33 नना नीकु बेद्रम जीवा लोपिसि विळ्सिसीतन, अद्रम निमा वने नीवा तोळतोनु जीवा लोपिस विळ्सनद आयोया?’
दुस्रोर मीक तप तासतेक तेला, कोदा पोयमाटु, गूनमते आपाटु. ओर्विह्क-ओर्वोनगा कसुर मतेके, सामि मीवा कसुरतुन मापि कीतप लेह्का, मीट वने मापि कीम्ह्टु.
ओर्विह्क-ओर्वोग़ गूनमते मन्ह्टु, ओसो दुस्रोरिन ऊळिस जीवा लोपवालोरिर आम्ह्टु. किर्स्तुना मेटे देवुळि मीवा पापमतुन मापि कीता. अद्रमे मीट वने ओर्विना-ओर्वोग़ कीतव कसुर्किन मापि कीसीम्ह्टु.
ओसो बहु माट मावा अडम मता कसुरतोरिन मापि कीतोम, अहु मावाङ कसुर्किन मापि कीमु.
“बोरु दुस्रोरिन जीवा लोपतप मन्ह्तोर, ओर देवुळता देय्वातोर. ओरिन इंका देवुळ जीवा लोपतप मनदग़ा.
अस्के ओग़ राजाल, वेन सेवकिन तनगा केयिसि इतोग़, ‘ए जीवा लोपवोनिन, निमा ऊळा, नावाङ काल्क मोळ्कताह्कु, नाक ईयनद नीवा बेह्रा करातुन, नना विळ्सिसि मापि कीसीतन.
पया राजाल वेना पोग़ोन पका ओङ आसि, वेग़ कतम करा देहनाह्जोमु, वेनु सिक्सा केवालोर दरोगालोरा कयदे ईसीतोग़.