मत्याल 2:11 - माडिया गोंड पवित्र सास्त्रम

¹¹ पया ओरु उका रोमतद लोतगा नेङतोर, अगा पेकानु, ओना तलोग़ मरियानु ऊळतोर, ऊळिसि पेकानाङ काल्क अर्सि, ओरु ओन दंडुम अरतोर. ओसो ओरु तमाङ सोमताङ पेटिनु तेंडिसि, बंगरि, वेल्‍ला दाराता दूपमि, अतर्नेयु, इद्रमताङ पेकाह्‌कु वाटटोर.

मत्याल 2:11 Referans Kwoze

लूकाल 2:16

इतस्के ओर दरि-मरि आसोर अग्डाह पेसतोर. बेत्लेहेम एवतस्के मरियान, योसेपिन ओसो कोंदाह्‌क पीर ईयनद जागातगा टेटेम अर्स मतोग़ बाला पेकान ऊळतोर.

मत्याल 2:2

“यहुदिरा राजाल पुटटोग़ इनजोर तोहतनद उकातुन माट पोळ्‍द पेसना बाजे ऊळतोम, अहे ओन दंडुम अरयकोम इन्जि वातोम. ओग़ पुटटोग़ु बेगाडोग़?” इन्जि वेर उकान ऊळवालोर ताल्ह्‌कतोर.

तोहचीतव पोल्‍लोङ 19:10

इतस्के नना अद देवतुलतुन दंडुम अरयलाह, तानाङ काल्क अरतन; मति अद इता, “नाक दंडुम अरमा! नीवा लेह्‌कान, नीवा ऐंगेटोर विस्वसिरा लेह्‌कान, नना वने येसुनेनाह्‌क साक्सि ईसोर, देवुळतुन माळवानने! देवुळतुने मोळ्का. बह इतेके येसुना साक्सि ईयनदे, देवुळता सेतेम कबुर वेहतनाह आस्ता,” इनजोर इता.

मत्याल 14:33

अस्के ओडातगा मतोरु “निमा निटमे देवुळता मग़निन,” इनजोर येसुनाङ काल्क मोळ्कतोर.

तोहचीतव पोल्‍लोङ 5:8

गोरेपिला अद तोला सीटटुन एतस्के, नालुङ जीवात मनदनव दिंचिङ ओसो वीसा नालवुर पेदल्कु, ताना मुनेह अर्सि मोळ्कतोर. ओर ओर्वोग़-ओर्वोग़, तमाङ कय्कने उंद जेतुरि, ओसो दूपम उर्न्जनद बंगरता कस्ला पोस मतोर. अद कस्लामेंड दूपम मता. अद दूपम इतेके देवुळता मन्कलोरा पार्तना आंदु.

लूकाल 2:38

(सिमोन मुय्तोग़ येसुना तलोग़-तपेरा संगे वळ्ह्‌कसोर मतोग़,) अस्के, अद सेळो ओरगा वाता. वासि देवुळि इस्रयेल लोकुरिन तमा तिपलताहि बेस्के विळ्सिह कीयग़ा इनजोर केपवालोर लोकुरिन, येसुना लोप्पा वेहता. वेहचि येसुनेनाह्‌क देवुळतुन जोहर कीता.

मत्याल 1:18

देवुळ लोहतोग़ पिसिह केवाल येसु इद्रम पुटटोग़ इतेके, ओना तलोग़ मरियानु योसेपि ताल्ह्‌किसि पोल्‍लो करल कीस मतोग़. वेर इर्वुर जोळेम आयनामुनेन, अदु नेलाङ हव्कतद दिसता; इदु देवुळता पवित्र जीवाता लावता मेटेन आता.

मत्याल 2:10

उका रोमतदिन ऊळिसि, ओरिह्‌क बेचोनो गिर्दा वाता!

मत्याल 12:46

जमा आता मुडा संगे येसु वळ्ह्‌कसोर मनेके, ओना तलोग़ि, ओनाङ तमोर वासि, ओना संगे वळ्ह्‌कना मन्ह्‌ता इन्जि, लोता पलते निच मतोर.

योहन 19:39

योसेपना संगे निकोदेमि इनवाल वने, येसुन पोहतलाह वातोग़. (वेग़े कोनि मुने उंद दिया नग़्का, येसुन कलियलाह वास मतोग़.) वेग़ु सेत्तातुन ओकलाह डेडा वीसा मूंडु (33) किलोङ, गब एग़्स्कनद मराता पिंडि ओसो अतर्नेय, काल्वा कीसि तच मतोग़.