25 ऊळाट, नना इतेके मीक मुनेन वेहतन, उसरते मन्ह्टु.
“मीट विस्वसताहि अरयनायो इन्जि, मीक इव गोटिङ नना वेहतन.
अस्के नावा पोल्लोता साक्सि ईयलाह, मीक अग़ दोर्कग़ा.
“इद केंजाट, लोळ्ङानगा गोरेन लोहतपु, नना मीक दुनियाते लोहतह्नन. अदिह्कु मीटु तरस्कना लेह्का सत्रल मन्ह्टु, मति परेवाङ मतप, नाळेह केवोरा लेह्का वने मन्ह्टु.
बाराह्क इतेके, नना देवुळ लोहतोग़ राजानन इनवालोर जोलहालोरु, ओसो देवुळता कबुरतोनन इनवालोर जोलहालोरु, इद्रमतोर पुटनुर. ओर बेराङ-बेराङ बामिह कीयनाङ सीनाङ तोहचि, देवुळ आचतोर लोकुरिन वने लेसिह कीयलाह ऊळनुर. मति ओर अह कीया पग़वोर आयनुर.
“अदिह्क मीकु बोराय इनदनुर बारा, ‘ऊळाट, देवुळ लोहतोग़ राजाल पेळ्ह्कल बूमते मन्ह्तोग़’ इतेक, अगा मीट ओन पर्ह्कलाह अनमाटु. ओसो मीकु ‘देवुळ लोहतोग़ राजाल लोप्पाडाङ अरानगा मन्ह्तोग़,’ इनजोर इनदनुर बारा, मीट अदिन वने सेतेम पोयमाटु.