मत्याल 15:13 - माडिया गोंड पवित्र सास्त्रम

¹³ “नावा देवुळदीपतोग़ बाबाल बेव पोर्ह्‌कान ओग़्सोग़, अविन ओग़ु कतमे कुळ्ह-कुळ्ह तह्‌किसीयनोग़.

मत्याल 15:13 Referans Kwoze

योहन 15:2

नना तोंडालेह्‌काडोनन, (मीट नावाङ कांदानिर आंदिर). नयगा आदवाङ कांदानु, बाबाल डायिस पोहचीस्तोग़. मति आदनाङ कांदानु, पका आदना इन्जि, ओग़ एळ्पिसि जूत कीस्तोग़.

योहन 15:6

बोर नयगा जोळेम आस मनोर आयनुर, ओरिन नावा बाबाल कांदान डायतप लेह्‌का, डायिस पोहचीयनोग़. इद्रमताङ कांदाङ वततस्के, अविस्किन गुम कीसि किसतगा वाटिह्‌तोर, पया अव पूरा कर्विस दास्ताङ.

1 कुरिंततोर 3:9

इंजेके पोलम माल्कानाये आंदु, बूततोरा आयो. अहे बेदाय लोन माल्काले जागा आयलाह दोहतद मन्ह्‌ता, बेल्दर्किह्‌क (लोन दोहवालोरिह्‌क) आयो. अद्रमलेह्‌काने मीट देवुळताये लोकुरिर आंदिर, तानेनाह्‌के पिसिह्‌निर. माट बारा सिरप देवुळता कबळ ऐंगेन केवालोरोम.

मत्याल 15:12

गय्क मनेके, कग़यवालोर येसुनगा वासि इतोर, “नांगा वेहन्दिन अद पोल्‍लोतुह्‌क परुसिर पकाय नारज आतोर, तेन निमा पुतिना, गूरु?” इन्जि वेहतोर.

योहन 15:1

कग़यवालोर ओना संगे ताकनेके, येसु इद्रम काग़्हतलाह आतोग़: “ननान करलता अंगुर-तोंडालेह्‌काडोनन आंदन. नावा बाबाल इतेके, अंगुर वाळुमतुन सोय केवाना लेह्‌काडोग़ आंदोग़.

यहुदाल 1:12

मीट किर्स्तुन सीता कीस ऐंगेन कलियनद कुळ्पतुह्‌क जमा आयह्‌पा, वेर वने मीवा संगे कलियिह्‌तोर; अगा मन्जि, वेरु मीट विस्वसिरिह्‌क एग़्कुळ आयवालोर दोकानोर मन्ह्‌तोर. कुळ्प तिनदनगा बोराय पर्वा केवालेवा, आपुना पोटातेनाह्‌के ऊळिह्‌तोर. वेरु, वळ्‍दे तेळिस दायनद मोयुलता लेह्‌काडोर आंदुर. ओसो वाग़ताह्‌कु, आदनद कालमते आदवव मरानु, मन्कलोर नळ्किह्‌तोर; इद्रम वेरु मुर्तिय आदवव वाग़तव मराना लेह्‌कान मन्ह्‌तोर.