मत्याल 21:31 - माडिया गोंड पवित्र सास्त्रम

³¹ “इदिनलोप्पा मीवा बाताल विचर मन्ह्‌ता? इर्वुरग्डाहि बोग़ तपेना पोल्‍लो केंजतोग़?” इन्जि येसु ओरिन ताल्ह्‌कतोग़. “माळा मग़िय केंजतोग़,” इनजोर इतोर. येसु ओरिन इतोग़, “इह केंजाट, नना सेतेम वेहतह्‌नन, मीकाय मुने सिद्‌वा एनवालोर ओसो बोगेस्कु, इद्रमतोर देवुळता राजेमते जागा पोयह्‌तोर.

मत्याल 21:31 Referans Kwoze

लूकाल 7:29

(अगा मतोर वेल्‍लाटोर येसु वेहतद पोल्‍लोतुन केंजतोर. केंजिसि देवुळता अग़दुन सेतेमता अग़ि इतोर, लोकुर कोंटे केवालोरु सिद्‌वा एनवालोर इंका अहे इतोर. वेर सबेटोरिन योहन मुनेन देवुळता पेदिरते एग़ मीहच मतोग़.

मत्याल 7:21

“नाकु ‘सामि, सामि’ इनवालोर सबेटोर, देवुळदीपता राजेमते नेङोर आयनुर, मति देवुळदीपतोग़ नावा बाबाना पोल्‍लो वेहतप ताकवालोर, ओरे मात्रम अगा दाया पग़यनुर.

2 पत्रु 3:9

सामि तना पोल्‍लो विळ्सिस मतदिन केवालेवा, आल्सेम कीयलाह आता इनजोर, उच्वुर मन्कलोर विचर कीस्तोर. मति अद्रम आयो; बोग़े बूळेम आयनद आयो इन्जि, देवुळता विचर मन्ह्‌ता. सबेटोर मन्कलोरिह्‌क पापमता अग़दाहि जर मलयलाह, मोका दोर्कि इनजोर, अद मियेनाह्‌क आपसोर केपिह्‌ता.

रोम सहरतोर 5:20

देवुळि लोकुरिह्‌क अडोङ बाराह्‌कु ईता इतेके, ओर अडोङ देहचोर, तमा पापम बुदतुन बेस पुनदना इनजोरे. मति लोकुर बेचोन पापम कीसोर अतोर, अचोने देवुळता दया वीळसोर अता.

रोम सहरतोर 3:19

इंजेके माक यहुदिरिह्‌के, देवुळि तनाङ अडोना सास्त्रम ईता इनजोर पुह्‌नल. इतेके सास्त्रमते रासतव इव पोल्‍लोङ, मावाय कसुरतुन तोहतह्‌ताङ. इद्रमलेह्‌का देवुळि नेयम कीयह्‌पा, तान बोग़े कसुरलेवोनन इनदा पग़वोग़. पूरा बूममेटोर तमाङ लाग्वाङ कबस्कनेनाह देवुळता मुनेह जबब्दर आयनुर.

मत्याल 20:16

इद्रमलेह्‌का इंजेक बोर मुनेतोर मन्ह्‌तोर, ओरु वायनद कालमते आक्रितोर आयनुर; ओसो बोर आक्रितोर मन्ह्‌तोर, ओरु अद तूकने मुनेतोर आयनुर, इद्रम वेल्‍लाटोरे आयनुर,” अह इन्जि येसु पीटोतुन मारिह कीतोग़.

बळयिर 17:30

लोकुर देवुळतुन पुनवालेवा मताह्‌कु, अद कालमतस्के देवुळि ओरा पापमता नेयम केवो. मति इंजेके दुनियामेटोर कतमतोर पापमता अग़दुन विळ्सिसि तानक्‍के वायना इनजोर, उकुम ईता.

लूकाल 19:22

इतस्के माल्काल इतोग़, ‘लाग्वोग़ ओर्युलतोनिन! नीवा तोडटा वळ्ह्‌कतद पोल्‍लोतेने, नीक नेयम कीकन. नना कळक मन्कनन, नावा कयदे तासवदिन पेह्‌किह्‌नन, ओसो नावा कयदे वीतवग्डाङ कोयह्‌नन इनजोर, नीवा विचर मन्ह्‌ता.

लूकाल 15:10

नना मीक वेहतह्‌नन, अद्रमे पापमता अग़दाहि मलवाल ओर्वोग़ पापि मन्कनेनाह्‌कु, देवुळदीपतगा देवुळि, तनाङ देवतुल्कना संगे गिर्दा कीयग़ा,” इनजोर वेहतोग़.

मत्याल 18:3

अह कीस इतोग़, “इह केंजाट, नना सेतेम वेहतह्‌नन, मीटु बुदते मिळ्न्दिसि, उड्लोरा लेह्‌का जीवाते कुलुल आयवालेवा, मीकु देवुळ राजेम कीयना लोकुरगा जागा दोर्को आयग़ा.

मत्याल 12:50

बोर नावा देवुळदीपतोग़ बाबाल वेहतपु ताकिह्‌तोर, ओरे नावा दादाललेह्‌का, तमोग़लेह्‌का, एलाळलेह्‌का, अकाललेह्‌का, तलोग़लेह्‌का एरेटोर आंदुर,” इनजोर येसु इतोग़.

मत्याल 9:9

अग्डाह पया येसु पेसिस अनेके, सिद्‌वा एतना नाकातगा, मत्याल इनवाल उदिस मतोग़. ओन ऊळिस येसु इतोग़, “नावाङ कग़यवानिन आयकिन, दय!” अह इताहे, मत्याल तेदिसि येसुना संगे दाया बोटटोग़.

मत्याल 6:5

“मीट बेस्के देवुळतुन पार्तना कीयलाह दाय्ह्‌निर अस्के, सोङ केवालोरा लेह्‌का मनमाटु. बाराह्‌क इतेके ओरु माक लोकुर ऊळिस मान ईयनुर इन्जि, पार्तनाताङ लोह्‌कने ओसो अग़िनाङ मूलानगा निचि, पार्तना कीयलाह ओरिह्‌क गिर्दा वास्ता. इह केंजाट, नना सेतेम वेहतह्‌नन, ओर तमा इनमतुन (इतेके सिरप लोकुराय मानतुन) पूरा दोर्किह कीतोरे.

मत्याल 5:18

इह केंजाट, नना सेतेम वेहतह्‌नन, पोग़ोटा बूमि, इळ्ता बूमि बूळेम आनाह्‌जोम, पूरा सास्त्रम करल आयवालेवा, अडोना सास्त्रमते रासतविनग्डाहि उंद गीता, उंद सुनेतेला मायो आयग़ा.

मत्याल 5:46

बोर मीक जीवा कीस्तोर, सिरप ओरिने मीट जीवा कीतिर इतेके, मीक देवुळि बाताल इनम ईयग़ा? सिद्‌वा एनवालोर मुळ्हेर वने अहे कीस्तोरा, केवोर?

मत्याल 21:30

“पया तपे उड्लोग़ पेकानगा अन्जि अहे वेहतोग़. ओग़ उड्लोग़ पेकाल पया, ‘एय, दाय्ह्‌नन बाबा!’ इतोग़, मति अनोग़.

योहन 3:3

अस्के येसु ओन इतोग़, “इह केंजा, नना सेतेम वेहतह्‌नन, बोन्काय देवुळताहि पूना पुटमुळ दोर्कवालेवा, देवुळ राजेम कीयनदु ओन्क मुर्तिय दिसो!” इन्जि इतोग़.

योहन 3:5

इतस्के “इह केंजा, नना सेतेम वेहतह्‌नन, बोग़े एताहि ओसो देवुळता जीवाताहि पुटवालेवा, देवुळ राजेम केवालोर लोकुरगा ओन्कु जागा दोर्को आयग़ा.