मत्याल 19:23 - माडिया गोंड पवित्र सास्त्रम

²³ अस्के येसु तनाङ कग़यवालोरिन इतोग़, “इह केंजाट, नना सेतेम वेहतह्‌नन, मता मन्कलोर देवुळता राजेमतोर आयना इतेके, पकाय मुस्किल आस्ता!

मत्याल 19:23 Referans Kwoze

मत्याल 13:22

कोये-जपिङ मतद जागा इहलेह्‌काडा आंदु. बोर कबुरतुन केंजिह्‌तोर, मति सम्सरमताङ आल्सुळ्क ओसो अनम-दनमता उळ्बे, इव कोयेनलेह्‌काडाङ देवुळता पोल्‍लोतुन ओरा जीवातगा मोन्ह्‌ट एवोङ, पया अद पोल्‍लो बातय पाय्दाता आयो.

मार्कल 10:23

पया येसु सर्ने ऊळिसि, तनाङ कग़यवालोरिन इतोग़, “पका मालसोम मता लोकुर, देवुळता राजेमतोर आयना इतेके, पका मुस्किल आस्ता.”

लूकाल 18:24

ओग़ मेसेह्‌ने आतदिन ऊळिसि येसु इतोग़, “साव्कर लोकुर देवुळता राजेमतोर आयना इतेके, पका मुस्किल आस्ता.

1 कुरिंततोर 1:26

मावोर विस्वसिरिर! इद पोल्‍लोतुन विचर कीस ऊळाट: मियगा वेल्‍लाटोरिर, मन्कलोरा इसबते बुदतोरिर आयविर, लावतोरिर आयविर, बेरा लोतोरिर आयविर! तेला मति देवुळि मीक केयिसि, तना मन्कलोर कीता.

योहन 3:3

अस्के येसु ओन इतोग़, “इह केंजा, नना सेतेम वेहतह्‌नन, बोन्काय देवुळताहि पूना पुटमुळ दोर्कवालेवा, देवुळ राजेम कीयनदु ओन्क मुर्तिय दिसो!” इन्जि इतोग़.

याकुब 2:6

मीट बार गरिब मन्कलोरा कदर रेहतिर. मति मीक मुळ्ह्‌वालोर, ओसो पंचतगा ईळ्सिस ओयवालोर, साव्कर मन्कलोरे आयो रा?

बळयिर 14:22

(ओर बेद-बेद सहरते मलतोर,) अग्डोर विस्वसिरिन “बेचोन तिपल वातेक तेला, येसुन विळ्सवा विस्वसते मन्ह्‌टु. देवुळदीपता राजेमते दायनामुने, माकु ऊक-ऊके विरुदतुन आप पोयग़ाये” इनजोर, पका विस्वस कीयलाह वेहचि, ओरिह्‌क दीरा ईतोर.

योहन 3:5

इतस्के “इह केंजा, नना सेतेम वेहतह्‌नन, बोग़े एताहि ओसो देवुळता जीवाताहि पुटवालेवा, देवुळ राजेम केवालोर लोकुरगा ओन्कु जागा दोर्को आयग़ा.

मत्याल 18:3

अह कीस इतोग़, “इह केंजाट, नना सेतेम वेहतह्‌नन, मीटु बुदते मिळ्न्दिसि, उड्लोरा लेह्‌का जीवाते कुलुल आयवालेवा, मीकु देवुळ राजेम कीयना लोकुरगा जागा दोर्को आयग़ा.

मत्याल 5:20

इंजेके सास्त्रमगूरुर, परुसिर देवुळता पोल्‍लोतुन कर्तुळते नोमिह्‌तोर इह्‌निर बहे. मति नना मीकु वेहतह्‌नन इतेके, वेरिह्‌काय वीळिस मीट देवुळता पोल्‍लोतुन माळवालेवा, मीकु देवुळ राजेम कीयना लोकुरगा जागा दोर्को आयग़ा.

मत्याल 21:31

“इदिनलोप्पा मीवा बाताल विचर मन्ह्‌ता? इर्वुरग्डाहि बोग़ तपेना पोल्‍लो केंजतोग़?” इन्जि येसु ओरिन ताल्ह्‌कतोग़. “माळा मग़िय केंजतोग़,” इनजोर इतोर. येसु ओरिन इतोग़, “इह केंजाट, नना सेतेम वेहतह्‌नन, मीकाय मुने सिद्‌वा एनवालोर ओसो बोगेस्कु, इद्रमतोर देवुळता राजेमते जागा पोयह्‌तोर.

मत्याल 19:22

इव पोल्‍लोन केंजिसि, वेग़ लेयोग़ पकाय आल्सुळते अरतोग़, पया अग्डाह पेसिस अतोग़. बाराह्‌क इतेके वेना मालसोम वेल्‍लाय मताह्‌कु, (अदिन पोहतलाह वेन्क जीवा वावो).