मत्याल 13:52 - माडिया गोंड पवित्र सास्त्रम

⁵² “अह इतेके, बेद्रम लोता माल्काल तना विजाबडटाहि पाळ्नाङ, पूनाङ इद्रमताङ मालसोमतुन पेहतह्‌तोग़, अद्रमलेह्‌काने मीट वने देवुळ राजेम कीयनाङ अडोङ कग़यतोरिर, दुस्रोरिन काग़्हतकिर. (अस्के मीटु पाळ्ना काग़्हमुळ ओसो नावा पूना काग़्हमुळ, मीवा पोटाताहि पेहच काग़्हतकिर,)” इन्जि येसु ओरिन इतोग़.

मत्याल 13:52 Referans Kwoze

तीतुस 1:9

येसुनाङ बळयिर काग़्हतद बेस्केन चुकवद कबुरतुन बेस-नेह्‌ना पोस मनवाल मनदना. अस्केन चुकवाङ पोल्‍लोन काग़्हचि, केंजवालोरिह्‌क दीरा ईया पग़यह्‌तोर, ओसो सेतेम पोल्‍लोतुन पास्कवालोर मन्कलोरिन सुद्रे कीया पग़यह्‌तोर.

मत्याल 12:35

बेसतोग़ मन्कल तना पोटाताहि बेसताङ पोल्‍लोङ पेसिह कीस्तोग़, अहे लाग्वोग़ मन्कल तना पोटाताहि लाग्वाङ पोल्‍लोङ पेसिह कीस्तोग़.

लूकाल 11:49

“अदिनेनाह्‌क देवुळि तना बुदते इद्रम इता, ‘नना कबुरतोरिनु, ओसो बळयिरिन वने ओरगा लोहतकन. अस्के उय्तुरिन बार हव्कनुर, ओसो उय्तुरिन बार पका तिपल कीयनुर,’ इता.

मत्याल 23:34

केंजाट, नना मियके कबुरतोरिनु, सेहनालोरिनु, सास्त्रमगूरुरिनु लोहतकन. मीटु ओरिन उच्वुरिन हव्कनागुटातगा वेळ्हतकिर, हव्ककिर, ओसो उच्वुरिन मीवाङ पार्तनाताङ लोह्‌कने सोग़्‍पा-जूटटे नल्हतकिर, नल्हचि ओरिनु नाह्‌क-नाह्‌क कोहतकिर.

कुलुसितोर 3:16

अद्रमे किर्स्तुना पोल्‍लो मीवा जीवातगा गडि, अदे मीक ताकिह कीयि. देवुळ ईतद बुदते, ओर्विह्‌क-ओर्वोग़ बुदिङ-एदिङ काग़्हचोर मन्ह्‌टु. देवुळता सास्त्रमताङ पाटाङ, ओसो रीतरीतिनाङ पाटाङ, इविस्कने देवुळतुन जोहर कीसोर, मीवा पूरा जीवाताहि ओसोर मन्ह्‌टु.

इपिसुसतोर 3:8

देवुळता मन्कलोर सबेटोरिह्‌काय, ननाय ओसोय उड्लोनन. तेला मति देवुळि नाक इद देय्वा ईता: इतेके किर्स्तुनगा बेचोन लेकालेवा बर्कत दोर्किह्‌ता इनजोर, यहुदि आयवोरगा अन्जि, कबुर वेहतनद सेवा नावा कयदे ईता.

योहन 13:34

“अदिह्‌क नना मीक उंदि पूना उकुम ईय्ह्‌नन: मीटु ओर्विह्‌क-ओर्वोग़ जीवा कीम्ह्‌टु. बेद्रम नना मीक जीवा कीतन, अहे मीट वने ओर्विह्‌क-ओर्वोग़ जीवा कीम्ह्‌टु.

इपिसुसतोर 3:4

नना रासतन अव पोल्‍लोन मीट अर्वतस्के, किर्स्तुना लोप्पा मकिस मतद पोल्‍लो, नाक बेद्रम तेळियता इनजोर, मीट पुनदकिर.

2 कुरिंततोर 6:10

दुकम आतेक तेला, बेस गिर्दा आस मह्‌नोम. माट कोताङलेवोरोम मह्‌नोम, मति वेल्‍लाटोर मन्कलोर देवुळता बेरा बर्कततुन दोर्किह कीयनाह कीय्ह्‌नोम. मयगा बाताले इलवेक तेला, किर्स्तुनग्डाह दोर्कनव सबेटव मयेनाह्‌के मन्ह्‌ताङ.

1 तिमोति 3:6

ओग़ु वेल्‍लाजोमताहि येसुसामिन नमिस ताकवाल मनदना गावले. पूना-पूना विस्वसते वातोनु मुक्याल तासमा. तासतेके (“नना सबेटोरिह्‌काय नेह्‌ना मन्कनन इन्जि, ओर नाक मुक्याल आयलाह तासतोर,” इद्रम इनजोरे,) ओग़ पोमाडेङ आयनोग़ बहे. अस्के देयह्‌कना मुक्याह्‌क ईतद सिक्सा इद्रमतोन्कु वने दोर्कग़ा, (बह इतेके अद वने नना बेरोनन इन्जि, देवुळताहि एग़ता).

मत्याल 13:51

“इव सबे पोल्‍लोङ मीक तेळियताङा?” इन्जि येसु कग़यवालोरिन ताल्ह्‌कतोग़. “इंगो गूरु, माक तेळियताङ,” इन्जि ओर इतोर.

मत्याल 13:53

पया इव पुन्पिह कीयनव पीटोङ वेहच मारतस्के, येसु अग्डाहि पेसिस अतोग़.

मत्याल 28:19

अदिनेनाह्‌क मीटु अन्जि, सबे जातिनोर लोकुरगा, नावाङ कग़यवालोर आयिर इन्जि, ओरिह्‌कु नावाङ पोल्‍लोङ वेहचि, देवुळबाबाना, ओसो देवुळता मग़ना, ओसो देवुळता पवित्र जीवाता पेदिरते, एग़ मीहाटु.