मत्याल 22:33 - माडिया गोंड पवित्र सास्त्रम

³³ येसु इचोन वळ्ह्‌कतस्के, अगा सर्ने मता लोकुर ओनाङ काग़्हतनाङ पोल्‍लोन केंजिसि बामतोर.

मत्याल 22:33 Referans Kwoze

योहन 7:46

“ओग़ मन्कल वळ्ह्‌कतपु, बोग़े दुस्रोग़ बेस्केन वळ्ह्‌कोग़!” इन्जि मंदिरताङ पह्‌रातोर इतोर.

लूकाल 4:22

सबेटोर, “वेग़ बेस वेहतह्‌तोग़ रा! सबे बेसताङ-बेसताङ पोल्‍लोङ वेना तोडटाहि पेसिह्‌ताङ गोतो!” इनजोर बामतोर. मति ओसोवने “बह वेग़ मावा योसेपना मग़ि आयोग़ा? अचोन बुद वेन्क बेग्डाह दोर्कता?” इनदा बोटटोर.

लूकाल 2:47

ओना पोल्‍लो केंजसोर मतोर सबेटोर, “वेग़ पेकाल पका उसरतोग़ आंदोग़ रा! पका बुदते पोल्‍लो मल्हतह्‌तोग़,” इनजोर बामतोर.

मार्कल 12:17

इतस्के येसु ओरिन इतोग़, “अह इतेके बेद रोम राजेमता कय्सर राजाना मन्ह्‌ता, अद ओन्के ईम्ह्‌टु! ओसो बेद देवुळ ताल्ह्‌किह्‌ता, अदिन देवुळतुह्‌क ईम्ह्‌टु,” इनजोर इतोग़. पया इद्रम केंजिसि, ओर पका बयल आतोर.

मार्कल 6:2

अन्जि वारमता पोल्वादियाते अग्डा पार्तनाता लोते काग़्हता बोटटोग़. वेल्‍लाटोर लोकुर ओनाङ पोल्‍लोन केंजिसि बयल आतोर, आसि इद्रम इतोर, “वेन्क इव पोल्‍लोङ, इचोटा बुदि, बेग्डाह दोर्कता रा? अचोटाङ बेराङ कबस्क कीयनद डीसा वेन्क बेग्डाह दोर्कता रा? बह वेग़ मरियाना मग़ि वड्लाल आयोग़ा? वेनाङ तमोर याकुबि,योसेपि, सिमोनि, यहुदाल वेर आयोर रा? वेनाङ सबे एलास्क बह इगाने इलेङ?” इन्जि नाटेनोर लोकुर येसुन नमोर आंदुर.

मत्याल 22:22

येसु वळ्ह्‌कतद इद पोल्‍लोतुन केंजिसि, वेर बयल आतोर. अह कीसि येसुनग्डाह पेसिस अतोर.