मत्याल 15:14 - माडिया गोंड पवित्र सास्त्रम

¹⁴ वेर परुसिरक्‍के सीता केमाटु, वेर अहे मनिर. गुडिरिह्‌क अग़ तोहवालोर वेर गुडिरे! गुडिह्‌क गुडि अग़ तोहनेके, ओर इर्वुर आसि बोंदातगा अरयनुर!” इद्रमि ओरिन येसु इतोग़.

मत्याल 15:14 Referans Kwoze

लूकाल 6:39

ओसो येसु इद्रमता पुन्पिह कीयनद पीटो वेहतोग़, “बोग़ाय गुडि, दुस्रोग़ गुडिन अग़ तोहचीया पग़यह्‌तोग़ा? बह वेर इर्वुर आसि बोंदातगा अरवोर आयनुरा?

2 पत्रु 2:1

मति देवुळता कबुर वेहवालोरोम इनजोर, नाळेह केवालोरु, मुने देवुळता मन्कलोरा नडुम मंदुर. अद्रम इंजेके वने, जोल पोल्‍लोङ काग़्हवालोर मियगा मनदनुर. विस्वसतुन बूळे कीयनव जोल पोल्‍लोन, कुस्क्ने पोकुर कीयनुर. आपुना जीवाता कर्सा ईस ओरिन असतोग़ माल्काना पोल्‍लो केंजवा ताकनुर. इद्रम कीसि, ओर कुद चट्पिटे गोसातगा अरयनुर.

तोहचीतव पोल्‍लोङ 22:15

मति देवुळताङ पोल्‍लोन पास्कवालोरु, ओदेङ पंडवालोरु, साट्याल कबळ केवालोरु, हव्कवालोरु, पेन-बोमान मोळ्कवालोरु, जोल पोल्‍लोङ कीयलाह गिर्दा आसि मनवालोर सबेटोरु, अद सहरता लोप्पा ओळिय पग़वोर.

तोहचीतव पोल्‍लोङ 19:20

आतस्के, पया पांड्रि कोडातगा उदतोग़ु अद रकसतुन पोयतोग़. जोल कबुर वेहतनद बूमतग्डा रकसतुन वने पोयतोग़. पोसि, रेंड आसि रकस्किनु, मळ्गनद किसबटटगा, जीवा अग़्केन वाटिसीतोग़. (बूमतग्डा रकस इतेके, मुनेता रकसता मुनेह, बामनाङ सीनाङ तोहन्दु; तोहचि मुनेता रकसता सीना रासतोरिनु, ताना बोमातुन मोळ्कतोरिनु, नाळेह कींदु.)

2 पत्रु 2:17

वेर जोल पोल्‍लोङ काग़्हवालोर वततव चुवाना लेह्‌काडोर; वळ्‍दे तेळिस दायनद मोयुलता लेह्‌काडोर, (इतेके मेसेह्‌ने केवालोर) आंदुर. वेरेनाह्‌क देवुळि अमेसाता ईकळतुन तासता.

1 तिमोति 6:5

इद्रमतोर लाग्वा बुदतोर आंदुर, ओसो सेतेम पोल्‍लोताहि जेक आतोर, रोमवालेवा जग्ळम आसोर मन्ह्‌तोर. इद्रमतोर देवुळतुन माळिसि, पका कोताङ कमय कीसि माक पाय्दा आस्ता इनजोर, विचर कीस्तोर.

योहन 9:39

“नना लोकुरा पापम तोहतलाहि इद बूमते वातन. बोर लोकुर माट गुडिरा लेह्‌का ईकळते ताकिह्‌नोम इनजोर पुन्ह्‌तोर, ओरिह्‌क देवुळता वेह्‌च दिसग़ा, इदिनेनाह्‌क इद बूमते वातन. ओसो बोर तोवयह्‌नोम इन्ह्‌तोर, ओर निटमे तमा बुदते गुडिर इन्जि नना तोहतकन,” इन्जि येसु इतोग़.