततोर 16:13

इंजेके मीट उसरते मन्ह्‌टु. विस्वसते मेग़्किस मन्ह्‌टु. दीरा पोस मन्ह्‌टु. आरेम आयमाटु.

1 पत्रु 5:8

उसर आम्ह्‌टु! सीताते मन्ह्‌टु! मीवा अडम मनदनद देयह्‌कना मुक्याल, कह्‌चनद सिङपुललेह्‌का, बोन पोसि पिळ्ह-पळ्ह कीस तिनदकन इनजोरे तिरियिह्‌ता.

1 कुरिंततोर 10:13

बेस्के मियगा पापमताङ विचर्क पुटिह कीयनव तिपल्क वास्ताङ, अस्के इवे तिपल्कु सबेटोर मन्कलोरिह्‌क वास्ताङ इनजोर, सीता कीम्ह्‌टु. मति देवुळि बर्वस लायकता आंदु. मीट बेचोन आप पग़यह्‌निर, तान्काय एक्‍वा तिपलतुन लोहो. अद्रमताङ तिपल्क वातस्के, मीक पापमते अरवाह अग़ तोहतग़ा, अस्के दीरा पोयता पग़यकिर.

2 पत्रु 2:9

इव सबे पोल्‍लोन मीक बाराह्‌कु सीता कीसीय्ह्‌नन इतेके, सामि तन्क माळवालोरिन तिपलताहि बेद्रम विळ्सिह कीयना, ओसो लाग्वोरिन सिक्सा ईयनासाटि, नेयम कीयनद दिया एवनाह बेद्रम तासना, इविस्किन पुन्ह्‌ता इनजोर, इव पोल्‍लोङ तोहतह्‌ताङ.

मत्याल 24:42

“अद्रमलेह्‌का सामि वायनद दिया बेदु, इद मीक तेळियो, अदिह्‌कु मीटु उसर आसोर मन्ह्‌टु.

तोहचीतव पोल्‍लोङ 3:10

मीट तिपल आयह्‌पा, नना मीक वेहतपु, तिपलतुन दीराते आपसोर मतिर. अदिनेनाह्‌क पूरा बूमते मनवालोरा पट ऊळलाहि, बेद तिपल इंजेके बूमतगा वायलाह आता, अद तिपलताहि नना मीक पिसिह कीस तासकन.

1 पत्रु 4:7

इंजेके इद दुनियाताङ आक्रि दियाङ गट्‌नेन एवताङ. इद पोल्‍लोतुन सीता कीसि, मीट पार्तना कीयनस्के, उसरते मनदना इन्जि, अक्‍र्ने मन्ह्‌टु.

लूकाल 22:40

अद जागातगा एवतस्के येसु ओरिनु, “देयह्‌कना मुक्याल मीक पट ऊळमाकि इनजोर पार्तना कीम्ह्‌टु,” इतोग़.

गलातितोर 5:24

इंजेके किर्स्तु येसुन नमवालोर इतेके, तमा मन्कना बुदतुन, हव्कनागुटातगा बूळे कीतपे मन्ह्‌तोर; अद मन्कना बुद डोलता इतेके, माट तानाङ लाग्वाङ विचर्कने ताकवल.

1 कुरिंततोर 9:27

मति दुस्रोरिह्‌क पोकुर केवानन नाके देवुळि इनम एवा मनमाकि इनजोर, नना कुदतुन आव्रे कीसि, बेसता कबुरतुन पोकुर कीयनद सेवा बेस आयना इन्जि, नावा मेंदुलतुन कय इळ्न तासिह्‌नन.

मत्याल 25:13

पया येसु तनाङ कग़यवालोरिन इतोग़, “अदिह्‌क मीट वने उसरते मन्ह्‌टु, बाराह्‌क इतेके माने-मन्कना नडुम पुटटोना वायनद इहलेह्‌काने मन्ह्‌ता. ताना दियातुनु, वेलातुनु मीट मुर्तिय पुनविर.

मत्याल 26:38

अस्के ओर मुवुरिन इतोग़, “नावा जीवातगा पका बेह्‌रा मोतालेह्‌का मन्ह्‌ता रा, अदिह्‌क नावा जीवा हायेङ-पिसेङ आसोर मन्ह्‌ता. मीट इगान मन्ह्‌टु, उंजवालेवा नावा संगे सीतात मन्ह्‌टु,” इन्जि इतोग़.

रोम सहरतोर 8:3

माट मन्कना बुदते ताकसोर मताह्‌कु, मोसानाङ अडोङ केंज पग़वा मतल. अद इसबते, अडोङ माक पापमता लावताहि विळ्सिह कीया पग़वोङ. मति अडोङ कीया पग़वदिन, देवुळिये कीता. बेद्रम इतेके, तना वग़ोग़ मग़िन लोहचीता. ताना मग़ि, माट पापि मन्कलोरा लेह्‌का मन्कल मारियिस, इद बूमतगा वास मतोग़. अदे मेंदुलते, ओग़ मावा पापमता सिक्सातुन, तना पोग़ोन एतोग़.

लूकाल 11:4

ओसो बेद्रम माटु मावा अडम मतोर कसुरतोरिन मापि कीतोम, अद्रम मावाङ कसुर्किन वने मापि कीमु. ओसो माकु बेरा कंदाता वेलाते पापमते अरयलाह एमा.’ इद्रम पार्तना कीम्ह्‌टु.

लूकाल 8:13

बेद आदतगा विजा अरता, अद इहलेह्‌का आस्ता. बोर पोल्‍लोतुन गिर्दाते चट्‌नेन केंजिह्‌तोर, मति अद पोल्‍लो ओरा जीवाते गडवाह्‌कु, गळ्के बहे विस्वस कीस्तोर. पया देवुळता पोल्‍लोतुन नमतेनाह्‌क अड्सनाय, तिपलाय वाता इतेके, चट्‌नेन ओर विस्वसताह जेक आस्तोर.