मत्याल 16:14 - माडिया गोंड पवित्र सास्त्रम

¹⁴ अस्के ओर इतोर, “गूरु, निमा मुनेतोग़ बोग़ो कबुरतोग़ जीवा अर्स मनदनोग़ इन्जि, लोकुरा विचर मन्ह्‌ता. अहे नीक वेल्‍लाटोरे इन्ह्‌तोर, ‘एते मीहवाल योहन मनदनोग़.’ ओसो उय्तुर इन्ह्‌तोर, ‘एलियाल कबुरतोग़ मनदनोग़.’ ओसो इन्ह्‌तोर, ‘यिर्मयाल कबुरतोग़ मनदनोग़,’ अद्रमे ओसो ‘बोग़ ओर्वोग़ देवुळता कबुरतोग़ मुनेतोग़ मनदनोग़,’ इद्रम इन्ह्‌तोर,” इतोर.

मत्याल 16:14 Referans Kwoze

मार्कल 6:15

उय्तुर बार, “देवुळता कबुरतोग़ एलिया मुय्तोग़ ओसोवने वातोग़,” इंदुर. ओसो उय्तुर बार, “वेल्‍लाय मुने देवुळता कबुरतोर बोर मतोर, वेग़ अद्रमतोग़े,” इंदुर.

मत्याल 14:2

(वेग़ राजाल मुने देवुळता पेदिरते एतेमीहवाल योहनिनहव्किस मतोग़, अदिह्‌के) वेग़ येसुना लोप्पा इह इतोग़, “ओग़ कोनि निटमे योहन मनदनोग़! ओग़ हासि ओसो तेग़्कतोग़ बहे, अदिह्‌के ओग़ अचोटाङ डीसाताङ कबस्क कीया पग़यह्‌तोग़,” इन्जि तनाङ सेवकिरिन वेहतोग़.

योहन 9:17

अदिह्‌कु ओर ओसो उंद देबा ओन पुटगुडिन ताल्ह्‌कतोर, “ओग़ नीवाङे कोंडान बेस कीतोग़ इन्जि, ओग़ बेद्रमतोग़ मन्कल इनजोर निमा इह्‌निन?” इतोर. “एय, ओग़ देवुळता कबुरतोग़ मनदनोग़ इह्‌नन,” इन्जि ओग़ इतोग़.

योहन 7:12

लोकुरा मुलु येसुना लोप्पा तमतमाय कुस्क-कुस्क वळ्ह्‌किंदुर. “आयो रा, ओग़ नेह्‌नोग़ मन्कल,” इन्जि उय्तुर इंदुर. उय्तुर बार इंदुर, “आयो रा, ओग़ लोकुरिन लेसिह कीस्तोग़ गोतो,” इंदुर.

मार्कल 8:28

अस्के “उय्तुर बार नीक एग़ मीहवाल योहन इन्ह्‌तोर; उय्तुर बार देवुळता कबुरतोग़ एलियाल आंदोग़; उय्तुर बार मुनेतोग़ बोग़ो देवुळता कबुरतोग़ मनदनोग़ इन्ह्‌तोर” इनजोर कग़यवालोर इतोर.

मत्याल 17:10

“इंगो गूरु! मति देवुळ लोहवाल राजाल वायनामुनेने, (ओना अग़दुन ओप्पे कीयलाह,) एलिया मुय्तोग़ मल्स वायनोग़ इनजोरे सास्त्रमगूरुर इन्ह्‌तोर. अद्रम बाराह्‌क इन्ह्‌तोर?” इन्जि वेर येसुन ताल्ह्‌कतोर.

योहन 1:21

अस्के वेर ओन ताल्ह्‌कतोर, “निमा बोनिन पया, पिसिह केवाल वायनामुने, देवुळता कबुरतोग़ एलियाल वायना मन्ह्‌ता, निमा ओनिना?” “आयो, नना एलियानन आयोन.” “पया मोसानलेह्‌का देवुळता कबुरतोग़ वायना मन्ह्‌ता, बह ओनिना?” “आयो, नना ओनन आयोन!” इनजोर योहन इतोग़.

मत्याल 3:1

वेल्‍लाङ वर्साङ आताङ, येसु बेर्सतोग़. अव दियाने पापमताहि मिळ्न्दनद सीना इनजोरे, लोकुरिन देवुळता पेदिरते योहन इनवाल एते मीहन्दोग़. वेग़ु यहुदा पटटा पेळ्ह्‌कल बूमते देवुळता कबुर वेहचोर वातोग़.

मत्याल 16:15

“इंगो, मति मीट पया नाक बोग़ इनजोर इह्‌निर?” इन्जि येसु ताल्ह्‌कतोग़.