मत्याल 2:15 - माडिया गोंड पवित्र सास्त्रम

¹⁵ अहे ओरु बेह्‌रोग़ एरोद राजाल हानाह्‌जोम, अद देसेमतेन मतोर, पया मल्स वातोर. नना नावा मग़िनु मिसर देसेमतग्डाहि केयतन इन्जि, वेल्‍लाङे वर्साना मुने देवुळबाबाल तना कबुरतोना संगे वेहचि. ओर मल्स वातस्के, अद कबुर करल आता.

मत्याल 2:15 Referans Kwoze

लूकाल 24:44

तिन्जि ओरिन इद्रम इतोग़, “इव पोल्‍लोङ बेव इतेके नाक हव्कनामुने मीवा संगे मतन, अस्के मीक वेहतव आंदुङ. मोसानाङ अडोना सास्त्रमतगा, देवुळता कबुरतोराङ पुस्तकिनगा, ओसो देवुळताङ पाटानगा, नावा लोप्पा रासतव सबे पोल्‍लोङ करल आयनद मता. अदिनेनाह्‌क इद्रम आता,” इनजोर वेहतोग़.

मत्याल 1:22

(इव सबे बाराह्‌कु इद्रम आताङ इतेके, वेल्‍लाङे वर्साना मुने, देवुळबाबाल तना कबुरतोना संगे इदिनलोप्पा वेहचि, ऊळाटु, कोय्तोह्‌क अनवदु लेया पिला नेलाङ हव्कग़ा, तान्क पेकाल पुटनोग़. अहे ओना पेदिरि “इमानुवेल” इन्जि तासनुर, इह वेहच मतोग़. “इमानुवेल” इतेके “मावा तोळ देवुळि”, इद्रम अर्तम आस्ता. देवुळि मुने वेहच मताङ इव गोटिङ इंजेके करल आताङ.)

मत्याल 26:54

मति इह आतेके, सास्त्रमतगा नावा लोप्पा रासतव पोल्‍लोङ बह करल आयनुङ? अवटे इतेके इद्रम आयनाय गावले इन्जि, रासतद मन्ह्‌ता,” इनजोर येसु इतोग़.

मत्याल 21:4

इव गोटिङ आताङ अस्के, सास्त्रमते मुने देवुळता कबुरतोग़ वेहतद पोल्‍लो करल आता, अद पोल्‍लो इह मन्ह्‌ता:

मत्याल 8:17

इद्रमि यसयाल इनवाल मुने रासतदु देवुळता कबुर इंजेके करल आता, अद कबुर इह मन्ह्‌ता: ओग़ कुदि मावा दुकतुन पूंडटोग़, मावा रोगमतुन पोहतोग़.

मत्याल 2:23

अगा एव्सि ओग़ु नासरेत इनदनद (मरियाना) नाटे अन्जि जागा आतोग़. “ओन नासरेततोग़ इनदनुर,” इद्रम देवुळता कबुरतोर, देवुळ लोहवाल राजाना लोप्पा मुने वेहच मतोर, अद इंजेके करल आता.

मत्याल 2:19

एरोद राजाल हातापया, मिसर देसेमते योसेपना लोतोर मनेके उंद देवतुल कलात कलियिसि ओन वेहता,

मत्याल 2:17

देवुळता कबुरतोग़ यिर्मयाल वेल्‍लाङ वर्साना मुने वेहतद मता, अद इह मन्ह्‌ता: रामा इनदनद नाटे, दुकमते आस्कनाङ अळयनाङ, केयनाङ, बेरा आल्का वेनदा वाता. रागो तनाङ पिलाङ-पेकोर हातोर इन्जि अळयह्‌ता. ओर हाताह्‌कु, अदु मेक्‍र्ने मनदा पग़वो आंदु. बेत्लेहेमतोर पेकोरिन हव्कतस्के इद पोल्‍लो करल आता.

योहन 19:36

ओना उंदाय बोकातुन ओग़्होर आयनुर, ओसो ओन कोटटोरु ओन ऊळनुर इनजोर, देवुळ लोहवाल पिसिह केवाना लोप्पा, सास्त्रमते रासिस मनदनव इव पोल्‍लोङ करल आयना इन्जि, येसुह्‌क इह आता.

योहन 19:28

अस्के पया, नावा कबळतुन नना कतम मारिह कीतन इन्जि, येसु पुतोग़. अस्के, सास्त्रमते रासतद पोल्‍लो करल आयना इन्जि, “नाक एग़ उनडा वसता,” इनजोर इतोग़.

मत्याल 26:56

मति मुनेतोर देवुळता कबुरतोर सास्त्रमते नावा लोप्पा रासतव पोल्‍लोङ करल आयना इन्जि, नेंड इव गोटिङ आस्ताङ,” इन्जि येसु इतोग़. अचोटेने कग़यवालोर कतमतोर ओन विळ्सिस पटादुळ विततोर.

बळयिर 1:16

“मावोरिर, यहुदा इस्केर्योति बार, माट ऐंगेन कलियिस सेवा कींदोम इन्जि, मीट पुतिर. तेला मति ओग़े येसुन दोहच ओयलाह वातोरिह्‌क तोळ ईतोग़. अदिह्‌के देवुळता पवित्र जीवा वेहतपु, दाविद राजाल मुनेन सास्त्रमते यहुदाना लोप्पा बेद पोल्‍लो रासिस तासतोग़, अद पोल्‍लो करल आयनदे मता.”

मत्याल 27:35

पया येसुन हव्कनागुटातगा कय्किन-काल्किन मोल्‍लाङ कोटिस वेळ्हतस्के, ओनाङ गेंदेङ सीटिङ वाटिसि तूसतोर.

मत्याल 2:14

अदिह्‌क पया योसेपि सीता अरताहे पेकानु, ओना तलिन पोसि, नग़्काडा-नग़्काने मिसर देसेमते पेसिस विततोग़.