मत्याल 26:14 - माडिया गोंड पवित्र सास्त्रम

¹⁴ ताना पया बार आता? यहुदा इस्केर्योत इनवाल, वेग़ ओर बारा बळयिरग्डाहि ओर्वोग़ मन्ज तेला, पेर्मालोरगा अतोग़.

मत्याल 26:14 Referans Kwoze

मत्याल 10:4

सिमोन (ओग़ रोम सर्करता अडम पार्टितोग़), ओसो यहुदा इस्केर्योत (वेग़े आक्रिते येसुन कोंटेतोरा कयदे पोसीतोग़). (वेरे येसुनाङ बारा मांदि बळयिरआंदुर.)

बळयिर 1:16

“मावोरिर, यहुदा इस्केर्योति बार, माट ऐंगेन कलियिस सेवा कींदोम इन्जि, मीट पुतिर. तेला मति ओग़े येसुन दोहच ओयलाह वातोरिह्‌क तोळ ईतोग़. अदिह्‌के देवुळता पवित्र जीवा वेहतपु, दाविद राजाल मुनेन सास्त्रमते यहुदाना लोप्पा बेद पोल्‍लो रासिस तासतोग़, अद पोल्‍लो करल आयनदे मता.”

योहन 13:30

आर तितस्के, यहुदाल चट्‌ने पलत पेसतोग़. अस्के मुर्गंगा ईकळ आस मता.

योहन 13:2

अस्के सिमोन इस्केर्योतना मग़ि यहुदाल, वेना जीवातगा देयह्‌कना मुक्याल येसुन कोंटेतोरिह्‌क पोस ईयना, इद्रमता आय्डा पुटिह कीस मता.

मत्याल 27:3

अस्के येसुह्‌कु हामुरता सिक्सा दोर्कता इन्जि, ओन पोस एवाल यहुदाह्‌कु एर्का आता. आताह्‌कु ओग़ पका आलिह कीतोग़: “चेह, नना ओन उगसे पोस ईतन डा,” इन्जि मुने एतव डेडा वीसा वेंडटाङ कल्दर बंडिङ, पेर्मालोरगा ओसो पेदल्कनगा मल्हच तचि, ओरिन इतोग़, “नना कसुरलेवोग़ मन्कन हामुरता सिक्सातुह्‌क पोस ईसि पापम कीतन,” इतोग़. अस्के ओर इतोर, “ताना माक बाताल, रा! निमा पोसीतिन, नीवा निमान ऊळा!” इतोर.

मत्याल 26:47

इव पोल्‍लोङ येसु वेहचोरेन मतोग़, अचोटेने यहुदाल अगा वातोग़. ओर बळयिर बारा मुडग्डाहि ओर्वोग़ मन्ज तेला, ओग़ु येसुन पोयवालोरा संगे वातोग़. पेर्मालोर ओसो यहुदिराङ पेदल्क लोहतोर वेल्‍लाटोर, यहुदाना संगे तल्वर्क, गूटेङ-बळ्गाङ पोस वातोर.

योहन 18:2

येसु ऊक-ऊके तनाङ कग़यवालोरा संगे अद जागाते कलियिंदोग़, अदिह्‌क ओन कोंटेतोरा कयदे पोस एवाल यहुदाह्‌क वने, इद जागा एर्का मता. (येसु अदे जागातगा दोर्कनोग़ बहे इन्जि यहुदाल पुतोग़.)

मत्याल 26:25

अस्के बोग़ ओन पोस एवाल मतोग़, ओग़ यहुदाल ओन ताल्ह्‌कतोग़, “गूरु, ओनन नना बह आयोना?” “निम इतिन, अहे!” इनजोर येसु इतोग़.

योहन 12:4

ओर कग़यवालोरग्डाहि यहुदा इस्केर्योत इनवाल मतोग़ (ओग़े ओन कोंटेतोरा कयदे पोस एवाल मतोग़), ओग़ इतोग़, “इद अतर्नेयदुन वमतेके, वग़ोना वर्सामेटा पिसवग़ आवाल कोनि! तान वमिस, अव कोताङ गरिबतोरिह्‌क बाराह्‌कु एविर?” इतोग़.

योहन 13:26

“बोन्क नना आरतुन किळ्हचि पुलातगा अह्‌चिस तीहतकन, ओग़े ओग़ आंदोग़,” इन्जि येसु इतोग़. अह इन्जि ओग़ आरतुन पोस, पुलातगा अह्‌चतोग़, अह कीसि सिमोन इनवाना मग़ि यहुदा इस्केर्योतिह्‌कु तीहतोग़.

बळयिर 1:18

(यहुदाल तना कीतद लाग्वा कबळताङ कोताङ एतोग़. अव कोताने उंद पोलम असिस मतोग़. मति अदे पोलमतगा, ओग़ पोग़ोटाहि कप मुळ्न्दिस अरतोग़, अरतस्के ओना पोटा पग़्क विरियिस, पोर्ह्‌क पेसताङ.